![rogor vigiraot bina usafrtxod](https://static.ss.ge/20230131/f6b3c113-d7a0-4b86-b56f-74fa17a7d8c4.jpg)
როგორ ვიგირაოთ ბინა უსაფრთხოდ
უძრავი ქონების დროებით საკუთრებაში გადმოცემის ერთერთი საშუალება ბინის დაგირავებაა. მათ, ვისაც საკუთარი საცხოვრებელი არ აქვთ, უწევთ იქირაონ ან იგირაონ ბინები. ეს ორი ერთმანეთისგან იმით განსხვავდება, რომ ქირავნობის შემთხვევაში ყოველთვიური საფასურის გადახდაა საჭირო, დაგირავების შემთხვევაში კი შედარებით მაღალ ფასს ერთიანად იხდით და წინასწარ შეთანხმებული გარკვეული დროით ცხოვრობთ ბინაში, დროის გასვლის შემდეგ კი თქვენ მიერ გადახდილი თანხა უკან გიბრუნდებათ. ამ ზედაპირული განმარტების მიღმა, სამართლებრივი კუთხით, გირავნობა უკავშირდება რამდენიმე ტიპის ურთიერთობას: ბინით სარგებლობას, იპოთეკას და სესხის ხელშეკრულებას.
ვინაიდან ბინის დაგირავების დროს ერთი ადამიანი მეორე ადამიანს თანხას გადასცემს და ეს თანხა გარკვეული პერიოდის შემდეგ დასაბრუნებელია, ეს ნაწილი სესხის ხელშეკრულების ნაწილს წარმოადგენს. რაც შეეხება დასაბრუნებელი თანხის დაზღვევას/უზრუნველყოფას, ეს იპოთეკითაა უზრუნველყოფილი. მარტივად რომ ვთქვათ, გამსესხებლის სასარგებლოდ ბინა იპოთეკით იტვირთება და მას გარანტია ეძლევა, რომ თანხაც დაუბრუნდება. რაც შეეხება უშუალოდ გირაობის ნაწილს, ეს უკვე ბინით სარგებლობის საკითხია, რაც გულისხმობს, რომ გამსესხებელს თავის სარგებლობაში გადმოეცემა აღნიშნული ბინა და ამის თაობაზე შეუძლია ცალკე ხელშეკრულება გააფორმოს, ან იპოთეკის ხელშეკრულებაში გაითვალისწინოს აღნიშნული პუნქტი.
ბინის უსაფრთხოდ დაგირავებისთვის, აუცილებელი და მნიშვნელოვანია, რომ ხელშეკრულების ფაქტორები კარგად გქონდეთ გააზრებული და არ მოტყუვდეთ. ამისთვის კი რეკომენდირებულია კვალიფიციურ იურისტთან კონსულტაციის გავლა და ყველა შეთანხმების წერილობითი სახით დადება და არა ზეპირი შეთანხმებით.
კომპეტენტურ პირთან შესაბამისი კონსულტაციის გავლისა და რეკომენდაციების გავლის შემდეგ კი, როცა ინფორმირებულები გადაწყვეტთ ბინის გირაობას, შეგიძლიათ ss.ge-ზე განთავსებულ განცხადებებს გადახედოთ.
![](https://static.ss.ge/20230131/7f94bbac-e248-493e-ab71-6142bc91fa9d_Thumb.jpg)
![popular blog image](https://static.ss.ge/49c73942-1514-467d-8f2b-667dbdf14226.jpg)
![](/img/seperatorBlogs.png)
![popular blog image](https://static.ss.ge/24ad0e17-afc4-4f5f-90bc-07c16d5067a8.jpg)
![](/img/seperatorBlogs.png)
![popular blog image](https://static.ss.ge/836bda56-5801-46e2-916c-c94e295f37ae.jpg)
![](/img/seperatorBlogs.png)
![popular blog image](https://static.ss.ge/155ca949-8bf1-4ab1-add8-4cef1c59134e.jpg)
![](/img/seperatorBlogs.png)