როგორ ვმართოთ გასაუბრება
1114
2020-03-23 17:45:15


გასაუბრების ყველაზე მნიშვნელოვანი ნაწილი დასაწყისია. ამ დროს თქვენ გაქვთ შესაძლებლობა, მოახდინოთ კარგი ან ცუდი შთაბეჭდილება, თქვენს ინტერვიუერთან. ამბობენ, რომ პირველ 30 წამში უკვე იციან რომ კარგი კადრი ყავთ ნაპოვნი.

მიუხედავად იმისა რომ, თქვენ არ ხართ დროში შეზღუდული მნიშვნელოვანია, რომ საუკეთესო შთაბეჭდილება მოახდინოთ თქვენს ინტერვიუერთან შეხვედრის პირველი რამდენიმე წუთის განმავლობაში. 


რჩევები, თუ როგორ მოვახდინოთ შთაბეჭდილება ინტერვიუერზე


ქვემოთ მოცემულია რამდენიმე სწრაფი და მარტივი რჩევა, თუ როგორ შეგიძლიათ შთაბეჭდილება მოახდინოთ ყველა იმ ადამიანზე, რომელსაც ხვდებით, როდესაც გასაუბრებაზე მიდიხართ.


1. პირველი შთაბეჭდილება - შესაძლოა პრაქტიკა არ იყოს სრულყოფილი, მაგრამ კარგი შთაბეჭდილების მოხდენაში დაგეხმარებათ კითხვების გადახედვა, რომელსაც დამსაქმებლები ყველაზე ხშირად სვამენ და იფიქრეთ იმაზე, თუ როგორ უპასუხებთ მათ.


2. ჩაიცვით გასაუბრებაზე შესაბამისად - ძალიან უხერხული იქნება თუ გასაუბრებაზე მიხვალთ ზედმეტად გაპრანჭული ან პირიქით. ყოველთვის ეცადეთ ჩაიცვა გასაუბრების შესაბამისად, რათა მოახდინო პირველი შთაბეჭდილება.


3. ნუ შეხვალ გასაუბრებაზე ცოდნის გარეშე - დაუთმეთ დრო ორგანიზაციის კვლევას, რის შედეგადაც  თქვენ მზად იქნებით უპასუხოთ კითხვებს, თუ რა იცით კომპანიის შესახებ.


4. კომპანიის შესახებ შიდა ინფორმაციის მოძიება -  ორგანიზაციის გამოკვლევის პარალელურად, შეგიძლია ცადო შიდა ინფორმაციის მოძიება კომპანიის და დასაქმებულების შესახებ. შეამოწმე ლინკდინი, ფეისბუქი და შენი სანაცნობო წრის სოციალური ქსელები, რომ მოიძიო ხომ არ იცნობ ვინმეს ამ ორგანიზაციაში ვისაც შეუძლია გაგიზიაროს შიდა ინფორმაცია. 


5. მოიპოვეთ ინფორმაცია განთავსებულ ვაკანსიაზე - რაც შეიძლება მეტ ინფორმაციას უნდა ფლობდეთ ვაკანსიის შესახებ. გადახედეთ განთავსებულ ვაკანსიას რომ იცოდეთ რა ჭირდება დამსაქმებელს. ასევე, გადახედეთ თქვენს სამოტივაციო წერილს და განაახლეთ რეზიუმე. ამით თქვენ ზუსტად გეცოდინებათ რისი შეთავაზება შეგიძლიათ დამსაქმებლისთვის.


6. ღიმილი - არ დაგავიწყდეთ იფიქროთ დადებითზე. აუცილებლათ გაიღიმეთ ინტერვიუერთან შეხვედრისას, მაგრამ არა ზედმეტად. იფიქრეთ იმაზე თუ, როდის არის ეს შესაფერისი გასაუბრების დროს. ადამიანებს რომლებსაც აქვთ კარგი საკომუნიკაციო უნარები (ინტერპერსონალური უნარები), უფრო მეტად დასაქმებულები არიან. 


7. აჩვენეთ თქვენი ენთუზიაზმი - დაელოდეთ შესაფერის დროს და აჩვენეთ თქვენი ენთუზიაზმი და მონდომება იმის მიმართ, თუ რას აკეთებთ ამ ეტაპზე და რისი გაკეთება გსურთ თქვენი აყვანის შემთხვევაში. კარგია, ინტერვიუერს დაანახოთ, რომ გიყვართ თქვენი საქმე და აღფრთოვანებული ხართ ამ შესაძლებლობით.


8. აჩვენეთ რამდენად შესაფერისი ხართ სამუშაოსთვის -  იყავი სპეციფიკური და არ გამოგრჩეს ხაზი გაუსვა როგორია შენი კვალიფიკაციის დონე. 


9. არა პანიკას -  მაშინაც კი, თუ თქვენ სწორად შეასრულეთ    მოსამზადებელი სამუშაოები, მზად უნდა იყოთ ისეთი კითხვისთვის, რომელსაც არ ელოდით. არ აყვეთ პანიკას და არ დაკარგოთ თავდაჯერებულობა. აჩვენეთ, რისი გაკეთება შეგიძლიათ, გამოუვალი მდგომარეობის დროს. 


10.   ინტერვიუს შემდგომი ეტაპი - ბოლო ნაბიჯი, რომ გამოხატოთ შთაბეჭდილება და აჩვენოთ, რომ ეს შესაძლებლობა თქვენთვის მნიშვნელოვანია, მიიწერეთ მეილი, მესიჯი ან განახორციელეთ სატელეფონო ზარი. გარდა მადლობის გადახდისა, ხაზი გაუსვით და ჩამოაყალიბეთ თქვენი კანდიდატურის მნიშვნელოვნობა არსებული ვაკანსიისთვის.



სტატიის ავტორია ss.ge