როგორ მოვიქცეთ, თუ ბინა დიდხანს ვერ იყიდება?

ბინის გაყიდვისას აუცილებელია მიუთითოთ ყველა მნიშნელოვანი ინფორმაცია ბინის შესახებ, რაც მაძიებელს მასზე სწორ წარმოდგენას შეუქმნის და ადგილზე მოსულს უსიამოვნო სურპრიზები არ დახვდება. განცხადებისა და რეალობის შესაბამისობა საკვანძოა ბინის გაყიდვის გადაწყვეტილების მიღებისას. რასაკვირველია, ყველა გამყიდველს სურს, რომ განცხადებაში თავისი ბინის პლუსები ერთი-ორად გაზარდოს, მოიზიდოს მეტი მსურველი და განცხადების ნახვებიც მეტი ჰქონდეს, თუმცა რეალობა თუ სრულად აცდენიია განცხადებაში მითითებულ ინფორმაციას, აღნიშნული განცხადება მხოლოდ წერილობით აღწერად დარჩება, ბინა კი - კვლავ გასაყიდად.

თუ თქვენი ბინა დიდხანს ვერ იყიდება, კარგად დაფიქრდით გამოხმაურებული მსურველები რა კითხვებს სვამენ ყველაზე ხშირად, რა მოთხოვნები და სურვილები აქვთ, რა არის მათი პრიორიტეტები ბინის შერჩევისას და ეცადეთ, რომ სწორედ ამ ყველაფერს შეუსაბამოთ თქვენი ბინა. თუკი რემონტს საჭროებს, მცირე კოსმეტიკური ხელის შევლებაც ნუ დაგენანებათ, რაც დიდ ბიუჯეტს არ მოითხოვს, თუმცა ბინაში მნახველების ყურადღებას კი ნამდვილად მიიპყრობს.

დიდი ხნის განმავლობაში დადებულ განცხადებაში აუცილებლად იპოვით რამეს, რის გამოც ბინა ჯერ კიდევ არაა გაყიდული. მაგალითად მიზეზი შეიძლება იყოს უხარისხო ფოტოები, არასრული ან არასწორი ინფორმაცია ბინის მახასიათებლებზე, რაც შეიძლება მექანიკურად დაშვებული შეცდომა იყოს უყურადღებოდ შევსებისას, თუმცა დაკვირვებულ მკითხველს დაეჭვების საშუალებას აძლევდეს და აფიქრებინებდეს რომ გამყიდველი იტყუება და არალოგიკურ მონაცემებს უთითებს.

მეპატრონემ, რომელიც ბინის სწრაფად გაყიდვითაა დაინტერესებული, აუცილებლად უნდა ჩადოს თავისი რესურსები განცხადების სწორად დადებაშიც. მაგალითად, ss.ge მომხმარებელს ფასიან სერვისებს სთავაზობს, რაშიც შედის ხარისხიანი ფოტო-ვიდეო მასალის გადაღება თვენი ბინისთვის, VIP განცხადებებში განთავსება, რომლის დახმარებითაც თქვენი ბინა მოხვდება სპეციალურ სლაიდერში და მუდამ მთავარ გვერდზე იქნება. ასევე, ss-ის გუნდი გთავაზობთ სანდოობის გადამოწმებასაც, მისი დახმარებით კი თქვენი განცხადება უპირატესობებით ისარგებლებს.