3 პროფესიული დარგი ფინანსურ დამოუკიდებლობის სწრაფად მოპოვებისთვის

463

12.09.2023 01:34:07

კომპიუტერული მეცნიერებები და პროგრამირება მთელს მსოფლიოში სულ უფრო და უფრო პოპულარული მიმართულება ხდება. თუკი ადრე, აღმოჩენები მხოლოდ მეცნიერთა პრეროგატივად მიიჩნეოდა, დღეს, კაცობრიობის ცხოვრების ხარისხის გაუმჯობესება "ჩვეულებრივ" ადამიანებსაც კი შეუძლიათ. ადამიანებს, რომლებიც ქმნიან ციფრულ პროდუქტებს.

სწორედ ტექნოლოგიური მიღწევები ცვლიან ჩვენს ყოველდღიურობას. აბა შეადარე როგორ ვახდენთ ახლა საკვების შეკვეთას, ტაქსის გამოძახებას, დისტანციურ ურთიერთობებს და როგორ ვაკეთებდით ამ ყველაფერს 5 წლის წინ. სხვადასხვა ინდუსტრიაში მოღვაწე კომპანიები, თავისი შინაარსით ხდებიან ტექნოლოგიურები. შესაბამისად შრომის ბაზარზე იზრდება მოთხოვნა, კომპიუტერული უზრუნველყოფის ინჟინრებსა და მასთან დაკავშირებულ პროფესიონალებზე.

მოთხოვნა მზარდია, დასაქმების შესაძლებლობები გლობალური, ანაზღაურება კი მაღალი. არასდროს ისე აშკარად გამოკვეთილი არ ყოფილა მაღალი მოთხოვნის პროფესიული მიმართულების დარგები, როგორიც დღეს არის. ამ ბლოგში მოცემულია 3 მთავარი დარგი, რომელშიც მოღვაწეობა და საკუთარი კარიერის დაკავშირება, ნამდვილად ღირს.

1. პროგრამირება

პროგრამირება მუდმივად განვითარებადი პროფესიაა. სხვადასხვა ტექნოლოგიური სიახლეები, მისი ნაწილია და ამ პროფესიით დასაქმებულ ადამიანებს, საშუალებას აძლევს, მასთან ერთად განვითარდნენ. პროგრამისტობისთვის, შეზღუდული ასაკი არ არსებობს.

დღეს, პროგრამისტობის ერთ-ერთ მთავარ პრიორიტეტად მაღალი ანაზღაურება ითვლება. ქართულ ბაზარზე მომუშავე დეველოპერების თქმით, მიუხედავად იმისა, რომ საქართველოში ანაზღაურება ჯერჯერობით ჩამოუვარდება მსოფლიო ბაზრის სტანდარტებს, სხვა პროფესიებთან შედარებით, მათი შემოსავალი, სულ მცირე, 3-ჯერ მაღალი მაინც არის.

2. გრაფიკა-დიზაინი

ტექნოლოგიების განვითარებასთან ერთად, ახლა კომპანიები ციფრული სამყაროსკენ მიისწრაფიან. აქ, კი მათ ისე ძაან არაფერი სჭირდებათ, როგორც დახვეწილი და გამორჩეული ვიზუალი, რასაც მომხმარებლის წარუდგენენ.

რატომ არის ვიზუალი მნიშვნელოვანი? - ზოგადად ადამიანებს, ერთმანეთზე, პირველი შთაბეჭდილება ჩვენი ვიზუალით გვექმნება. ზუსტად იგივეა კომპანიებთან დაკავშირებითაც - გადატვირთულ ციფრულ სამყაროში, კი მიმზიდველი დიზაინის შექმნა უპირველესი ამოცანაა. სწორედ ამიტომ, კარგი გრაფიკული დიზაინის შექმნაში ისინი ათასობით დოლარს იხდიან.

3. IT ტექნოლოგიები

ინფორმაციული ტექნოლოგიები (IT) არის კომპიუტერის პროგრამული და აპარატურული უზრუნველყოფის პროექტირების, შემუშავების, რეალიზაციის, ზოგადი უზრუნველყოფის და მართვის სრული პროცესი. ინფორმაციული ტექნოლოგის პროფესიული კვალიფიკაციის მფლობელს შეუძლია დასაქმდეს სამთავრობო, არასამთავრობო და კომერციულ ორგანიზაციებში IT მხარდაჭერის სპეციალისტად, ასევე კომპიუტერულ სერვის ცენტრებში პრობლემების დისტანციური უზრუნველყოფის სპეციალისტად.

IT პროფესიონალებს, შეუძლიათ მუშაობა მცირე და საშუალო ტიპის ორგანიზაციებში ან დიდი მასშტაბის კომპანიებში კომპიუტერული სისტემებისა და ქსელის ადმინისტრატორად. დღეს არსებულმა მაღალმა მოთხოვნამ მათი ხელფასების ზრდაც გამოიწვია. Glassdor-ის მონაცემების მიხედვით, მსოფლიოს მასშტაბით, ამ პროფესიაში საშუალო წლიური ანაზღაურება 77 000 აშშ დოლარს შეადგენს. საქართველოში, კი 1-2 წლის სამუშაო გამოცდილების მქონე IT სპეციალისტის საშუალო წლიური ანაზღაურება 30 000 - 50 000 ლარს შორის მერყეობს.