საჭიროა თუ არა ბინის გაყიდვამდე რემონტის გაკეთება?

ბინის გაყიდვის გადაწყვეტილების მიღების შემდეგ მნიშვნელოვანი ნაბიჯია განცხადების განთავსება, განცხადება კი - რაც მეტად სრულყოფილია და ხარისხიანი ფოტოებით გამოირჩევა, მით მეტი ადამიანის დაინტერესებას იწვევს და შესაბამისად, პოტენციურ მყიდველთა რიცხვიც ამის პროპორციულად იზრდება.

ფოტოების მიღმა არის რეალობა, რომელიც სახლის ნახვის დროს დახვდება ყიდვით დაინტერესებულ ადამიანს. ახალ ბინაში გადასვლისას, ძირითადად, ყველა აკეთებს რემონტს, რათა თავიანთ გემოვნებას მოარგონ ბინა და ასე ვთქვათ, „საკუთარ ჭკუაზე მოიყვანონ“. აქედან გამომდინარე, ფინანსების დაზოგვის მიზნით, გაყიდვამდე კაპიტალური რემონტის გაკეთებას არ გირჩევდით, თუმცა არის დეტალები, რომელთა მოპირკეთებასა და შელამაზებას აუცილებლად უნდა მიაქციოთ ყურადღება, სანამ გასაყიდად განათავსებთ ბინას.

იმისთვის, რომ მყიდველი დააინტერესოთ, მნიშნელოვანია, რომ ბინა სუფთად გამოიყურებოდეს, შეგიძლიათ მცირე კოსმეტიკური განახლება გააკეთოთ, თუ მაგალითად მეზობლისგან წყალი ჩამოგდით, ნესტიანი ადგილების და მილების შეკეთება უზრუნველყოთ. პირველი შთაბეჭდილება ყოველთვის მნიშვნელოვანია და შესაბამისად, აუცილებელია, რომ პოტენციური მყიდველი სუფთა და მოწესრიგებულ ბინაში შეიყვანოთ. ზედაპირებზე, ეცადეთ, რომ არ იყოს ზედმეტი ნივთები ან მტვერი, შეეცადეთ არეული სახლი არ დაახვედროთ და ეს მყიდველს სივრცის უკეთ და ზუსტად აღქმაშიც დაეხმარება. ასევე, ერთერთი მნიშვნელოვანი ნაწილია სურნელი, კლიენტის მიღებამდე გაანიავეთ სახლი, გამოიყენეთ სხვადასხვა ტიპის ჰაერის გამწმენდები.

ეცადეთ, რომ მაქსიმალურად ეკონომიურად დაფაროთ სახლში არსებული ის დეფექტები, რაც ცხოვრების პირობებში საშიშროებას არ წარმოადგენს, თუმცა ვიზუალურად ცუდად ხვდება თვალს. ეს შეგიძლიათ გააკეთოთ მარტივი დიზაინების ცვლილებების დახმარებით.

გარემონტებული ბინა, გარდა იმისა, რომ ვიზუალურად უკეთ გამოიყურება, უფრო ძვირადაც იყიდება. შესაბამისად, რემონტში დახარჯული თანხა შეგიძლიათ, რომ გასაყიდი ფასის მომატების დახმარებით დააკომპენსიროთ, თუმცა დღის წესრიგში კვლავ ის საკითხი დადგება, რომ ახალი მფლობელი საკუთარი გემოვნების მიხედვით მოისურვებს სახლის გადაკეთებას. გარდა იმისა, რომ მცირე ხელის შევლებით გახვიდეთ ფონს, შეგიძლიათ თქვენი განცხადება უბრალოდ მოარგოთ იმ მაძიებლებს, რომლებიც პირდაპირ სარემონტო ბინებს ეძებენ საყიდლად. თუმცა აუცლებლად მოგიწევთ იმის გათვალისწინებაც, რომ გასაყიდ ფასზე სარემონტო ბინის მდგომარეობა აუცილებლად აისახება.

იმისთვის, რომ გაარკვიოთ რა დაგიჯდებათ თვენი ბინის რემონტი და ამის მიხედვით აწონ-დაწონოთ გაყიდვამდე მისი გარემონტება გირჩევნიათ თუ არა, ამაში SS.GE-ს ერთერთი დამხმარე ფუნქციონალი -  რემონტის კალკულატორი დაგეხმარებათ, რომელიც ყველა სარემონტო ბინის განცხადების აღწერილობაშია თანდართული: