უძრაავი ქონების გამოფენაზე, მხოლოდ 3 დღით, უპრეცედენტო შეთავაზებები დაგხვდებათ

26-28 აპრილს, ExpoGeorgia-ს სივრცე ამჯერად უძრავი ქონების გამოფენას უმასპინძლებს.

ადგილზე თქვენ დაგხვდებათ 45 დეველოპერული და 10-ზე მეტი საბროკერო კომპანია, რომლებიც დამთვალიერებელს შესთავაზებენ ბიუჯეტურ და პრემიუმ სეგმენტის საცხოვრებელ, კომერციულ და საოფისე ფართების მრავალფეროვან არჩევანს.
ბინის მაძიებლებს კი შესაძლებლობა ექნებათ, სასურველი სახლი ახალაშენებულ, მშენებარე თუ უკვე არსებულ საცხოვრებელ კომპლექსებში შეარჩიონ.

აღნიშნული ღონისძიება გამორჩეულია იმით, რომ ExpoGeorgia-ში მოსული დამთვალიერებლები განსაკუთრებული პირობებით ისარგებლებენ მხოლოდ ამ სამი დღის განმავლობაში. კერძოდ, ვიზიტორები მიიღებენ ისეთ ექსკლუზიურ შეთავაზებებს, როგორიცაა 20000$-იანი ფასდაკლება თაუნჰაუსის შეძენისას, 15 000$-იანი ფასდაკლება ბინის შეძენისას და 15-20%-იანი ფასდაკლება 1 მ2-ის შეძენისას.
26-28 აპრილის პერიოდში მომავალი ბინის მფლობელები დასაჩუქრდებიან არაერთი საინტერესო საჩუქრით — ავტოფარეხით, საზაფხულო სივრცით, ევროპის ჩემპიონატის ბილეთებით და სხვა.

აღსანიშნავია ისიც, რომ ღონისძიების ფარგლებში გაიმართება B2B შეხვედრები საინვესტიციო, დეველოპერული და საერთაშორისო საბროკერო კომპანიების წარმომადგენლებთან, რაც საუკეთესო საშუალებაა გაყიდვების წასახალისებლად, ბაზარზე მიმდინარე მოვლენების უკეთ გასაცნობად და ამ სფეროს ცნობადობის ასამაღლებლად.

უძრავი ქონების სამდღიანი გამოფენა არის უნიკალური შესაძლებლობა როგორც დეველოპერებისა და საბროკერო კომპანიებისთვის, ასევე უძრავი ქონების მაძიებელთათვის, რადგან ეს არის ერთადერთი პლატფორმა, სადაც შესაძლებელია ბაზრის წამყვან დეველოპერებთან შეხვედრა, მათი საქმიანობისა და პროექტების გაცნობა, მიმდინარე მოვლენებზე დაკვირვება და მომხმარებლებზე მორგებული, უპრეცედენტო შეთავაზებების მიღება როგორც ბიუჯეტურ, ასევე პრემიუმ სეგმენტში.

26-28 აპრილს, ExpoGeorgia-ში გამოფენა მე-4 და მე-5 პავილიონებში გაიმართება 11:00-დან 18:00 საათამდე.
დასწრება თავისუფალია და არ საჭიროებს წინასწარ რეგისტრაციას.