როგორ გავყიდოთ ნივთები მარტივად ბინასთან ერთად?

ძველი ბინის გაყიდვასა და ახლის შეძენასთან ერთად, ზოგჯერ გვსურს, რომ ახალ ბინაში ახალი ნივთებით გადავიდეთ და ჩვენი ძველი ნივთები სხვა, ახალ მფლობელებს დავუთმოთ. ასევეა ხოლმე მყიდველების მხრიდანაც, რიგ შემთხვევებში, კომფორტულია, თუკი ბინის ნივთებით დაკომპლექტება დროში გახანგრძლივებულ პროცესად არ იქცევა და თუნდაც იმავე გამყიდველისგან შეგვეძლება მარტივად მოვარგოთ ავეჯი თუ ნივთი ჩვენს ახალ ბინას და მისგანვე შევიძინოთ.

ბინის ყიდვა-გაყიდვასთან დაკავშირებით განთავსებული განცხადებები ხშირად, ამომწურავ ინფორმაციას გვაძლევს უშუალოდ ბინის შესახებ, ხოლო გასაყიდი ავეჯისა თუ ნივთების შესახებ განცხადების განთავსება და ძებნა ცალკე გვიწევს. www.ss.ge -მ ეს პროცესი თავისი ახალი ფუნქციონალის დახმარებით გაამარტივა და უძრავი ქონების გასაყიდად გამოქვეყნების შემთხვევაში, შეგიძლიათ მარკეტის განყოფილებიდან მიაბათ განცხადებას „ნივთები ამავე სახლიდან“. დაინტერესებულ პირებს კი შესაძლებლობა ექნებათ, რომ ბინის თვალიერებისას ნახონ იყიდება თუ არა ამავე ბინიდან სხვადასხვა საყოფაცხოვრებო ნივთები და ავეჯი. განცხადების მფლობელთან დაკავშირებისას კი განიხილონ როგორც ბინის შესახებ დეტალები, ასევე მასში არსებული და გასაყიდად განთავსებული ნივთების შესახებ ინფორმაცია.

თუ უძრავ ქონებასთან ერთად ნივთებსაც ყიდით და გსურთ ბინასთან ერთად ისინიც გამოჩნდეს, ამისთვის საჭიროა, თავდაპირველად, მარკეტის კატეგორიაში განათავსოთ თქვენი გასაყიდი ავეჯი/ნივთები, მიაბათ თქვენი უძრავი ქონების განცხადებას და ეს შესაძლებლობას მოგცემთ, რომ ნივთები უფრო სწრაფად გაყიდოთ. ნივთები მარკეტის რუბრიკიდან უძრავი ქონების განცხადების დეტალურ გვერდზე გამოჩნდება და უფრო მეტ დამთვალიერებელს შეხვდება, რაც თქვენი ნივთების გაყიდვის შანსს უფრო მეტად გაზრდის.

გასაყიდად გამოქვეყნებულ სახლში არსებული ნივთების რაოდენობაზე შეზღუდული არ ხართ, შეგიძლიათ ნებისმიერი რაოდენობის და ტიპის ნივთები/ავეჯი განათავსოთ მარკეტზე, მიუთითოთ მისი მდგომარეობის შესახებ დეტალები, კატეგორიაში დააზუსტოთ რა ტიპის ნივთია გასაყიდი - სახლის თუ ბაღის აქსესუარი, მაქსიმალურად დეტალურად განათავსეთ ნივთის აღწერილობა და თან დაურთეთ კარგი ხარისხით გადაღებული ფოტოები.