რჩევები რემონტის შემდგომ სახლის დალაგებისთვის

რემონტი სიახლესთან და სისუფთავესთან ასოცირდება, თუმცა ახალგარემონტებულ სახლში საბოლოო მოწყობამდე და მყუდროდ ცხოვრებამდე სარემონტო ნარჩენების გატანა და სახლის სრულად დასუფთავებაა აუცილებელი. სრული კაპიტალური რემონტის შემდეგ კი ნარჩენების გატანა საკმაოდ შრომატევადი საქმეა და სულაც არაა სახუმარო თემა. იატაკი ისვრება კოსმეტიკური რემონტის შედეგად მოხვედრილი საღებავისგან, ფანჯრები ითხოვს კაპიტალურად დასუფთავებას, სარემონტო მტვერი კი ყველა ტიპის ზედაპირზე სქელ ფენად არის განთავსებული.

რემონტის შემდგომი დალაგება იმდენად სტრესულია, რომ ძნელია ერთი ადამიანი გაუმკლავდეს და პარალელურად სახლი მწყობრში მოიყვანოს. ხშირად სხვადასხვა კომპანიები თუ ფიზიკური პირები სპეციალურად რემონტის შემდგომი დალაგების სერვისს გვთავაზობენ ხოლმე. რა თქმა უნდა, ჩვენი პორტალი ss.ge-ც საჭიროებებზე მორგებული სერვისით გამოირჩევა და ახალ - მომსახურების რუბრიკაში შესაბამის არჩევანსაც გთავაზობთ. სხვა უამრავ მომსახურებას შორის არის დალაგების სერვისების შეთავაზებაც. დასუფთავების კომპანია შეგიძლიათ დაიქირაოთ თქვენთვის სასურველი კომპონენტების გათვალისწინებით, შეარჩიოთ თქვენთვის მისაღები ფასი და დრო. განცხადებებს შორის არის არამხოლოდ ბინის დასუფთავების სერვისი რემონტის შემდეგ, არამედ საოფისე ფართების და ნებისმიერი კომერციული სივრცის დალაგებაც. შეგიძლიათ დაზოგოთ თქვენი დრო, სახლის დასუფთავება და ზედმეტი ნარჩენების გატანა კი პროფესიონალების გუნდს მიანდოთ. თავისუფალი დრო კი სახლისთვის სასურველი დეკორაციებისა თუ ავეჯის შერჩევაში გამოიყენოთ.

რემონტის შემდგომი დალაგების დროს უმჯობესია, თუ სახლში არ იქნება ახალი ავეჯი, თუ გამოუვალი სიტუაციაა, რემონტის დროს ისინი პარკებით უნდა შეფუთოთ რათა არ დაზიანდეს სხვადასხვა სარემონტო საშუალებების ლაქებისგან და ნაკლებად დაიმტვეროს. დარწმუნდით, რომ ყველაფერი უკვე დასრულებულია, როგორც კოსმეტიკური, ასევე გაყვანილობების კუთხით, დასუფთავების შემდეგ კი ერთადერთი რაც დაგრჩათ ბინის მოწყობაა შესაბამისი ავეჯითა და აქსესუარებით.

რაც შეეხება ქრონოლოგიას, პირველ ეტაპზე სახლიდან შედარებით დიდი ზომის ნარჩენები უნდა იქნას გატანილი, როგორიცაა თაბაშირმუყაოს ნატეხები, შპალერის ქაღალდების ნარჩენები და ა.შ. ანუ ისეთი მასალები, რომლებსაც ტომრებით გაიტანენ ბინიდან. შემდეგი ეტაპია ზედაპირების წმენდა სველი წესით ან სპეციალური ხსნარების დახმარებით. ხსნარები, როგორც წესი, მოაქვთ დასუფთავების ჯგუფებს, ან წინასწარ გითანხმებენ რა ტიპის ქიმიური საშუალებები დასჭირდებათ, რომ ადგილზე დაახვედროთ. ამის შემდეგი ეტაპი ფანჯრების წმენდაა, რომელიც საკმაოდ ფრთხილი და ხანგრძლივი პროცესია, მინები შესაძლოა რბილზედაპირიანი ნაჭრითა და ხსნარებით იყოს გასაწმენდი ან საღებავის აფხეკა იყოს საჭირო შუშის ზედაპირიდან, რაც საკმაოდ ფრთხილად შესასრულებელი საქმეა და პროფესიონალს უნდა ანდოთ. ბოლოს კი ავეჯის გაწმენდაზე გადავდივართ, რაშიც მტვერსასრუტი და სველი ღრუბელი დაგვეხმარება, თუმცა როგორც ზემოთ აღვნიშნეთ, უმჯობესია თუკი მას შევფუთავთ მანამდე და მაქსიმალურად დავიცავთ დაბინძურებისაგან. რაც შეეხება აბაზანას და საპირფარეშოს, აქაც სტანდარტულად ზედაპირებიდან იწყება მტვრისა და ნარჩენების მოცილება ხოლო შემდეგ მისი დეზინფექცირება ხდება. სულ ბოლოს კი ხელის შევლებით დარჩენილ მტვერს მოაშორებთ ზედაპირებიდან და სახლი გამზადებულია ახალი ავეჯისა და დეკორაციებისთვის.