რა გავითვალისწინოთ ძველ აშენებულ კორპუსში ბინის შეძენისას

არსებობს გავრცელებული მოსაზრება, რომ საბჭოთა წლებში ყველაფერი კაპიტალურად და საუკუნოდ შენდებოდა და ახლა თითქოს შეუძლებელია მაღალი ხარისხის თანამედროვე სახლის პოვნა თხელი კედლების გარეშე. მეორე მხრივ, მშენებარე კორპუსში ბინა ბევრად ნაკლები ეღირება, ვიდრე 60-70-იანი წლების პანელის ჩვეულებრივ მაღალსართულიან კორპუსში. მაგრამ ყველა სახლს აქვს თავისი დადებითი და უარყოფითი მხარეები. რომელია რეალურად უკეთესი: საბჭოთა საცხოვრებელი თუ ახალი შენობები.

ახალი შენობების ძირითადი უპირატესობები

ფასი, განლაგება და ზომა. ერთსა და იმავე ფასად შეგიძლიათ შეიძინოთ პატარა 2 ოთახიანი ბინა, 45 კვ. მ ფართობით ძველ მაღალსართულიან კორპუსში ან შეიძინოთ მშენებარე სახლში შედარებით ფართო სამოთახიანი ბინაში, დაახლოებით 70 კვ.მ-ის ფარგლებში. ამავდროულად, მეორე შემთხვევაში, მყიდველს შეუძლია თავად აირჩიოს სართული თუ განლაგება და არ დაკმაყოფილდეს იმით, რასაც სთავაზობენ.

ახალი კომუნიკაციები. თუ დეველოპერი კეთილსინდისიერად ააშენებს სახლს და ყველა საჭირო ნორმას დაიცავს, მომდევნო 5-10 წელიწადში, არ შეგექმნებათ პრობლემები გაყვანილობასთან, სანტექნიკასთან და გათბობასთან დაკავშირებით. გარდა ამისა, თქვენ არ დაგჭირდებათ ფულის დახარჯვა ძველი იატაკის თუ ბათქაშის მოსაშორებლად, რომელიც უკვე 20 წელია დაზიანებულია და არ მოგიწევთ სხვისი ცუდი რემონტი გადააკეთოთ.   

სამართლებრივი სისუფთავე. ახალ კორპუსში ბინის ყიდვისას შეგიძლიათ დარწმუნებული იყოთ გარიგების კეთილსინდისიერებაში. მოულოდნელად არ გამოჩნდებიან სხვა მესაკუთრეები - მემკვიდრეები ან წინა მფლობელები.

იპოთეკა. ბანკები უფრო ადვილად გასცემენ სესხებს ახალ აშენებულ ქონებაზე, რადგან ასეთი საცხოვრებელი ფართები ნაკლებად პრობლემურად ითვლება;

მოწესრიგებული ტერიტორია. კომპლექსების აშენებისას დეველოპერები თითქმის ყოველთვის აწყობენ საბავშვო და სპორტულ მოედნებს, ავტოსადგომებს, სასეირნო ბილიკებს და ძაღლების სასეირნო ადგილებს.

ახალი შენობების უარყოფითი მხარეები

ხანგრძლივი ლოდინი მშენებლობის დასრულებამდე. ეს ვარიანტი არ არის შესაფერისი მათთვის, ვისაც სურს სწრაფად გადავიდეს ახალ ბინაში. დასრულების შემდეგაც კიდევ რამდენიმე თვე უნდა დაეთმოს შენობის მოპირკეთებას და მოწყობას;

სახლის ჩაბარების დაგვიანების რისკები. დასაშვებია თუ  ერთი ან ორი თვით დაგვიანდება დასრულება და დეველოპერი ანაზღაურებას გპირდებათ, მაგრამ საქმე უფრო რთულადაა, როდესაც ობიექტი ერთი ან ორი წელი გაურკვევლობაშია. კიდევ უარესია, თუ კომპანია თავს გაკოტრებულად გამოაცხადებს. ასეთ შემთხვევაში, თითქმის შეუძლებელია ფულის დაბრუნება და საცხოვრებლის მიღება, მაშინაც კი, თუ მყიდველებმა კარგი რეპუტაციის მქონე მსხვილ დეველოპერში ჩადოს ინვესტიცია;

სამშენებლო ნორმების შეუსრულებლობა. თუ დეველოპერი შეეცდება სამშენებლო მასალებზე დაზოგოს, გარანტირებულია ხმის, სითბოს და ჰიდროიზოლაციის პრობლემები. ასეთ შემთხვევებში, მეზობლების საუბარს გაიგებთ და შეიძლება ქუჩაც დაინახოთ კედლის ნაპრალებიდან. ამიტომ უძრავი ქონების შეძენამდე უნდა გაეცნოთ ამ კომპანიის აშენებულ სხვა ობიექტებს და გაიზიაროთ მობინადრეების გამოცდილება.

