General Motors-ის ყველაზე მდიდრული და ყველაზე მძიმე პიკაპი განახლდა

867

10.10.2022 15:39:44

ამერიკულმა General Motors-მა მისი ყველაზე მძიმე და ამავდროულად ყველაზე ძლიერი პიკაპი GMC Sierra HD განაახლა. შუალედური განახლების შედეგად ის გარეგნულად უმნიშმვნელოდ შეიცვალა, თუმცა ინტერიერში ყველაფერი ახალია, კაპოტის ქვეშ კი გაჩნდა მოდერნიზირებული 6,7 ლიტრიანი ტურბოდიზელი Duramax ძრავი, ბენზინზე მომუშავე ვერსიაში კი შეიცვალა ძველი 6-საფეხურიანი კოლოფი ახალი 10-საფეხურიან ავტომატურით.

გარეგნულად GMC Sierra HD მარტივად შეგიძლიათ ამოიცნოთ განსხვავებული ოპტიკით და ფარებით. მისი რადიატორის ცხაურას გაფორმება კი უწიდენბურად დამოკდიებულია მოდელის კომპლექტაციაზე. 6 მეტალიკ შეფერილობით არის გაზრდილი მოდელის ფერთა პალიტრაც.

ინტერიერში ვხედავთ მონათესავე Chevrolet Silverado HD-ს მსგავს სალონს, მის ტოპ ვერსიებს აქვს 13,4-იანი თაჩსქრინი, ვირტუალური 12,3-იანი მართვის პანელი და უსადენო დამუხტვის ფუნქცია. შეცვლილია წინა და კარის პანელები, მისი ყველაზე მდიდრული ევრსიის Denali Ultimate-ის ვერსიებში კი კიდევ უფრო ხარისხიანი ტყავი გაჩნდა. მეტია ხის დეკორიც.

გაუმჯობესებულია მისი ელექტრონული სისტემებიც, მათ შორის მისაბმელის სისტემა Max Tow Package, რომელსაც შეუძლია 9934 კგ ტვირთის ჩაბმა, რაც კლასში საუკეტესო მაჩვენებელია. ეს პროგრესი კი მარტივად ახსნადია, ბენზინის ვერსიებს (V8 6.6, 407 ცხ/ძ, 629 ნმ) გაუჩნდა უფრო ამტანი 10-დიაპაზონიანი სიცქარის გადაცემის კოლოფი, ხოლო ტურბოდიზელი Duramax V8 უფრო წარმადი გახდა.

GMC Sierra HD

ოჯახის წევრების გაყიდვები 2023 წლის შემდოგომაზე დაიწყება. ფასი მოგვიანებით გამოცხადდება.