ბინის ქირაობა თუ გირაობა? ბენეფიტები და მინუსები

საცხოვრებელი ბინის შეცვლა შესაძლოა დამოკიდებული იყოს არაერთ მიზეზზე, ხშირად ადამიანებს არ აქვთ ფუფუნება, რომ საკუთრებაში ჰქონდეთ ბინები და უწევთ დროებით იცხოვრონ ქირით ან გირით. ეს არჩევანი დამოკიდებულია მათ ფინანსებსა და მიზნებზე, თუმცა გრძელვადიან და მოკლევადიან შემთხვევებში ერთმანეთისგან განსხვავდება მათი უპირატესობები და მინუსები. კონკრეტული ადამიანის ან ოჯახის საჭიროებებიდან გამომდინარე რიგ შემთხვევაში შესაძლოა ქირაობა იყოს უმჯობესი, ხოლო რიგ შემთხვევებში გირაობა.

ბინის ქირაობა

ბინის ქირაობა ყოველთვიურ გადასახადს უკავშირდება. არსებობენ ადამიანები/ოჯახები, რომლებიც წლების მანძილზე ცხოვრობენ ქირით, რადგან ვერ ახერხებენ ერთიანად მოუყარონ თავი იმ რაოდენობის ფინანსებს, რაც ეყოფათ უძრავი ქონების ყიდვისთვის ან გირაობისთვის. გრძელვადიან პერსპექტივაში, ქირაში წლების მანძილზე გადახდილი თანხით შესაძლებელია ბინის გირაობაც და ყიდვაც, თუმცა ეს შედარება არასწორია, რადგან თვიდან თვემდე გამომუშავებული ხელფასის თანხაში ადამიანები ყოველთვიურად საზღვრავენ ქირაში გადასახდელ თანხასაც და მათი ბიუჯეტი თვის ჭრილში ყველა ხარჯისთვის სამყოფია. ბინის დაქირავების ბენეფიტებში შეიძლება მოვიაზროთ გადასახადის გადანაწილებულად გადახდა, ბინის საკუთრებაში ქონა გარკვეული დროის პერიოდში და ლოკაციის შეცვლა თქვენთვის ხელსაყრელი უბნის მიხედვით. ქირაობის და გირაობის შემთხვევაში, ორივე გარიგებისას საჭიროა შესაბამისი კონტრაქტის გაფორმება, სადაც ყველა პირობა და უფლება გაწერილი იქნება წინასწარ, როგორც ბინის მფლობელის, ასევე დროებით ბინაში მაცხოვრებლისთვის. თუკი ბინის შეცვლა კონკრეტული დანაზოგის ქონის გარეშე გიწევთ და თქვენი შემოსავალიც გაძლევთ საშუალებას საბაზისო პირობების მქონე ბინის ქირა შეუფერხებლად იხადოთ, ამის გათვალისწინებით უმჯობესია ბინის ქირაობა მანამ, სანამ თქვენი შემოსავალი გირაობის შესაძლებლობას მოგცემთ. თუ ამჟამად ეძებთ ბინას, გასაქირავებელი ბინების შესახებ განცხადებები შეგიძლიათ ss.ge-ს ბმულზე ნახოთ, შეავსოთ თქვენთვის სასურველი პარამეტრები, ოთახების რაოდენობა, ფართის სიდიდე, საცხოვრებელი უბანი, დაათვალიეროთ და შეარჩიოთ თქვენი გემოვნების მიხედვით.

ბინის გირაობა

ბინის გირაობა უპირველეს ყოვლისა, იმით არის უპირატესი, რომ გადახდილი თანხა უკან გიბრუნდებათ. ფაქტობრივად, გარკვეული პერიოდის განმავლობაში ცხოვრობთ ბინაში და ინახავთ მასში გადახდილ ფულს, ამ დროის განმავლობაში შეგიძლიათ გააკეთოთ კიდევ გარკვეული ოდენობის დანაზოგი და გირავნობის ვადის შემდეგ დაბრუნებულ თანხას თქვენი დანაზოგი დაამატოთ, რითაც შეძლებთ ან ახალი უფრო დიდი და უკეთესი ბინა იგირაოთ, ან თუნდაც იყიდოთ საკუთარი უძრავი ქონება. როგორც ქირის შემთხვევაში, ბინის დაგირავების დროსაც მფლობელსა და დროებით მეპატრონეს შორის ხელშეკრულება ფორმდება, სადაც დეტალურადაა გაწერილი პირობები, გირაოს ვადა და სხვა მნიშვნელოვანი ფაქტორები. თუკი უკვე გაქვთ იმ რაოდენობის თანხა, რომელიც სასურველ ლოკაციაზე ბინის დაგირავებისთვის სამყოფია, უპირატესობას ამ თანხის ქირაში გამოყენებაზე მეტად გირაობას მივანიჭებდით, რადგან როგორც აღვნიშნეთ, აღნიშნული თანხა არ გეკარგებათ და წინასწარ დათქმული პერიოდის მანძილზე სახლიც გაქვთ. დასაგირავებელი ბინების შესახებ განცხადებებიც, ასევე შეგიძლიათ დაათვალიეროთ ss.ge-ზე და შეარჩიოთ თქვენთვის სასურველი.

საბოლოო ჯამში ორივე შემთხვევა ინდივიდუალურად უნდა განიხილოთ თქვენი შემოსავლებიდან გამომდინარე, რათა სწორად შეძლოთ ორივე შემთხვევაში თქვენი ფინანსების განკარგვა და ხარჯების სწორად გადანაწილება.