რა უნდა იცოდე ავტომობილის ტექინსპექტირების შესახებ

საქართველოში ავტოსატრანსპორტო საშუალებების ტექინსპექტირება სავალდებულო მას შემდეგ გახდა, რაც ევროკავშირის ქვეყნებთან ასოცირების ხელშეკრულების ხელმომწერი ქვეყანა გავხდით. მთავრობის სპეციალური დადგენილებით, შემუშავებულ იქნა ტექნიკური რეგლამენტი - „ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“, რომელიც განსაზღვრავს სატრანსპორტო საშუალებების მიმართ წაყენებულ ტექნიკურ მოთხოვნებს, რომელთა შესაბამისობის დადგენის მიზნით ტარდება პერიოდული ტექნიკური ინსპექტირება.

ამ ბლოგში, გთავაზობთ იმ ძირითად და აუცილებელ დეტალებს, რისი ცოდნაც საჭიროა  როცა ავტომობილი გყავს ან აპირებ, რომ შეიძინო.

რამდენ ხანში ერთხელ უნდა ჩაუტარო ავტომობილს ტექინსპექტირება:

- ავტომობილი, რომელსაც არ შესრულებია 4 წელი - ჯერ არ უწევს ტექინსპექტირება;

- ავტომობილს, რომელსაც უკვე შეუსრულდა 4, 5, 6 ან 7 წელი - ტექინსპექტირება 2 წელიწადში ერთხელ სჭირდება;

- ავტომობილი, რომელიც 8 წლის და მეტი ხნისაა - წლიწადში ერთხელ ერთხელ უწევს ტექინსპექტირება;

- ტაქსის შემთხვევაში, ავტომობილს, მისი გამოშვების თარიღიდან 1 წლის შემდეგ - ყოველ 6 თვეში ერთხელ უნდა ჩაუტარდეს ტექინსპექტირება.

ტექინსპექტირების საფასური:

- მსუბუქი ავტომობილების ტექინსპექტირების საფასურია - 60 ლარი

- სატვირთო ავტომობილების ტექინსპექტირების საფასურია - 100 ლარი

- ელექტრომობილების ტექინსპექტირების საფასურია - 48 ლარი.

რა სახის ხარვეზ(ებ)ი შეიძლება დადგინდეს:

- სახიფათო ხარვეზი − ხარვეზი, რომელიც წარმოშობს პირდაპირ და მყისიერ რისკს საგზაო უსაფრთხოების მიმართ ან უარყოფითად აისახება გარემოზე;

- მნიშვნელოვანი ხარვეზი − ხარვეზი, რომელიც შესაძლებელია, უარყოფითად აისახოს სატრანსპორტო საშუალების უსაფრთხოებაზე ან გავლენა იქონიოს გარემოზე, ან საფრთხე შეუქმნას ქვეითებსა და საგზაო მოძრაობის სხვა მონაწილეებს;

- უმნიშვნელო ხარვეზი − ხარვეზი, რომელიც მნიშვნელოვან გავლენას არ ახდენს სატრანსპორტო საშუალების უსაფრთხოებაზე ან გარემოზე.

თუ ხარვეზ(ებ)ი დადგინდა:

- ხარვეზების გამოსწორება და ავტომობილის ტექინსპექტირებაზე თავიდან წარდგენა, უნდა მოხდეს, ხარვეზ(ებ)ის გამოვლენიდან 30 კალენდარული დღის განმავლობაში - რა შემთხვევაშიც აღარ მოგიწევთ თავიდან საფასურის გადახდა;

- 30 კალეანდარულ დღეში, ტექსინსპექტირების განუხორციელებლობის შემთხვევაში, ავტომობილის მიმართ თავიდან ტარდება პერიოდული ტექნიკური ინსპექტირება და საფასურის გადახდა, თავიდან მოგიწევთ.

- სატრანსპორტო საშუალების განმეორებითი ინსპექტირება შეიძლება ჩატარდეს ან იგივე ინსპექტირების ცენტრში, ან სხვა ინსპექტირების ცენტრში.

ჯარიმა - ავტომობილის ტექინსპექტირების გავლის გარეშე მართვისთვის შეადგენს:

- ფიზიკური პირისთვის - 50 ლარი

- იურიდიული პირისთვის - 200 ლარი

ტექინსპექტირების გავლა შესაძლებელია შემდეგ ცენტრებში:

- www.autotest.ge

- www.quicktest.ge

- www.greenway.ge

- www.pti.ge

სრული სია იხ. ბმულზე - https://bit.ly/2XtXolB

აირზე მომუშავე ავომობილების ტექდათვალიერება:

აირზე მომუშავე ავტომობილების ტექინსპექტირება გულისხმობს, როგორც აირბალონის, ისე აირის სისტემის შემოწმებას. ტექსინსპექტირების ცენტრში, უნდა წარადგინოთ დოკუმენტი, რომელიც გაიცემა გაზის ბალონის ინსპექტირების აკრედიტირებულ ცენტრებში:

- "გაზსერვისი" - საბურთალო, სააკაძის მოედანი, II გასასვლელი

- "გიომოტორსი" - ქ. გორი, სუხიშვილის ქ №63 

- "გიომ-1" - ქ. ქუთაისი, ი. აბაშიძის ქ. №32    

- "გარეჯი 2010" - საგარეჯო, დოდაშვილის ქ. № 13 / წნორი, ქიზიყის ქ. № 55 / თელავის რ-ნი, სოფ. ნასამხრალი