როდის დავიწყოთ ახალაშენებული სახლის რემონტი

მაშინვე, როგორც კი ახალაშენებულ კორპუსში ბინის შეძენას გადავწყვეტთ, რთული არჩევანის წინაშე ვდგებით - როდის დავიწყოთ რემონტი და ხომ არ გაგვიფუჭდება ის, კორპუსის გრუნტზე დაჯდომის შემდეგ. უნდა დავიმახსოვროთ ორი ტერმინი, ესენია კორპუსის დაჯდომა და მისი შეკუმშვა.  რამდენად საშიში ცვლილებები ელის მას, უნდა დაველოდოთ თუ არა 2 წელი, სანამ ის საბოლოოდ დაჯდება და რა მასალები შევარჩიოთ, ამაზე დეტალურად ვისაუბრებთ.

რას ნიშნავს ეს ტერმინები - დაჯდომა და შეკუმშვა 

დაჯდომა სტრუქტურის გრუნტზე  დასმის პროცესია, შენობის საბოლოო შერწყმა ნიადაგთან, ასევე საძირკვლის დატკეპნისა და ვერტიკალური ზომების შემცირება.

თანამედროვე ტექნოლოგიით აშენებულ ახალ კორპუსებში დაჯდომა პროგნოზირებადი პროცესია, რომლის გამოთვლები წინასწარ კეთდება და პროექტში შედის. დეველოპერები დეტალურად სწავლობენ იმ ფაქტორებს, რომლებიც შემდგომ გავლენას მოახდენს სახლის დაჯდომაზე - ნიადაგის ტიპს, მიწისქვეშა წყლების დონეს და სხვა გეოლოგიურ თუ გეოდეზიურ მონაცემებს.

შეკუმშვა არის სახლის გეომეტრიული პარამეტრების ცვლილება (ხაზოვანი ზომები) მასალის მოცულობის ცვლილების გამო, მაგალითად მისი გაშრობა.

ყველა აღწერილი პროცესი ბუნებრივია. დეველოპერს შეუძლია მისი უარყოფითი შედეგები თავიდან აგარიდოს მხოლოდ სამშენებლო ტექნოლოგიების კომპეტენტური და ზუსტი დაცვით, ასევე მაღალი ხარისხის და შესაფერისი მასალების გამოყენებით.

პანელის სახლის შეკუმშვა

პანელური სახლები აგებულია ასაწყობი რკინაბეტონის ფილებისგან. პანელის კონსტრუქციის უპირატესობა მშენებლობის სიჩქარე და მასალის შედარებით დაბალი ღირებულებაა.

პანელის ახალი შენობის შეკუმშვაზე, პირველ რიგში გავლენას მოახდენს ფილების შეერთება - მას შეიძლება გაუჩნდეს ბზარები და ნაპრალები.ხოლო, საძირკვლის არასწორმა დაჯდომამ იატაკის დაქანება შეიძლება გამოიწვიოს.

ეს პროცესები პანელურ სახლებში 2-3 წლამდე გრძელდება, შემდგომი მცირე  ცვლილებები შეიძლება კიდევ დიდხანს გაგრძელდეს, მაგრამ ის არსებით გავლენას ვეღარ მოახდენს და შესამჩნევი არ იქნება.

მონოლითური და მონოლითურ-აგურის ახალი შენობის შეკუმშვა

სამშენებლო კომპანიები, საცხოვრებელი კორპუსის აშენებისას, სულ უფრო ხშირად ირჩევენ მონოლითს. ამ ტიპის კონსტრუქცია იმას ნიშნავს, რომ შენობაში ბეტონს უშუალოდ სამშენებლო მოედანზე ასხამენ.

ხარჯების დაზოგვის მიზნით დეველოპერებმა შეიძლება მონოლითური პანელის კონსტრუქცია - ანუ მონოლითური რკინაბეტონის მზა ფილები გამოიყენონ. ასეთ დროს მნიშვნელოვანია მკაცრად მიჰყვნენ გეგმას, შეარჩიონ ცემენტის სწორი ბრენდი და მშენებლობის ტექნოლოგია არ დაარღვიონ.

მონოლითურ-აგურის კონსტრუქციაც ფართოდ არის გავრცელებული, რომელიც საშუალებას გაძლევს ყველა მასალის ღირსება და მათი უპირატესობები გამოიყენო მყარი და საიმედო სახლის ასაშენებლად. მონოლითურისგან განსხვავებით, მონოლითურ-აგურის კონსტრუქციაში პირველი სართულის დასხმის შემდეგ აგურის ტიხრები კეთდება.

როგორც წესი, მონოლითურ-აგურის კონსტრუქციის შენობები თანაბრად  და რბილად ჯდება გრუნტზე, ხოლო შენობის დაჯდომის და შეკუმშვის ვადა1 წლამდე მცირდება. სწორედ ამ პერიოდში გაირკვევა დაირღვა თუ არა სამშენებლო ტექნოლოგიები, თუ ასე მოხდა, მაშინ მთელ შენობას დეფორმაციის მნიშვნელოვანი ემუქრება. 

როდის ჯობს რემონტის დაწყება ახალ აშენებულ სახლში და რა მასალები გამოვიყენოთ

ექსპერტები გირჩევენ, მცირე ხნით გადადო ძვირადღირებული რემონტი სახლის ექსპლუატაციაში შესვლის შემდეგ. უპირველეს ყოვლისა, ეს რჩევა პანელის ახალმოსახლეებმა უნდა გაითვალისწინონ. ჯობს თავდაპირველად კოსმეტიკურ რემონტს დასჯერდე, ხოლო კაპიტალური რემონტი ცოტა მოგვიანებით წამოიწყო.

საფუძვლიანი რემონტი დაუყოვნებლივ მონოლითურ სახლებში შეგიძლია დაიწყო. მაგრამ გაითვალისწინე რომ აქაც ჯობს ელასტიკური მასალები შეარჩიო: ლამინატი, ფლიზელინის შპალერი, სპეციალური საღებავები და თაბაშირი, გასაჭიმი ჭერი - ეს ყველაფერი მინიმუმამდე შეამცირებს შეკუმშვისა და დაჯდომის ეფექტს.

ზედმეტი არ იქნება ახალი შენობის დეველოპერთან კონსულტაცია - დამატებითი რეკომენდაციები დაგეხმარება  საუკეთესო ვარიანტი შეარჩიო პრობლემის გადასაჭრელად.