ბაუჰაუსი ინტერიერში - მთავარია კომფორტი

ჭეშმარიტად გერმანული თუ არის რაიმე, ეს პირველ რიგში ბაუჰაუსია. უბრალოება და პრაქტიკულობაზე დაფუძნებული იდეა, მის დასახელებაშიც ჩანს. "Bauhaus" გერმანულიდან თარგმანში „სახლის აშენებას“ ნიშნავს“, მოკლედ და მარტივად.

ბაუჰაუსის გაჩენის დროდ 1919 წელი მიიჩნევა, როდესაც გერმანიის ქალაქ ვაიმარში ვალტერ გროპიუსმა მოირგო მშენებლობისა და კონსტრუირების ახალი უმაღლესი სკოლის ხელმძღვანელის სავარძელი. მან საზოგადოებას და არქიტექტორებს შესთავაზა ყურადღება მიემართათ წარმოების ინდუსტრიული შესაძლებლობებისა და მარტივი, მაგრამ ესთეტიკური ფორმების შერწყმისკენ. პირველივე პროექტებმა ნათლად აჩვენა არქიტექტურის ახალი ხედვის პერსპექტიულობა და ბაუჰაუსის სტილი მყისიერად გახდა ინდუსტრიალიზაციის ახალი ეპოქის სიმბოლო. მისი გაჩენისადნ სულ მალე უკვე აისახა ახალი სტილის პრინციპები ინტერიერში.

ბაუჰაუსის სტილი გვასწავლის არჩევანის გაკეთებას კომფორტზე, ათასი უსარგებლო ნივთის ნაცვლად. მას თამამად შეიძლება ვუწოდოთ ყველაზე ინდივიდუალური დიზაინი, იმ გავრცელებულ სტილებს შორის, რაც დღემდე გვაქვს. ის საკუთრივ ადამიანს ერგება, მისი ინდივიდუალური სურვილებისა და თავისებურებების გათვალისწინებით. სტილის მთავარი ორიენტირია, არა უსარგებლო სილამაზე, არამედ კომფორტი. ამიტომ, ბაუჰაუსის სტილში მოწყობილი სახლები, ყოველთვის იდეალურად მყუდროა და იქ კომფორტის ნამდვილი შეგრძნება სუფევს.

მოკლედ ბაუჰაუსის შესახებ

ვალტერ გროპიუსის იდეებმა, არქიტექტურასა და დიზაინს, საშუალება მისცა ჩამდგარიყვნენ საზოგადოების სამსახურში. მისი მოთხოვნილებები დაეკმაყოფილებინათ, დიზაინი აღარ ყოფილიყო რაღაც ელიტური და სანაცვლოდ ხელმისაწვდომი გამხდარიყო ფართო მასებისთვის.

ბაუჰაუსის მთავარი პრინციპები

საგნების ერგონომიულობა, ალბათ, ყველაზე მნიშვნელოვანი ნაწილია ავეჯის არჩევისას, ეს იქნება კომოდი თუ სავარძელი. ნებისმიერი ავეჯი კომფორტული უნდა იყოს და ეს უმთავრესია;

ქალაქურობა. ბაუჰაუსი ურბანული აჩქარებული დროისა და ცხოვრების დინამიკაზეა გათვლილი. ამიტომ ასეთ ინტერიერი მთლიანად მოცულია ურბანიზმის თავისებურებებით;


ხელმისაწვდომობა. ნებისმიერს შეუძლია ინტერიერის ბაუჰაუსის სტილში გაფორმება. სწორედ ეს განასხვავებს მას სხვა არსებული სტილებისგან;


ტექნოლოგიურობა - სახლის მოსაწყობი წვრილმანები და ავეჯი ადვილია მოსახმარად, მორგებულია სახლს და საჭიროების შემთხვევაში, გათვლილია შემდგომში ადვილად შეკეთებაზე;


გეომეტრია და ასიმეტრია ავეჯისა და ოთახის დიზაინში. არანაირი გაუგებარი ფორმები. მხოლოდ მართკუთხედი ან კვადრატი, წრე ან რომბი და სხვა ლაკონიური ფორმები.


მასალები, რომლებსაც ბაუჰაუსისთვის იყენებენ

ინტერიერში ბაუჰაუსის სტილი სულაც არ მოითხოვს ძვირადღირებული ბუნებრივი ხის ან ქვის გამოყენებას. მათ ცვლის პლასტმასა, მინა და ლითონი, რომლებიც შერწყმულია ნებისმიერი ხის მასალასთან, ტყავისა და სხვა მკვრივ ქსოვილებთან.

კედლები უბრალოდ სწორად შელესილია და სადა შპალერი გამოიყენება, რომელიც გაფორმებული შეიძლება იყოს უბრალო ხაზებით ან გეომეტრიული ფიგურებით.

ბაუჰაუსის ფერები

ბაუჰაუსს ნათელი ნეიტრალური შეფერილობა უყვარს, რომლებიც გამდიდრებულია თბილი ტონებით ან შავი შეფერილობის ინტერიერის დეტალებით. ზომიერად მისაღებია მკვეთრი აქცენტები, როგორებიც არის წითელი, ცისფერი, ყვითელი და მწვანე.