რატომ ირჩევენ ახალგაზრდა ოჯახები სტუდიოს ტიპის ბინებს

სტუდიო არის ერთი დიდი ოთახი, რომელიც მოიცავს მისაღებ ოთახს, სამზარეულოსა და შემოსასვლელს. ცალკე ოთახად მხოლოდ აბაზანა რჩება. საქართველოში, ასევე გავრცელებულია სტუდიოს ფართო ვარიანტი, სადაც სტუდიოს საძინებელიც ემატება. 

რა ძირითადი მახასიათებლები აქვს სტუდიოს

სტუდიოს ყველაზე მნიშვნელოვანი დადებითი მხარე, მისი ფასია. ეს ეხება როგორც უძრავი ქონების ფასს, ასევე მისი მომსახურების ხარჯებს. რამდენადაც ასეთი ბინები საკმაოდ პატარაა, შედარებით იაფი ჯდება მათი გათბობა და სხვა კომუნალური საჭიროებები.

მისი კიდევ ერთი დადებითი მხარე ფუნქციონალურობაა. აქ ძნელია თავისუფალი ადგილია დატოვო. გარდა ამისა, ის ნივთების სიუხვის შემთხვევაშიც საკმაოდ ნათელი იქნება, რადგანაც არაფერი შეზღუდავს ბუნებრივ განათებას და უფრო ფართო სივრცე გამოჩნდება.

კიდევ ერთი მიზეზი, რატომაც არამხოლოდ ახალგაზრდები, არამედ სრულიად განსხვავებული ტიპის მობინადრეები ირჩევენ სტუდიოს, არის ის, რომ იპოთეკით მისი შეძენისას თითქმის იმავე თანხის გადახდა გიწევს, რაც ბინის ქირაობის შემთხვევაში იქნებოდა.

სტუდიოს ტიპის ბინებისთვის უამრავი შესაფერისი ინტერიერის დიზაინის სტილი არსებობს. ზოგიერთი მათგანი, უკვე განხილული გვაქვს სტატიებში, როგორებიც არის ჰაი-ტეკი და ლოფტი. ორივე მათგანი თანამედროვე მიმდინარეობაა, რაც შესანიშნავი არჩევანია სტუდიოს ტიპის ბინებისთვის.

სტუდიო ჰაი-ტეკის სტილში

ძალიან პოპულარული მიმდინარეობაა, განსაკუთრებით ახალგაზრდებს შორის. ხშირად აერთიანებს შეუთავსებელ საგნებს. ახასიათებს მკაფიო ხაზები. იდეალური ვარიანტია მრავალფუნქციური ავეჯი ბევრი უჯრით და თაროებით. 

მოსაპირკეთებლად გამოყენებული მასალებია პლასტმასა, ლითონი, მინა, ვინილი და მრავალი სხვა. უპირატესობა ენიჭება სწორი კუთხის მქონე მკაცრი გეომეტრიული ფორმის ობიექტებს.

სტუდიო ლოფტის სტილში

ეს სტილი პატარა ბინები საშუალებას იძლევა სივრცე სრულად აითვისო, არამხოლოდ ორგანზომილებიან ფორმატში, არამედ სიმაღლეშიც გაყო სივრცე. შეგიძლია ანტრესოლი მოაწყო, ზევით არსებული გაჩენილი სივრცე საძინებლად გამოიყენო. დადგა პროექტორი და სერიალები ნახო. 

ლოფტი ინდუსტრიულ-ურბანული ინტერიერის თანამედროვე სტილია, რომელიც ღია სივრცის სიუხვით და სამრეწველო ელემენტების სიჭარბით ხასიათდება. აქ მაღალი ჭერია, აგურის შიშველი კედლები, რკინის ნაწილები და მილები, ცემენტის იატაკი და სხვა. შეგიძლია ინტერიერი სურვილისამებრ ისე მოაწყო, რომ დიზაინის მახასიათებლები უპირატესობად აქციო ძვირიან ალტერნატივებთან. 

სტუდიოს არჩევის შემთხვევაში საკმაოდ დიდი არჩევანი აქვს როგორ მოაწყო ახალი სახლი. აქ კედლები ვერ იქნება ხელისშემშლელი. ხოლო, თუ ღია სივრცე მოგბეზრდება, ტიხრებიც შეგიძლია ინტერიერის ნაწილად აქციო.