რა დაგიჯდებათ ახალაშენებული ბინის გარემონტება

როცა სახლის რემონტზე ვიწყებთ ფიქრს, ხშირ შემთხვევაში თავიდანვე ნათელია, თუ რა სახის რემონტთან გვაქვს საქმე - ზედაპირულ, ანუ კოსმეტიკურ რემონტთან, თუ საფუძვლიან, ანუ კაპიტალურ რემონტთან. კოსმეტიკური რემონტი, ძირითადად მოიცავს ინტერიერის შეცვლას ნგრევის გარეშე, კერძოდ:

·      კედლების და ჭერის შეღებვა

·      იატაკის აღდგენა და მოხვეწა

·      შპალერის შეცვლა

·      კარ-ფანჯრების შეცვლა

რაც შეეხება კაპიტალურს, ის უფრო საფუძვლიან რემონტს ნიშნავს და დამატებით, მოიცავს, ასევე, შემდეგ სამუშაოებს:

·      ტიხრების დამატება

·      ყველა სახის დემონტაჟი

·      კონსტრუქციის ცვლილება

·      სხვა ე.წ. „მტვრიანი სამუშაოები“.

რემონტის სახის განსაზღვრა, შესაძლებელია ბინის მდგომარეობიდან და თქვენი სურვილებიდან გამომდინარე. კოსმეტიკური რემონტი, უკვე გარემონტებული ბინის იერსახის, ინტერიერის შეცვლას მოიცავს - კონსტრუქციის გადაკეთების გარეშე. ახალაშენებული ბინა, კი ძირითად შემთხვევაში კაპიტალურ რემონტს საჭიროებს, რადგან, როგორც წესი, ბინის ჩაბარება ხდება - მწვანე, თეთრი ან შავი კარკასის მდგომარეობაში.

განსაზღვრული რემონტის ხარჯი, ბუნებრივია შესასრულებელ სამუშაოებზე და ბინის ფართზეა დამოკიდებული. მიმდინარე ეტაპზე, ჩვენ მიერ, თავისუფალ წყაროებზე განთავსებული ინფორმაციისა და ზეპირი გამოკითხვის საფუძველზე წარმოებული კვლევის შედეგად, სხვადასხვა სახის სარემონტო სამუშაოებზე, საშუალოდ, შეგვიძლია ვივარაუდოდ შემდეგი ფასები:  

კედელი

·      კედლის ამოყვანა ბლოკით - 0.5-0.7 ლარი, გახარჯულ ბლოკზე

·      კედლის ამოყვანა აგურით - 0.2-0.4 ლარი, გახარჯულ აგურზე

·      თაბაშირმუყაოს მონტაჟი -  5-9 ლარი, 1 კვ/მ

·      კედლის გალესვა - 7-10 ლარი, 1 კვ/მ

·      შპალერის გაკვრა - 5-10 ლარი, 1 კვ/მ

·      კედლის დემონტაჟი  - 10-20 ლარი, 1 კვ/მ

იატაკი

·      იატაკის მოჭიმვა - 9-12 ლარი, 1 კვ/მ

·      ლამინატის მონტაჟი - 8-10 ლარი, 1 კვ/მ

·      პარკეტის მონტაჟი - 13-18 ლარი, 1 კვ/მ

·      პლინტუსის მონტაჟი - 2-4 ლარი, 1 მ

·      იატაკის მოხვეწა -  9-15 ლარი, 1 კვ/მ

ჭერი

·      ჭერის ფირთხით დამუშავება -  4-8 ლარი, 1 კვ/მ

·      ჭერის შეთეთრება - 5-10 ლარი, 1 კვ/მ

·      ჭერის შეღებვა - 7-15 ლარი, 1 კვ/მ

·      ჭერზე თაბაშირმუყაოს მონტაჟი - 6-10 ლარი, 1 კვ/მ

·      ჭაღის მონტაჟი - 20-40  ლარი, 1 ცალი

საერთო

·      კარის მონტაჟი - 40-60 ლარი, ერთ ფრთიანი, 1 ცალი

·      კერამიკული ფილების მონტაჟი - 20-45 ლარი, 1 კვ/მ

·      სანტექნიკა - 30-40 ლარი, 1 წერტილი

·      ელექტროგაყვანილობა - 15-25 ლარი, 1 წერტილი

·      რემონტის შემდეგ დასუფთავება - 120-150 ლარი.

უფრო რომ განვაზოგადოთ, არსებული პრაქტიკების გაანალიზებისა და ძირითადი მოთხოვნებიდან გამომდინარე, საერთო სარემონტო სამუშაოებისთვის, შესაძლებელია ვივარაუდოთ შემდეგი ფასი, გასარემონტებელი ფართის მდგომარეობიდან გამომდინარე:

·      მწვანე კარკასი - 1 კვ/მ - 320 ლარიდან

·      თეთრი კარკასი - 1 კვ/მ - 370 ლარიდან

·      შავი კარკასი - 1 კვ/მ - 520 ლარიდან

სარემონტო ხარჯების დათვლის შემდეგ, სასარგებლო იქნება, ასევე გეცნოთ იმ მნიშვნელოვან რჩევებს, რომელთა ცოდნაც, უფრო მეტად დაკვირვებულს გაგხდით რემონტის დაწყების წინ.

საუკეთესო შეთავაზებები დეველოპერული კომპანიებისგან, კი შეგიძლიათ ნახოთ ახალი და მშენედარე ბინების პლატფორმაზე - House.ge