მიზანშეწონილია თუ არა ბინის ყიდვა გასაქირავებლად ახლა

უკანასკნელი 1 წლის განმავლობაში უძრავი ქონების ქართულმა ბაზარმა, განსაკუთრებით თბილისში და ბათუმში, ძირეული ცვლილებები განიცადა. აღნიშნული, ძირითადად ბინის ქირის ფასის მოულოდნელი რადიკალური ცვლილებით გამოიხატა. თბილისსა და ბათუმში ბინის ქირის ფასი, ზოგ რაიონში გაორმაგდა, ხოლო ზოგიერთ უბანში უფრო მეტადაც გაძვირდა. აღნიშნული, რამდენიმე ფაქტორის ერთობლივად ამოქმედებით იყო განპირობებული, რამაც ბინის ქირაობის მსურველებს შორის დიდი კონკურენცია შექმნა და საბინაო ბაზრის კრიზისი გამოიწვია. ერთ-ერთი მნიშვნელოვანი მიზეზი რუსეთის ფედერაციის მოქალაქეების ორ ეტაპად მასობრივი შემოდინება იყო და მართალია ბუმმა უკვე გადაიარა, მაგრამ გაძვირებული ფასები შენარჩუნდა. ექსპერტები ვარაუდობენ, რომ გარკვეული ხნის განმავლობაში ფასი სტაბილურ ნიშნულს შეინარჩუნებს, თუმცა მომავალში არ უნდა ველოდოთ ფასის შესამჩნევ კლებას. ახლა უძრავი ქონების ბიზნესში ინვესტირების საუკეთესო დროა. 

ახალ კორპუსებში ბინის ყიდვა გასაქირავებლად მიმზიდველ ინვესტიციად მიიჩნევა რამდენიმე მიზეზის გამო:

მშენებლობის სტადიაზე შეძენის შემთხვევაში შეგიძლიათ მიიღოთ შემოსავალი მშენებლობის დასრულებისთანავე ბინის გაძვირებისგან. მშენებარე კორპუსში ბინის ფასი ყოველთვის უფრო დაბალია, ვიდრე დასრულებულ შენობაში:

• საცხოვრებლის ღირებულების ზრდა გრძელვადიან პერსპექტივაში;
  
  
  
• ბინის გაქირავებიდან შემოსული თანხა;
  
  
  
• უძრავ ქონებაში ჩადებული სახსრები უსაფრთხოდ გენახებათ.

როგორ შევარჩიოთ ბინა გასაქირავებლად

მიუხედავად იმისა, რომ ახლა გაზრდილი მოთხოვნის გამო ფაქტობრივად ნებისმიერი სახის უძრავი ქონების გაქირავებაა შესაძლებელი სარფიანად, უმჯობესია ინვესტიცია მაინც ყურადღებით განვახორციელოთ. მაინც რა იზიდავს მდგმურს ბინაში და რა მინიმალურ მოთხოვნებს უნდა აკმაყოფილებდეს ბინა?

• ბინის მოსახერხებელი მდებარეობა, სასურველია იყოს მეტროდან ფეხით სავალ მანძილზე;
  
  
• კეთილმოწყობილი ტერიტორია;
  
  
• იდეალურად მოწესრიგებული კომუნიკაციები;
  
  
• ოთახების კარგი განლაგება;
  
  
• ბინაში ცხოვრებისთვის ყველა აუცილებელი ნივთი;
  
  
• მიმზიდველი ფასი.
  
  
  

აღნიშნულ მოთხოვნებს უფრო მეტად მიესადაგება ეკონომ და კომფორტ კლასის საცხოვრებელი სახლები მეტროსადგურებთან ახლოს. ასეთ შემთხვევაში 1 ან 2 ოთახი იდეალურია. გაითვალისწინეთ, რომ განსაკუთრებულად დიდი ფართის ბინები არ არის მომგებიანი გასაქირავებლად.

უსაფრთხოების ზომები

არსებობს უსაფრთხოების გარკვეული ზომები, რომლებსაც შეგიძლიათ მიმართოთ ბინის გაქირავებისას:

• ოფიციალურად დაარეგისტრირეთ გაქირავება, ასეთ შემთხვევაში სახელმწიფო ვალდებული იქნება დაიცვას თქვენი ინტერესები, იმ შემთხვევაში თუ არაკეთილსინდისიერი მდგმური შეგხვდებათ.
  
  
  
• გააფრთხილეთ მეზობლები და ასეთის არსებობის შემთხვევაში კონსიერჟი მდგმურების შესახებ და სთხოვეთ მათ ყურადღება მიაქციონ ბინას. ეს დაგეხმარებათ თავიდან აიცილოთ ქვეიჯარა, მაგალითად დღიურად გაქირავების სახით. ასეთ შემთხვევაშიც, სანერვიულო არაფერია, მაგრამ ზოგჯერ ეს შეიძლება გახდეს ზედმეტი გაუგებრობის მიზეზი.

თუ გსურთ ბინის მდგომარეობა გააკონტროლოთ, უნდა შეარჩიოთ როგორც თქვენთვის, ასევე მდგმურისთვის ხელსაყრელი ვარიანტი. ხშირი და მოულოდნელი ვიზიტები არასასურველია, ეს შესაძლოა კონფლიქტის მიზეზი გახდეს. გამოიჩინეთ ყურადღება და დაიზღვიეთ თავი უსიამოვნო მოულოდნელობებისგან.