როგორ ავირიდოთ თავიდან ნესტი, თუ მეტალოპლასტმასის კარ-ფანჯარები გვაქვს

მეტალოპლასტიკური ფანჯარა ძველ ფანჯარაზე გაცილებით ეკონომიურია: არ ატარებს ოთახში ქარს, ენერგოდამცველია, მაგრამ ჰაერის მიმოქცევას უშლის ხელს. ამიტომ ძალიან ბევრი მომხმარებელი აღნიშნავს, რომ ფანჯრების გამოცვლის შემდეგ სახლში ნესტი გაჩნდა, კედლები სველდება და ობის კვალიც ჩანს. არსებობს რამდენიმე წესი, რათა ოთახი, სადაც პლასტიკური ფანჯრებია, არ დაინესტოს. ამისთვის, პირველ რიგში, ჰაერის მიმოქცევაა საჭირო, ოღონდ ისე, რომ სახლიდან სითბო არ დაიკარგოს. ნესტის გაჩენის შემთხვევაში, მთავარი რჩევა, რასაც ხელოსნები გვაძლევენ, ბინაში გათბობის დამატებითი წყაროს გაჩენაა. დაგროვილი ორთქლის გამოშრობას სითბო მნიშვნელოვნად უწყობს ხელს.

ზოგიერთ ფანჯარას აქვს პროგრამა მიკროგანიავება, რომლის დროსაც ფანჯარა 45 გრადუსზე იხსნება. თუმცა, არსებობს ფანჯრები, რომლებსაც ასეთი ფუნქცია არა აქვთ, ან იქნებ ზამთარში არ გსურთ ფანჯრის 45 გრადუსზე გადმოხსნა და მხოლოდ 1-2 სმ-ზე გინდათ გაღება, რომ სუფთა ჰაერი შემოვიდეს, ოთახი კი არ გაიყინოს? ამისთვის არსებობს სისტემა "სავარცხელი". მისი დამზადება თავად შეგიძლიათ. სავარცხელზე კბილანები იმგვარად შეგიძლიათ დააყენოთ, რომ ფანჯარა 1-დან 7 სმ-მდე გაიღება. მის დასაყენებლად ფანჯრის სახელური უნდა მოხსნათ (მოაბრუნეთ 90 გრადუსზე). ფანჯარაზე მიამაგრეთ ჯერ ფირფიტა, შემდეგ სახელური.

მილაკი იმგვარად უნდა დაამაგროთ, რომ "სავარცხლის" კბილანები დაარეგულიროს. ჩარჩოზე, მილაკის გასწვრივ, დაამაგრეთ თავად "სავარცხელი". დარწმუნდით, რომ იგი ფანჯრის გაღება-დაკეტვას ხელს არ უშლის. დაბოლოს, დაამაგრეთ მილაკით "სავარცხლის" სხვადასხვა კბილანა. თუ ყველაფერი კარგად მუშაობს, ჰაერის განიავება ოთახში აღარ გაგიჭირდებათ.

ზამთრის მოსახლეობასთან ერთად ძალიან აქტუალურია კარ-ფანჯრის საკითხი. ვისაც სახლში ხის ფანჯრები აქვს, საგულდაგულოდ ცდილობს მის ხან წებოვანი ქაღალდით, ხანაც ე.წ. სკოტჩით დაწებებას, რომ მაქსიმალურად შეინარჩუნოს ოთახში სითბო. თუმცა ეს პრობლემა არ არსებობს იმ შემთხვევაში, თუ თქვენ მეტალოპლასტმასის კარ-ფანჯარა გაქვთ. ხშირად, მისი დამონტაჟების დროს, ხელოსნებს ავიწყდებათ მომხმარებლის გაფრთხილება. კერძოდ კი, მეტალოპლასტმასის ბედნიერ მფლობელებმა აუცილებლად უნდა იცოდნენ ორი მნიშვნელოვანი ფაქტორის შესახებ: 1. კარ-ფანჯრის ყველა მოძრავი დეტალი აუცილებლად საჭიროებს რეგულარულ დაზეთვას. სასურველია, ეს პროცედურა წელიწადში ერთხელ მაინც ჩაატაროთ და გამოიყენოთ ჩვეულებრივი მანქანის ზეთი. 2. აუცილებლად უნდა გადაიყვანოთ ფანჯრები სეზონურ რეჟიმზე.

ზაფხულში უნდა დარეგულირდეს საზაფხულო რეჟიმი, ზამთარში კი - ზამთრის რეჟიმი. როგორ დავარეგულიროთ მეტალოპლასტმასის ფანჯრები რეჟიმის მიხედვით რეგულირების საშუალებას თანამედროვე ტექნოლოგიის თითქმის ყველა ნიმუში იძლევა. იმისათვის, რომ შევამოწმოთ, აქვს თუ არა ჩვენს ფანჯრებს ან კარებს რეგულირების საშუალება საკმარისია, კარგად დავათვალიეროთ საკეტის მიმდებარე ტერიტორია და დავრწმუნდეთ, რომ ამ ადგილებში არის განთავსებული ე.წ. ექსცენტრიკები. თუ თვალს მოკრავთ სახრახნისის ხვერლს, ფიგურულს ან ექვსკუთხას, ან თუ ექსცენტრიკი ოვალური ფორმის არის, ასეთი ფურნიტურა აუცლებლად ექვემდებარება რეჟიმის მიხედვით ცვალებადობას. იმისთვის, რომ შევცვალოთ რეჟიმი, საკმარისია ყველა ექსცენტრიკი შეატრიალოთ სპეციალური ინსტრუმენტის საშუალებით. რაც დიდია ფანჯარა, მით მეტი ექსცენტრიკი აქვს მას.

თუ ექსცენტრიკი მუდმივად ზამთრის რეჟიმზეა დაყენებული, რეზინებზე ზეწოლა ძლიერია და ის მალე ბლაგვდება. იმისთვის, რომ მარტივად შეამოწმიოთ, რამდენად მჭიდროდ იხურება თქვენი ფანჯარა, საკმარისია საკეტში ჩააყოლოთ ქაღალდი, ჩაკეტვის შემდეგ თუ ქაღალდი ადვილად გამოცურდა, თქვენი ფანჯარა ზაფხულის რეჟიმზეა, ხოლო თუ ვერ გამოიღეთ, მაშინ ის ზამთრის რეჟიმზე ყოფილა დარეგულირებული.