რა განსაზღვრავს ვაკანსიების რაოდენობას ქალაქების მიხედვით — მიზეზები

მოსახლეობის რაოდენობა და ურბანიზაცია

რაც უფრო მეტია ქალაქში მცხოვრები ადამიანების რაოდენობა, მით მეტია ეკონომიკური აქტივობაც — იზრდება მოთხოვნა პროდუქტებზე, მომსახურებაზე და შესაბამისად, იმ კომპანიებზე, რომლებიც ამ მოთხოვნას აკმაყოფილებენ. კომპანიების ზრდასთან ერთად კი მეტი ვაკანსია ჩნდება. თბილისში, როგორც ყველაზე მჭიდროდ დასახლებულ ქალაქში, მუდმივი მოთხოვნაა ყოველდღიურ მომსახურებაზე: კვება, ტრანსპორტი, ჯანდაცვა, საცხოვრებელი, განათლება თუ გართობა. ამ მოთხოვნების დასაკმაყოფილებლად კი საჭიროა სხვადასხვა სფეროში დიდი რაოდენობით ადამიანების დასაქმება. 

ინფრასტრუქტურა და კომუნიკაციები

კარგად განვითარებული ინფრასტრუქტურა ბიზნესის გაფართოებისთვის ხელსაყრელ პირობებს ქმნის და კომპანიები ინვესტირებით მეტად ინტერესდებიან. მაგალითად, თბილისი, ბათუმი თუ ქუთაისი ბიზნესებს მეწარმეობისთვის ხელსაყრელ ინფრასტრუქტურას, საბანკო სერვისებს, იურიდიულ ხელმისაწვდომობასა და ლოგისტიკურ შესაძლებლობებს სთავაზობს, რაც მათთვის უსაფრთხო, სტაბილურ და ეფექტურ გარემოს ნიშნავს. ასეთი ინფრასტრუქტურა მიმზიდველია არა მხოლოდ დიდი, არამედ მცირე ბიზნესებისა და სტარტაპებისთვის, რაც კიდევ უფრო მეტ სამუშაო ადგილს ქმნის.

ტურიზმი და სეზონური მოთხოვნა

ტურისტული სეზონი მნიშვნელოვან გავლენას ახდენს გარკვეულ ადგილებში ვაკანსიების რაოდენობის ზრდაზე. მკვეთრი სხვაობა კარგად ჩანს ბათუმის, მესტიის, ყაზბეგისა თუ სხვა ადგილების მაგალითზე: სასტუმროები ეძებენ ადმინისტრატორებს, დამლაგებლებს და მზარეულებს, ტურისტული კომპანიები — გიდებს და მძღოლებს, ხოლო კაფეები და ბარები — ოფიციანტებსა თუ ბარმენებს. შედეგად, იქმნება ათეულობით დროებითი სამუშაო ადგილი, რაც ხშირად ახალგაზრდებისთვის (სტუდენტებისთვის) და ადგილობრივებისთვის დამატებითი შემოსვლის წყაროა.

უცხოელი მოქალაქეების მიგრაცია

ბოლო წლებში საქართველოში იმ უცხოელი მოქალაქეების მიგრაცია გაიზარდა, რომლებიც არა მხოლოდ ტურისტული მიზნით ჩამოდიან, არამედ აქ სამუშაოდაც რჩებიან. ჩამოსული ადამიანები ხშირად ინაცვლებენ დიდ ქალაქებში, რაც ზრდის მოთხოვნას პირველადი მოხმარების სერვისებზე: კვება (რესტორნები, ბარები, მაღაზიები), საცხოვრებელი (ბინა, სასტუმრო, გესთჰაუსები), ჯანდაცვა (აფთიაქები, კლინიკები). ეს ზრდა თავისთავად წარმოშობს ახალ ვაკანსიებს, რათა მოთხოვნა დაკმაყოფილდეს. ამასთან, ბევრი მათგანი თავად იწყებს ბიზნესს, რაც სამუშაოს ადგილობრივებისთვისაც ქმნის.

განათლება და სპეციალიზებული კადრები

ქალაქებში, სადაც თავმოყრილია უნივერსიტეტები და პროფესიული სასწავლებლები, ვაკანსიების რაოდენობაც მაღალია, რადგან კომპანიებს მარტივად შეუძლიათ კვალიფიციური კანდიდატების მოძიება. საგანმანათლებლო დაწესებულებების სიმრავლე მნიშვნელოვანი ფაქტორია როგორც ადგილობრივი, ისე საერთაშორისო კომპანიებისთვის, რომ ოფისები სწორედ იმ ქალაქებში გახსნან, სადაც საჭირო უნარების მქონე პოტენციური კადრები უკვე ადგილზეა. ამასთან, სტუდენტებს ეძლევათ შესაძლებლობა დასაქმდნენ ნახევარ განაკვეთზე ან გაიარონ სტაჟირება, რადგან კომპანიები ახალგაზრდებში ხშირად ხედავენ ინოვაციურ აზროვნებასა და განვითარების პოტენციალს.

თუ სამუშაოს ამჟამად ეძებ და კონკრეტულ ქალაქში გსურს დასაქმება, აქტიური ვაკანსიების მარტივად მოძებნაში SS.ge დაგეხმარება. ამისთვის შემდეგ ბმულზე უნდა გადახვიდე, სადაც აქტიური ვაკანსიების ჩამონათვალს დაინახავ, შემდეგ კი მარცხენა კუთხეში უნდა მოძებნო "ქალაქი" და სასურველი მონიშნო. ასე შეძლებ, რომ შენთვის საინტერესო და შესაბამისი შეთავაზებები უფრო სწრაფად იპოვო.