როგორ შევარჩიოთ და მოვუაროთ ეზოში დასადგამ აუზს

აუზები ზაფხულში აქტუალური თემაა, ამიტომ ამ ბლოგში მოგიყვებით მათი შერჩევისა და მოვლის დეტალებს.  კერძო სახლის ან აგარაკის ეზოში მესაკუთრეთა ნაწილი კაპიტალურ აუზს ამჯობინებს. ვინაიდან ღია აუზის გამოყენება სეზონურია და წლის განმავლობაში მცირე დროით გვჭირდება, ადამიანები შესაძლოა ფინანსებს ზოგავდნენ მისი კაპიტალური ვერსიის შერჩევისგან და თავიდან ირიდებდნენ აუზის მოვლის პროცედურებს. თუკი არ გაქვთ აუზი, მაგრამ ზაფხულის ცხელ დღეებში გაგრილება გსურთ და ბავშვებისთვისაც იდეალურ ვარიანტს ეძებთ, შეგიძლიათ ალტერნატივად დასადგამი, ე.წ. კარკასული  ან გასაბერი აუზი განიხილოთ.

კარკასული აუზები ბევრად დიდი და მყარია, ვიდრე საბავშვო გასაბერი აუზები, აქვს სხვადასხვა ზომა და ასაწყობი სტრუქტურა, სულ რაღაც 1 საათშია შესაძლებელი მისი დამონტაჟება. მისი კორპუსის მასალა ლითონისაა უმეტესწილად, რომელიც დამცავი საფარითაა დაფარული. კარკასულ აუზებს აქვთ კიბე, ფილტრი და წყლის მიღებისა და გაშვების სისტემა. როგორც ზემოთ აღვნიშნეთ, აუზის სეზონური გამოყენებიდან გამომდინარე, შეგიძლიათ მისი სეზონური ვარიანტი შეიძინოთ, რომლის დამონტაჟებაც ყოველ წელს მოგიწევთ, თუმცა არსებობს ყინვაგამძლე კარკასული აუზებიც, რომელიც ცივ ტემპერატურას უძლებს ყველა ნაწილით: კარკასით, იატაკითა და კედლებით და შესაბამისად, შეგიძლიათ, რომ დემონტაჟის გარეშე დატოვოთ მთელი წლის განმავლობაში.

აუზის შერჩევისას აუცილებლად გაითვალისწინეთ, რა მოცულობის გნებავთ, დიდი ზომის კარკასული აუზების მოცულობა ზოგჯერ 30 000 ლიტრსაც კი აჭარბებს. არსებობს მცირე ზომი აუზებიც, რომელიც ბავშვებისთვისაა განკუთვნილი. შესაბამისად, ზომისა და მოცულობის გათვალისწინებით, კარკასული აუზის ფასის დიაპაზონი საკმაოდ ფართოა. 

მას შემდეგ, რაც შეიძენთ აუზს, ძალიან მნიშვნელოვანია მისი მოვლა და შესაბამისი აქსესუარების შეძენა. არსებობს სხვადასხვა აქსესუარები, რომლებიც სისუფთავის შენარჩუნებაში დაგეხმარებათ: საწმენდი ნაკრებები, რომელიც ძირითადად შედგება ვაკუუმური ჯაგრისისგან, ბადისა და ალუმინის ჯოხისაგან, დაგეხმარებათ წყლის ზედაპირზე მოხვედრილი არასასურველი ობიექტებისგან გაწმინდოთ აუზი (მაგ: ფოთლები, წიწვები და სხვ.). არსებობს ასევე, აუზის ავტომატური მტვერსასრუტებიც, რომლის მიზანია ფილტრის ტუმბოს ენერგიის გამოყენებით, გადაადგილდეს აუზის ფსკერზე და სხვადასხვა ნარჩენებისა და ჭუჭყისგან გაწმინდოს. მას მოცურების საწინააღმდეგო ბორბლებიც აქვს, რომლის დახმარებითაც იცვლის მიმართულებას და მთლიანი აუზის სისუფთავეს უზრუნველყოფს. ასევე, არსებობს აუზის წყლის გასათბობი მოწყობილობები, რომელიც სურვილის შემთხვევაში შეგიძლიათ შეიძინოთ და გამოიყენოთ. ასევე დაგჭირდებათ ფილტრი აუზისთვის, არსებობს როგორც კარტრიჯული, ასევე ქვიშის ფილტრები, რომელიც თავისი დანიშნულებით გამოიყენება. როდესაც აუზს არ იყენებთ, სასურველი და რეკომენდებულია, რომ გამოიყენოთ გადასაფარებელი, სპეციალური აუზის გადასაფარებლები შესაბამისი ზომის მიხედვით შეგიძლიათ აარჩიოთ, სეზონის დასრულების შემდეგ კი ასევე აუცილებლად დაგჭირდებათ აუზიდან წყლის ამოსატუმბი დრენაჟული ტუმბოც.

უკვე გაქვს ინფორმაცია, აუზების და მისი მოვლის შესახებ, ახლა კი, დროა, სასურველი ზომისა და მოდელის კარკასული ან გასაბერი აუზი შეარჩიო და  ზაფხულის ცხელი დღეები გაიგრილო.