არ იცი სად დაისვენო ზამთარში?

თუ ზამთარი შენთვის სათხილამურო სპორტთან ასოცირდება ან გსურს, თხილამურებზე დგომა პირველად გამოცადო, ბაკურიანს აუცილებლად უნდა ესტუმრო. დათოვლილი მთები, სუფთა ჰაერი და საბაგიროებიდან გადაშლილი ხედები დაუვიწყარი შთაბეჭდილებებით აგავსებს. ბაკურიანში დასვენებას კომფორტულადაც შეძლებ, რადგან სასტუმროებისა თუ ბინების მრავალფეროვანი არჩევანი საშუალებას გაძლევს, შენთვის იდეალური საცხოვრებელი იპოვო. ბაკურიანში 1 ღამის გატარების ფასი 20-25 ლარიდან იწყება, ყველა მიმდინარე განცხადებას კი აქ ნახავ.

ბორჯომი

ბორჯომი ის გამორჩეული ბალნეოლოგიური კურორტია, რომელიც დამსვენებლებს ნებისმიერ სეზონზე ულამაზესი ბუნებითა და განტვირთვის მრავალფეროვანი შესაძლებლობებით ხიბლავს. თუ დასვენებასთან ერთად ისტორიული და კულტურული ძეგლების მონახულება გსურს, ბორჯომი იმედებს ნამდვილად არ გაგიცრუებს. კურორტის ულამაზესი ხედებით ტკბობას კი საბაგიროდანაც შეძლებ. ბორჯომში საცხოვრებლის ქირაობის ფასი 25 ლარიდან იწყება, ხოლო სასტუმროსა თუ კერძო ბინის შერჩევას SS.ge-ის ვებგვერდზე შეძლებ.

ბათუმი

საზღვაო კურორტების მოყვარულებმა კარგად იციან, რომ ზამთარში სანაპიროზე სეირნობას სულ სხვა ხიბლი აქვს. თითქმის ცარიელი სანაპირო, ზღვის ტალღების ხმა და სიმშვიდე იდეალური კომბინაციაა მათთვის, ვისაც ზამთრის შვებულების განსხვავებულად გატარება სურს. ამასთანავე, ბათუმი ერთ-ერთი მნიშვნელოვანი ტურისტული ადგილია, რომელიც დამსვენებლებს ყოველ სეზონზე განსაკუთრებული გამოცდილებით ხიბლავს. ბათუმში ოთახის დაქირავების ფასები 50 ლარიდან იწყება, საუკეთესო შემოთავაზებებს კი ამ ბმულზე შეგიძლია გადაავლო თვალი.

გუდაური

სათხილამურო სპორტის მოყვარულებისთვის გუდაური იდეალური ადგილია, რომელიც თანამედროვე ინფრასტრუქტურით გამორჩევა. საბაგიროებით კი კავკასიონის ქედებით ტკბობა ზღვის დონიდან დაახლოებით 3300 მეტრამდეა შესაძლებელი, რაც დაუვიწყარ გამოცდილებას ქმნის. ასევე, თუ ექსტრემის მოყვარული ხარ, გუდაურში პარაპლანით ფრენის შესაძლებლობაც გექნება. გამომდინარე იქიდან, რომ გუდაურში ახლა სათხილამურო სეზონია, როგორც მაღალი დონის, ისე ოჯახურ ტიპის სასტუმროებს მარტივად იპოვი. ბინის საწყისი ფასი 87 ლარია, ყველა შემოთავაზებას კი SS.ge-ის ვებგვერდზე შეგიძლია გაეცნო.

მესტია

დათოვლილი სვანური კოშკები, ღრუბლებში გახვეული უშბა, მშვიდი გარემო — სწორედ ასეთი ჯადოსნური ზამთარი დაგხვდება მესტიაში, რათა თავი ბუნებასთან სრულ ჰარმონიაში იგრძნო. ამასთანავე, მესტიაში განსხვავებულ კულტურას ეზიარები, ისტორიულ ღირსშესანიშნაობებს დაათვალიერებ და გამორჩეულ ადგილობრივ სამზარეულოც დააგემოვნებ. ამ ზღაპრულ გარემოში ერთი ღამის გატარების ფასი 50 ლარიდან იწყება. სასტუმროს, კერძო სახლისა თუ კოტეჯის შერჩევას აქ მარტივად შეძლებ.

ყაზბეგი