5 ვებგვერდი, რომელიც ინგლისურის სწავლაში დაგეხმარება

იმისათვის, რომ სამუშაო ბაზარზე კონკურენტუნარიანი იყო და სასურველ სამსახურშიც მარტივად დასაქმდე, უნარების გაუმჯობესებაზე მუდმივად უნდა იფიქრო. ვინც ვაკანსიებს თვალს ხშირად ადევნებს, ეცოდინება, რომ ინგლისურის ცოდნა თითქმის ყველა სექტორში ერთ-ერთი აუცილებელი მოთხოვნაა. თუ ინგლისურის შესწავლას ახლა იწყებ ან ენას გარკვეულ დონეზე უკვე ფლობ, ეს 5 ვებგვერდი ცოდნის გაუმჯობესებაში აუცილებლად დაგეხმარება.

Lingwing

ქართული პლატფორმა Lingwing მათთვისაა ზედგამოჭრილი, ვინც ქართული იცის და სხვა ენის შესწავლა მშობლიურის მეშვეობით სურს. ვებგვერდზე შესვლისთანავე მარტივი მენიუ დაგხვდება, შესასწავლი ენების ჩამონათვალიდან კი ინგლისურს აირჩევ და შენს ამჟამინდელ დონესაც მიუთითებ. თუ სავარჯიშოების შესრულებისას სირთულეს გადააწყდები, პლატფორმა დახმარების ღილაკს მაშინვე შემოგთავაზებს და ეტაპობრივად უფრო რთული დავალებებისთვისაც მოგამზადებს. Duolingo თუ რომელიმე უცხო ენას უკვე ფლობ და ინგლისურის შესწავლაც გადაწყვიტე,

Duolingo

შენთვის კომფორტული პლატფორმა გახდება, რომელსაც მსოფლიოს სხვადასხვა ქვეყნიდან უკვე 90 მილიონამდე მომხმარებელი ჰყავს. Duolingo-ს მწვანე ბუ კი შენს მეგობრად მალევე იქცევა, რომელიც ყოველდღიურად დავალებების გაკეთებასაც შეგახსენეს და სამოტივაციო ფრაზებითაც გაგამხნევებს.

Englishpage

თუ ინგლისურს საშუალო დონეზე უკვე ფლობ, თუმცა ცოდნის გაღრმავება გსურს გრამატიკის, ლექსიკის ან სხვა მიმართულებით, Englishpage ამ ყველაფრის შესაძლებლობას სრულიად უფასოდ გთავაზობს. ვებგვერდზე შესვლისას სხვადასხვა კატეგორიას დაინახავ, რომლებსაც მარტივი ენით ახსნილი წესები, მაგალითები და სავარჯიშოები ახლავს. ასე რომ, Englishpage-ზე ინგლისურთან დაკავშირებით შენთვის ყველაზე საინტერესო ასპექტების შესწავლას საფუძვლიანად შეძლებ.

TED Talks

ენის სრულყოფილად შესწავლისთვის ერთ-ერთი აუცილებელი კომპონენტი მოსმენაა. ხშირია შემთხვევები, როცა ინგლისურად კითხვა, წერა და გრამატიკის წესები ადამიანმა ძალიან კარგად იცის, თუმცა ინგლისური საუბრის გაგება უჭირს. TED Talks სწორედ მოსმენის კომპონენტის განვითარებაში დაგეხმარება. რაც მთავარია, პლატფორმაზე უამრავი ვიდეოა განთავსებული სხვადასხვა თემაზე, რომელთაგან შენთვის საინტერესოს მარტივად იპოვი. ვიდეოს ყურებისას კი, გამომსვლელის ტექსტს თვალი შეგიძლია ადევნო და სურვილის შესაბამისად, დააპაუზო ან უკან გადაახვიო.

Ss.ge

ენის შესწავლისას ყველას ინდივიდუალური საჭიროებები გვაქვს და ამის შესაბამისად, მეთოდებისა და მიდგომის შერჩევა თავად გვსურს. თუ კერძო მასწავლებელთან გსურს ინგლისურის შესწავლა ინდივიდუალურად ანდაც ჯგუფურად, ან უპირატესობას უცხო ენების ცენტრებს ანიჭებ, SS.ge-ზე განთავსებული განცხადებებიდან სასურველის არჩევა ნამდვილად არ გაგიჭირდება. ამჟამად SS.ge-ის განათლების პლატფორმაზე 70-მდე განცხადება დევს, თითოეულის პირობებსა და შეთავაზებებს კი აქ ნახავ.