რატომ არ უნდა აირჩიოთ სტუდიოს ტიპის სახლი
9526
15.05.2019 10:43:18

სახლი სტუდიო არის საცხოვრებელი ფართი, რომელშიც სამზარეულო და სასადილო არ არის გადატიხრული და გამოყოფილი კედლით ან კარებით. ბოლო დროს ასეთი ტიპის სახლები დიდი პოპულარობით სარგებლობს. ეს გასაგებიცაა, იზოგება ადგილი, ჯდება უფრო იაფი და არის საშუალება ოჯახის წევრები ერთმანეთთან ახლო იყვნენ, თუმცა ასეთი ტიპის საცხოვრებელი სახლი ყველას როდი გამოადგება. 

ასეთი ტიპის სახლები მოდაში იაპონიიდან შემოვიდა, სადაც სტუდიოს ტიპი ადგილის არქონის გამო გახდა აქტუალური. მოგვიანებით ის გავრცელდა ამერიკასა და ევროპაში, თუმცა ამ სტილს აქვს თავისი უარყოფითი მხარეები. 

1. არ არსებობს განმარტოების საშუალება
ასეთ სახლში ცხოვრება ცუდი არ არის, თუმცა თუ ვინმესთან ერთად ცხოვრობ, თუნდაც ძალიან ახლობელ ადამიანთან გამნმარტოების საშუალება თითქმის არ არსებობს. 

2. სუნი
თქვენი ყველა ნივთი ინახება იმ ოთახში სადაც ამზადებთ საჭმელს. ამ შემთხვევაში ყველაზე ძვირიანი გამწოვიც კი ვერ გიშველით, უსიამოვნო სუნს თქვენს ნივთებზე ვერ აცდებით.


3. არეულობა
კედლის არქონა გამორიცხავს თაროების, ასევე სხვა სათავსოების ქონას, რაც მუდმივი არეულობის საწინდარია. 


4. გადაკეთების სირთულე
ყველა სახლის გადაკეთება სტუდიოს ტიპად როდია შესაძლებელი, განსაკუთრებით ეს ეხება ძველ სახლებს, ან, თუ გადაწყვეტთ, ეს იმდენად ძვირი დაგიჯდებათ, რომ ჯობს თქვენი ერთოთახიანი ბინა გაყიდოთ, დაამატოთ თანხა და იყიდოთ ოროთახიანი ბინა.



სტატიის ავტორია Shin.ge