გაიზრდება თუ არა უძრავი ქონების ფასი – რა ხდება უძრავი ქონების ბაზარზე

3158

27.11.2023 01:12:11

ახალი აშენებული ბინების ფასი გაიაფდა, ამის შესახებ თიბისი კაპიტალის კვლევიდან ჩანს. როგორც კვლევიდან ირკვევა, ოქტომბერში უძრავი ქონების გაყიდვები გაზრდილი იყო. თუმცა, პირველად თვიურ ჭრილში, ახალი ბინებისთვის გასაყიდი ფასი 1.1%-ით შემცირდა, ხოლო ძველი ბინებისთვის 1.4%-ით გაიზარდა.

თიბისი კაპიტალის საცხოვრებელი უძრავი ქონების მიმოხილვიდან ასევე ჩანს, რომ ახალი ბინების გაყიდვების მნიშვნელოვანი მატება იყო დიდუბესა და ჩუღურეთში, წინა წლის იმავე პერიოდთან შედარებით. თუმცა, შესამჩნევი კლება დაფიქსირდა საბურთალოსა და გლდანში. შესამჩნევი კლება დაფიქსირდა.

ასევე, ოქტომბრის მაჩვენებლით.ირკვევა, რომ ძველი ბინების შემთხვევაში ყველა უბანში ზრდა დაფიქსირდა, სადაც მთლიანი გაყიდვებით საბურთალო ყველაზე პოპულარული არჩევანი იყო. დიდუბეში (+39%) ზრდა დაფიქსირდა. ხოლო მთაწმინდაზე (+29%) იყო. ასევე, მაღალი ზრდა დაფიქსირდა ნაძალადევში ძველი ბინების გაყიდვების მხრივ ნაძალადევში (+22%).

ამასთანავე, მომავალში გასაქირავებელი ბინის ფასის კლებაა მოსალოდნელი. როგორც „გალტ & თაგარტის“ სექტორული კვლევების უფროსმა კახა სამყურაშვილმა გადაცემა „უძრავი ქონების პროსპექტში“ სტუმრობისას განაცხადა, - „ბაზარმა ჯერ დასტაბილურება დაიწყო, ხოლო, შემდეგ ფასის კლება დაფიქსირდა და ამის გაგრძელების მოლოდინი არსებობს“. აღნიშნულის ერთ-ერთ მიზეზად ის მიგრაციული ტალღის შესუსტებას ასახელებს, რამდენადაც ბოლო თვეებში მეტი უფრო მეტი უცხოელი ტოვებს ქვეყანას, ვიდრე შემოდის.

ამასთანავე, გასაქირავებელი უძრავი ქონების ფასის კლების რისკებზე საუბრობს საქართველოს ეროვნული ბანკის ფინანსური სტაბილურობის ანგარიშიც. ეროვნული ბანკი ფინანსურ ინსტიტუტებს რეკომენდაციას აძლევს, რომ ქირიდან მისაღები შემოსავლების სტაბილურობის შეფასებისას, კრედიტის გაცემის დროს, ქირიდან ფასის დინამიკა გაითვალისწინონ.

ეროვნული ბანკის ანგარიშის თანახმად, - „ქირის ფასის კლება 30%-ით აჭარბებს გრძელვადიან ტრენდს, რაც ფინანსური სტაბილურობის მნიშვნელოვანი რისკის წყარო შეიძლება გახდეს. გარდა ამისა, მიმდინარე წელს 2022 წლის პირველ ნახევართან შედარებით, მკვეთრადაა გაზრდილი კაპიტალიზაციის ინდექსიც, რაც უძრავი ქონების, როგორც საინვესტიციო აქტივის მიმზიდველობის საზომია".

ნათელია, რომ უძრავი ქონების ფასისთვის გადამწყვეტია და საინვესტიციო თვალსაზრისით უძრავი ქონების მომავალს მნიშვლოვნად განსაზღვრავს საგარეო ფაქტორები. უძრავი ქონების ფასზე მნიშველოვნად აისახება როგორც დადებითი ასევე უარყოფითი პროცესები.

უძრავი ქონების კომპანია Eristavi Estates-ის დამფუძნებელი ზურაბ ერისთავი ვარაუდობს რომ. ევროკავშირის წევრობის კანდიდატის სტატუსმა შესაძლოა უძრავი ქონების ბაზრის 10-15%-იანი ზრდა გამოიწვიოს – აღნიშნულის შესახებ მანს „ბიზნესპარტნიორთან“ საუბრისას განაცხადა.

ზურაბ ერისთავის თქმით მოლოდინის გამართლება დადებითად აისახება უძრავი ქონების ბაზარზე, – „დამოკიდებულება გამყარდება, შესაბამისად, მოთხოვნაც უფრო გაიზრდება“ - ამბობს ზურაბ ერისთავი.

რამდენადაც უძრავი ქონების ქირის ფასზე მნიშვნელოვანი გავლენა მიგრაციულ ფაქტორებს აქვს, სავარაუდოა რომ ქირის ფასის ზრდა მომავალში არ მოხდება. თუმცა, უცნოვია უძრავი ქონების ფასზე მომავალში რა სახით და რა მასშტაბით აისახება შესაძლო დადებითი საგარეო პოლიტიკური ფაქტორები. ევროპული საბჭო საქართველოსთვის კანდიდატი ქვეყნის სტატუსის მინიჭების შესახებ საბოლოო გადაწყვეტილებას დეკემბერში მიიღებს.