შენობის დაჯდომა. პირველი ორი წლის განმავლობაში სახლი იკუმშება, ამიტომ საყრდენ სტრუქტურებში შეიძლება ხარვეზები და ბზარები გაჩნდეს, იმ შემთხვევაშიც თუ სახლი არ დაზიანდა, რემონტი მაინც თავიდან უნდა გადაკეთდეს.

დისკომფორტი. თუ ზოგად დისკომფორტზე ვსაუბრობთ, მაშინ ეს რემონტის ხმაური იქნება მომდევნო რამდენიმე წლის განმავლობაში. ასევე, ახალ უბნებში ტრანსპორტის ცუდი ხელმისაწვდომობა, ბრძოლა უფასო პარკინგისთვის და ა.შ. ახალ ადგილებში შესაძლოა პრობლემები იყოს სკოლების, სამედიცინო დაწესებულებების და მაღაზიების საკმარის რაოდენობასთან დაკავშირებითაც.

ძველი აშენებული სახლის უპირატესობები

არჩევანის შესაძლებლობა. ბინის შეძენა შესაძლებელია ისეთ ტერიტორიაზეც კი, სადაც ახალი მშენებლობები საერთოდ არ არის და არც ადგილია სხვა სახლების ასაშენებლად. მაგალითად, თბილისის ისტორიულ ნაწილში, მთაწმინდაზე, სოლოლაკში და სხვა ახლომახლო უბნებში. საკმარისია განვსაზღვროთ გარკვეული პარამეტრები, რომლებსაც საცხოვრებელი უნდა შეესაბამებოდეს: მდებარეობა, სართული, ფართობი და ა.შ;

შეგიძლიათ დაუყოვნებლივ გადასვლა. ძველი აშენებული შენობა მოსახერხებელია, რადგან მთლიანი რემონტის დასრულებამდე არ დაგჭირდებათ ლოდინი, შეგიძლიათ გადახვიდეთ და  ყველაფერი ეტაპობრივად გააკეთოთ. ან აირჩიოთ ვარიანტი, სადაც ყველაფერი მოგეწონებათ: შპალერის ფერი და იატაკი. მხოლოდ ავეჯის გადატანა დაგრჩათ.

ძველი აშენებული კორპუსის ნაკლოვანებები

თაღლითობის რისკები. რასაკვირველია, ჯერ ბინის ყველა წვრილმანი უნდა გაარკვიოთ და შემდეგ იყიდოთ უძრავი ქონება. მაგრამ მაინც, გარკვეული პერიოდის შემდეგ შეიძლება გამოჩნდნენ მემკვიდრეები, ადამიანები, რომელთა უფლებები პრივატიზაციის დროს დაირღვა, თავისუფლების აღკვეთის ადგილებში და ა.შ. საუკეთესო შემთხვევაში, მხოლოდ ნერვები და დრო დაგეხარჯებათ, უარეს შემთხვევაში, შეიძლება სახლის და ფულის გარეშე დარჩეთ;

იპოთეკის სირთულეები. ყველა ბანკი თავისუფლად არ გასცემს სესხს ძველი აშენებული სახლის შესაძენად, შემფასებელმა შეიძლება უფრო ნაკლებად შეაფასოს ბინის ღირებულება, გარდა ამისა, დიდი რაოდენობით დოკუმენტების შეგროვებაც დაგჭირდებათ;

ძვირადღირებული რემონტი. ნულიდან რემონტის გაკეთება ბევრად უფრო ადვილია, ვიდრე თქვენს საჭიროებებზე გადაკეთება და მორგება. მაგრამ მაშინაც კი, თუ სანტექნიკას შეცვლით თქვენს ბინაში, შეიძლება კორპუსში გაყვანილობას შეექმნას პრობლემები და ეს ადრე თუ გვიან აუცილებლად მოხდება.

ძველ აშენებულ კორპუსში ბინის ყიდვისას უნდა იფიქროთ, კიდევ რამდენ ხანს იდგება კორპუსი მყარად. მონოლითური სახლები ყველაზე გამძლეა, მათ შეუძლიათ სამასი წლის განმავლობაშიც მოგემსახურონ, შემდეგ მოდის დიდი ბლოკი და აგური, მათი სიმტკიცის ვადა 120 წელზე მეტია. მაგრამ ეგრეთ წოდებული „ხრუშოვკები“ 40-50 წელზე იყო გათვლილი. გაყვანილობას და სანტექნიკასაც აქვს ვარგისიანობის ვადა. სახლის არჩევისას იმაზე იფიქრეთ, შეძლებთ თუ არა მომავალში მის გაყიდვას.