როგორ დავაღწიოთ თავი დიდი ქალაქის დისკომფორტს

ცნობილია, რომ ქალაქის განვითარება, ყოველთვის სავაჭრო-ეკონომიკური პირობების და ახალი გარემოებების გაჩენის გამო ხდებოდა. ტრადიციულად, ურბანული ზრდა ეფუძნებოდა სხვადასხვა ფუნქციის შენობა-ნაგებობებზე რეალურ მოთხოვნას, რაც ამ ქალაქის მცხოვრებთა ბუნებრივ საარსებო ციკლს ეფუძნებოდა. ქალაქი და მისი მცხოვრებნი ერთი და იმავე ტემპით ცხოვრობდნენ და როდესაც ბუნებრივი საჭიროება ჩნდებოდა, ახალი შენობები ემატებოდა ქალაქს. ხოლო ქალაქელები ადვილად ადაპტირდებოდნენ შეცვლილ რეალობასთან. ადრე, ასევე არ არსებობდა სწრაფად მშენებლობის იმგვარი ტექნოლოგიები, რომელიც ქალაქის მცხოვრებთა რეალობას მყისიერად შეცვლიდა. აღნიშნული ტიპის ურბანული სივრცე „ორგანული ქალაქის“ სახელით არის ცნობილი, სწორად ასეთ ადგილებს წარმოადგენს ევროპის ქალაქები, რომლებიც მიმზიდველია როგორც მკვიდრი მოსახლეობისთვის, ასევე ახალმოსახლეებისთვის, რამდენადაც ის ადამიანებს ჰარმონიულ გარემოს სთავაზობს.

დღეს, როდესაც ქალაქმშენებლობის ეკონომიკური მოდელი შეიცვალა, ტექნოლოგიები განვითარდა და მშენებლობის ტემპები დამოკიდებულია არა ბუნებრივ საჭიროებაზე, არამედ კერძო ეკონომიკურ ინტერესებზე, პრობლემები იჩენს თავს. თანამედროვე საქართველოში, განსაკუთრებით კი თბილისსა და ბათუმში მშენებლობას კაპიტალი განსაზღვრავს, ეს არის თანხების დაბანდების საიმედო გზა. გარდა ამისა, მშენებლობის უმეტესი ნაწილი არ არის განკუთვნილი საბინაო მოთხოვნების დასაკმაყოფილებლად, ფართები მეტწილად ცარიელია და ის ერთგვარი საბანკო ანგარიშის როლს ასრულებს მესაკუთრისთვის. თბილისში, არქიტექტურა მთლიანად არის მოწყვეტილი ქალაქის ცხოვრებას და ის ხშირად უპირისპირდება რეალურ საჭიროებებს. აღნიშნული კი მნიშვნელოვან დისკომფორტს ქმნის ქალაქის მცხოვრებთათვის, თბილისი აღარ არის მიმზიდველი ქალაქი საცხოვრებლად. ამ ფაქტორების გამო სულ უფრო აქტუალური ხდება სუბურბანიზაცია, რაც ქალაქის მოსახლეობის მიერ გარეუბნების ათვისებას გულისხმობს.
უკანასკნელი წლების მანძილზე, თბილისსა და მის შემოგარენში საცხოვრებელი დანიშნულების მიწებზე მოთხოვნა განუხრელად იზრდება. Colliers Georgia-ს მონაცემებით, სუბურბანიზაცია განსაკუთრებით შესამჩნევია თბილისის ჩრდილო-დასავლეთ და სამხრეთ-დასავლეთ ნაწილში, რომელიც ძირითადად ლისის, თხინვალას, წავკისის და ტაბახმელას მიმართულებით ხორციელდება. აღსანიშნავია, საგურამოს და მის შემოგარენში ორგანიზებული დაბალი განაშენიანების მიწოდების ზრდაც, არამარტო სააგარაკე, არამედ მუდმივი საცხოვრებელი დანიშნულებით.

თბილისელები სულ უფრო ხშირად ირჩევენ ქალაქის მანამდე აუთვისებელ შემოგარენს საცხოვრებლად. აქ იქმნება ახალი ელიტური დასახლებები, სადაც ვიწრო სოციუმი აყალიბებს ერთგვარ თემს, რისი წყალობითაც მათ საშუალება ეძლევათ თავი აარიდონ დიდი ქალაქის არაკომფორტულ, ეკოლოგიურად დაბინძურებულ, ცხოვრებისთვის არასახარბიელო გარემოში ყოფნას და არჩევანი უფრო უსაფრთხო, სტაბილურ და სტრესისგან თავისუფალ სივრცეებზე გააკეთონ. ერთ-ერთი ასეთი პროექტია ეზო საგურამო. „ეზო საგურამო” არის დეველოპერული კომპანია, რომლის ძირითად საქმიანობას წარმოადგენს საცხოვრებელი სახლების და კომერციული ფართების მშენებლობა.

კომპანიის მიზანია კლიენტებისთვის მაქსიმალურად კომფორტული აპარტამენტებისა და ეკოლოგიურად სუფთა გარემოს შექმნა, რასაც ის აღწევს თანამედროვე არქიტექტურით, ენერგოეფექტური მასალების გამოყენებით და გამწვანებული ეზოთი.

გუნდის მუშაობის კრეატიული სტილი და ოპტიმალური დაგეგმარება დაგეხმარებათ თქვენთვის სასურველი ფართის მქონე სახლის შეძენაში, რომელშიც თანაბრად იქნება შერწყმული თანამედროვე არქიტექტურის ხიბლი და სამშენებლო მასალების მაღალი ხარისხი, რაც თქვენთვის და თქვენი ოჯახისთვის შექმნის საოცრად კომფორტულ და მყუდრო გარემოს.