რომელია უკეთესი - სტუდიო VS აპარტამენტი

საბჭოთა მაყურებელს, კარგად ახლოს საახალწლო რომანტიკული კომედია „ბედის ირონია, ანუ გაამოთ”. საბჭოთა კავშირში, არამხოლოდ ბინების სტრუქტურა და ოთახების განლაგება, არამედ ავეჯი და სხვა ნივთებიც იმდენად მსგავსი იყო, სხვადასხვა ოჯახში, რომ ხშირად შეუძლებელი იყო გარჩევა, სად იმყოფები. მას შემდეგ ბევრი დრო გავიდა, ახლა ყველა სახლი ინდივიდუალური პროექტით შენდება და ყველა მათგანი განსხვავებულია. დეველოპერები არჩევანს ხშირად გვთავაზობენ სტუდიოს ტიპის საცხოვრებელსა და აპარტამენტს შორის. რით განსხვავდება ეს ორი და რომელია უკეთესი.

როგორია სტუდიოს ტიპის ბინა

სტუდიო არის ბინა, რომელსაც ჩვეულებრივი შიდა ტიხრები არ აქვს. მხოლოდ სველი წერტილებია ამ მხრივ გამონაკლისი, რომელიც აუცილებლად გამოყოფილი უნდა იყოს ნებისმიერ ბინაში. თუმცა, სხვა ფუნქციურ ზონებს შორის სივრცის განაწილება პირობითია. ეს ნიშნავს, რომ ასეთ ბინაში საძინებელი, სამზარეულო და მისაღები ოთახი ერთ სივრცეშია გაერთიანებული.

ასეთი საცხოვრებლის ფართობი ნებისმიერი შეიძლება იყოს: პატარა და ძალიან კომპაქტური შენობიდან 100 კვადრატულ მეტრზე მეტი ელიტური საცხოვრებელი ფართით დამთავრებული. იურიდიული გაგებითაც, სტუდიოები ჩვეულებრივი აპარტამენტებისგან არაფრით განსხვავდება.

რა არის აპარტამენტი

აპარტამენტი ევროპული ფორმატის საცხოვრებელი ფართია. დღეს ის სულ უფრო პოპულარული ხდება საქართველოში. ფაქტობრივად, ეს არის სასტუმრო ოთახი, რომლის ყიდვა შესაძლებელია როგორც საცხოვრებლად, ასევე გასაქირავებლად. განლაგებიდან გამომდინარე, ბინები შეიძლება მოიცავდეს ერთ ან მეტ საძინებელს, მისაღებს ან კაბინეტის ოთახს, სამზარეულოს, აბაზანას და ა.შ.

აპარტამენტებსა და ჩვეულებრივ ბინებს შორის დამახასიათებელი განსხვავებაა დამატებითი სერვისების არსებობა. სურვილის შემთხვევაში, ყველას შეუძლია შეუკვეთოს დასუფთავება, საკვების მიტანა, სამრეცხაო და სხვა მომსახურება. ყველა საკითხი განიხილება კომპანიის პროფესიონალი მენეჯმენტის მიერ. კომფორტულ ცხოვრებას ასევე უზრუნველყოფს ობიექტის შიდა ინფრასტრუქტურა - მაღაზიები, ფიტნეს კლუბები, ავტოსადგომები და საბავშვო ბაღებიც კი. აპარტ-სასტუმროს გარეთ არის საკმარისი რაოდენობის სამედიცინო და საგანმანათლებლო დაწესებულებები, სავაჭრო და გასართობი ობიექტები, კარგად განვითარებული სატრანსპორტო ქსელი.

რომელია უკეთესი საცხოვრებლად

საკუთრივ აპარტამენტების ღირებულება, ხშირად უფრო იაფია, ვიდრე სტუდიოს ან საბჭოთა პერიოდში აშენებული საცხოვრებელი სახლის შემთხვევაში იქნებოდა. თუმცა, დამატებით მომსახურებებს დამატებითი ხარჯებიც აქვს. თუ ბიუჯეტი ხელს გიწყობთ, აპარტამენტი შესანიშნავი არჩევანი იქნება კომფორტის სასარგებლოდ.

რომელია უკეთესი გასაქირავებლად

სტუდიოს ტიპის ბინის ავეჯით მოწყობა და რემონტი, უფრო იაფი ჯდება. შესაბამისად, დაბალი ბიუჯეტის შემთხვევაში, შეგეძლებათ მარტივად მიიღოთ უძრავი ქონებიდან შემოსავალი. თუმცა, სერვისული აპარტამენტები უფრო ძვირადაც ქირავდება.

მრავალსულიანი მდგმურებისთვის დიდი ფართის ბინა უფრო მისაღებია, სადაც ერთმანეთისგან გამოყოფილია ოთახები. ეს ეხება როგორც თბილისში სასწავლებლად ჩამოსულ სტუდენტებს, რომლებიც ხშირად საზიარო ბინას ქირაობენ, ასევე მიგრანტებს. არავის უნდა ზედმეტი გადაიხადოს, ამიტომ მიგრანტებიც ხშირად ცდილობენ ხარჯები გაიყონ და ბინა სხვა ადამიანებთან ერთად იქირაონ, ასევე მიგრანტების დიდი ნაწილი ოჯახით ჩამოდის საქართველოში ხანგრძლივი ცხოვრების მიზნით. მათაც სჭირდებათ მაქსიმალურად იზოლირებული ფართი.

თუმცა, სტუდიოს ტიპის ბინა სავსებით მისაღები იქნება ხანმოკლე ვიზიტისთვის. მიგრანტების ნაწილი, საქართველოს მხოლოდ სატრანზიტო დანიშნულებით იყენებს, დროებით თავშესაფრად. იქამდე, სანამ საბუთებს მოაწესრიგებს ევროპის, ეკონომიკურად უფრო განვითარებულ ქვეყნებში მუდმივი საცხოვრებლის მოსაძებნად. შესაბამისად, ამ ტიპის მდგმურებისთვის, ფართს გადამწყვეტი მნიშვნელობა არ აქვს. თუმცა, გასათვალისწინებელია, რომ ისინი ხშირად აქცევენ დიდ ყურადღებას უბანს. რუსეთიდან და ბელარუსიდან ჩამოსული მიგრანტები, ხშირად ირჩევენ თბილისის ისტორიულ უბნებს, ვერას, მთაწმინდას, სოლოლაკს და ჩუღურეთს. დაათვალიერეთ ბმულზე გასაქირავებლად, შესაფერისი ბინები, თბილისის ცენტრში, რომელებიც ყველაზე პრეტენზიულ მოთხოვნებსაც დააკმაყოფილებს.