როგორ მოვამზადოთ ავტომობილი გასაყიდად

როგორც ფსიქოლოგები განმარტავენ, ურთიერთობის შემდეგ ეტაპებს, მნიშვნელოვნად განსაზღვრავს პირველი შთაბეჭდილება. პირველ ეფექტს, ავტომობილის შერჩევის დროსაც უდიდესი მნიშვნელობა აქვს. რაც უფრო მეტად მოეწონება მანქანა მყიდველის თვალს, მით უფრო მალე და მარტივად მიიღებს ის ყიდვის გადაწყვეტილებას. გაითვალისწინეთ, რომ საკმარისი არ არის თქვენი მანქანა მხოლოდ გარედან ბრწყინავდეს, მისი სალონიც სუფთა უნდა იყოს, რადგან პოტენციურ მყიდველს სურს, რომ მისი „ახალი“ მანქანა კარგად გამოიყურებოდეს, როგორც გარედან, ასევე შიგნით.

ასე, რომ თუ გსურთ, თქვენი ავტომობილი საუკეთესო ფასად გაყიდოთ, უნდა დარწმუნდეთ, რომ ის გარედანაც და შიგნიდანაც კარგად გამოიყურება. მხოლოდ გარეცხვა და მტვრის აღება საკმარისი არ არის. საჭიროა მის დასუფთავებაში სათანადო ძალისხმევა გამოიყენოთ. არ დაივიწყოთ დეზინფექციის აუცილებლობა, რაც პანდემიის გამოა გამოწვეული. დეზინფექციის ჩატარება საჭიროა ყოველი მომდევნო პოტენციური მყიდველის გასტუმრების შემდეგ, რადგან მაქსიმალურად დაიცვათ თავი COVID-19-სგან საკუთარ ავტომობილში.

არ უნდა დაგავიწყდეთ საბარგულის დალაგება და დასუფთავება. გახსოვდეთ - საბარგულის სუფთა საფარი დადებითად აისახება მყიდველზე, ხოლო სუფთა სათადარიგო საბურავი - ავტომობილის გამართულობაზე მიუთითებს.

მნიშვნელოვანია, რომ ავტომობილში ესხას მაღალი ხარისხის საწვავი. ასევე, ეცადეთ უახლოეს წარსულში გქონდეთ ძრავის ზეთი შეცვლილი - ასე თქვენ პოტენციურ მყიდველს გაუმყარებთ იმ მოსაზრებას, რომ მთელი დროის განმავლობაში ავტომობილს სათანადო ყურადღებას აქცევდით.

ფოტოს გადაღება ავტომობილისთვის

გასაყიდი ავტომობილის ონლაინ პლატფორმებზე განსათავსებლად, დაგჭირდებათ სულ მცირე 5 ფოტო: ავტომობილის ოთხივე მხარე ცალ-ცალკე და შიდა სივრცე - სრული კოკპიტი. გარდა აღნიშნულისა უმჯობესია, რომ ასევე დაურთოთ შემდეგი დამატებითი ფოტოები:

1.    ფოტო რომელიც კარგად ასახავს გარკვეულ დაზიანებებს (დაზიანებების არსებობის შემთხვევაში);

2.    ფოტო, სადაც ჩანს ავტომობილის სახურავი;

3.    ავტომობილის ძრავის ფოტო;

4.    ავტომობილის გარბენის ფოტო;

5.    ავტომობილის საბარგულის ფოტო;

6.    სათადარიგო საბურავის (არსებობის შემთხვევაში) ფოტო;

7.    დამატებით განახლებების, ე.წ. "ნავაროტკების" ფოტოები.

ფოტოების ღია ცის ქვეშ გადაღების შემთხვევაში ეცადეთ, რომ დღის პირველ ნახევარში გადაიღოთ, უმჯობესია დილის საათები. ხოლო დახურულ სივრცეში ფოტოსესიისთვის, კარგი განათების არსებობა აუცილებელია.