მშენებლობის რა ეტაპზეა უმჯობესი ბინის შეძენა?

უძრავი ქონების ფასი ძირითად შემთხვევებში ზრდადია, ამიტომ ითვლება ის საუკეთესო კაპიტალად. მშენებარე ბინის შერჩევისას მყიდველი რიგ ფაქტორებს ითვალისწინებს, რომელთანაგაც გადამწყვეტი, ალბათ, ყოველთვის ფასია. უძრავი ქონების ღირებულება რეგულირდება მისი ფართის, პრესტიჟული და კომფორტული მდებარეობის, ხარისხისა თუ სხვა ფაქტორების შესაბამისად.

მშენებარე ბინის შეძენისას ჩვენთვის მომგებიანი დრო უნდა შევარჩიოთ, რადგან როგორც წესი, მშენებლობის პროცესშივე იცვლება ბინის კვადრატულობის ფასი. ჩვეულებრივ, დასაწყისში უფრო იაფია ხოლმე, ვიდრე დასრულებისას. მართალია ყველა ეტაპზე ყიდვას საკუთარი რისკები და პლუს-მინუსები ახლავს თან, თუმცა თანხის დაზოგვის მიზნით, საუკეთესო დრო მის შესაძენად მშენებლობის დასაწყისია. ფასების ცვლილება ხდება ხოლმე ფუნდამენტის მომზადებიდან მშენებლობის დასრულებამდე და სართულების ამოყვანის პროცესშიც.

მაგალითად, ერთერთი დეველოპერული კომპანიის მშენებარე კორპუსში ფასები შემდეგნაირად იცვლებოდა: მშენებლობის დასაწყისში, როდესაც ფუნდამენტს ჩაეყარა საფუძველი, მისი ღირებულება შეადგენდა 395$-ს, ფასი 400$-მდე გაიზარდა ორი სართულის პირობებში, ოთხი სართულის აშენების შემდეგ მისი ფასი 500$ გახდა, თითქმის ბოლო ეტაპამდე მისული მშენებლობის პირობებში, როდესაც მხოლოდ ფასადის მოპირკეთებაა დარჩენილი, კვადრატულის ღირებულება უკვე 600$-ს შეადგენს, სავარაუდოდ, ბოლო ფაზაში კიდევ დაახლოებით 50$-ით გაძვირდება საბოლოო ღირებულება. თითქმის ყველა დეველოპერულ კომპანიაში ფასები დროსთან მიმართებით ამავე პროპორციით იზრდება. ფასების ეს ზრდადობა გვიჩვენებს, რომ მშენებლობის დასაწყისში ბინის შეძენა თითქმის ნახევარ ფასად არის შესაძლებელი. რა თქმა უნდა, გასათვალისწინებელი ფაქტორია ისიც, რომ ამ შემთხვევაში უფრო დიდი ხნის განმავლობაში მოგიწევთ დასრულებული ბინის ჩაბარებისთვის ლოდინი, თუმცა შეღავათიან პირობებში ნაკლები თანხის გადახდის შესაძლებლობა ამ დისკომფორტს დააკომპენსრებს. ასევე აღსანიშნავია, რომ დღესდღეობით მშენებლობები სწრაფი ტემპით მიმდინარეობს და სანდო დეველოპერული კომპანიის შერჩევის შემთხვევაში, აშენებული ბინა წინასწარ გაწერილ და ადეკვატურ ვადებში ჩაგბარდებათ. როგორ შეარჩიოთ სამშენებლო კომპანია, ამის შესახებ რჩევებს კი house.ge-ს წინა სტატიიდან გაიგებთ. რიგ შემთხვევებში ხდება ისეც, რომ ზოგიერთი კომპანია თავდაპირველ ეტაპზე გასაყიდად არ ათავსებს ბინებს და გაყიდვას მშენებლობის მიწურულს იწყებს.

თუკი ბინას ახლა ეძებთ და ჯერჯერობით არ გაქვთ შერჩეული, გადახედეთ house.ge-ს პარტნიორი დეველოპერული კომპანიების მიმდინარე პროექტებს და შეარჩიეთ თქვენს სურვილებთან ყველაზე ახლოს მყოფი პროექტი. შეგიძლიათ ნახოთ მოკლე ინფორმაციები სამშენებლო კომპანიებზე, მათი მიმდინარე პროექტები, პროექტის სტატუსი - დასრულებულია თუ მიმდინარე და როდის სრულდება, ასევე კონკრეტული პროექტების საფასური და ამ ინფორმაციაზე დაყრდნობით შეაჩეროთ თქვენი არჩევანი სასურველზე.