მიზანშეწონილია თუ არა საზიაროდ ბინის ქირაობა

2023 წლის პირველი კვარტლის მონაცემებით, თბილისში ახალაშენებულ პრემიუმ სეგმენტის ბინებზე მოთხოვნა 77%-ით გაიზარდა, ხოლო მედიუმ სეგმენტში მაჩვენებლის 37%-იანი ზრდა დაფიქსირდა. რაც შეეხება ეკონომ სეგმენტს, ტრანზაქციების რაოდენობა 17%-ით, 3 800 ერთეულამდე შემცირდა.

გაძვირება განსაკუთრებით მწვავედ ბინის ქირის ფასს შეეხო, რამაც საქართველოს მოქალაქეები, რომლებიც საცხოვრებელ ფართს ხელმისაწვდომ ფასად ქირაობდნენ, კრიტიკულ მდგომარეობაში ჩააყენა. გამოსავლის ძიებაში, შეიძლება ალტერნატიული ვარიანტების განხილვა. მათ შორისაა, ბინის საზიაროდ ქირაობის პრაქტიკა, ანუ „რუმმეითთან“ ერთად ცხოვრება და ასევე, საქართველოში შედარებით ადრე დამკვიდრებული მეთოდი - ბინის ქირაობა მესაკუთრესთან ერთად. ღირს თუ არა ასეთი ფორმით ქირაობა და რომელია უკეთესი.

რა აუცილებელ კრიტერიუმებს უნდა აკმაყოფილებდეს ბინა

იმის მიუხედავად ბინას მეპატრონესთან ერთად ქირაობთ, რუმმეითთან თუ დამოუკიდებლად გარკვეული აუცილებელი ავეჯი დაგჭირდებათ. მცირე ფართობის ბინაში, დასაძინებლად საუკეთესო ვარიანტი იქნება გასაშლელი დივანი, რომელიც ღამით საწოლად გადაიქცევა, ხოლო დღისით სხვა ფუნქციით დაიტვირთება. სამზარეულოში აუცილებელია ერთი ან ორი კარადა მაინც, ჭურჭლის შესანახად. ასევე, პატარა მაგიდა და ორი სკამი. აუცილებლად დაგჭირდებათ სარეცხის მანქანა, ხოლო ზაფხული მაცივრის გარეშე წარმოუდგენელია. ზამთარში კი გათბობის რაიმე საშუალება, ეს შეიძლება იყოს ბუნებრივ აირზე მომუშავე ან ელექტროგამათბობელი.

ღირს თუ არა ბინის ქირაობა რუმმეითთან ერთად

თუ საზიაროდ ბინის ქირაობა ჯერ ბოლომდე გადაწყვეტილი არ გაქვს, არსებობს ერთობლივი ქირის ალტერნატივაც: ქალაქგარეთ გადასვლა, სადაც ფასები შედარებით დაბალია, თუმცა, ღირებულება იქაც ასევე სწრაფად იზრდება. გარდა ამისა, უფრო მეტიც, ყოველდღიური მგზავრობა რეგიონიდან და უკან დამატებით ხარჯს და პირადი დროის დაკარგვას და შესაბამისად კომფორტის კიდევ უფრო შეზღუდვას ნიშნავს.

რუმმეითთან ერთად ბინის ქირაობა დასავლეთში უკვე ტრადიციული მეთოდია, რომელსაც ყველაზე ხშირად ახალგზრდები მიმართავენ. თუმცა, საქართველოშიც არსებობდა ეს პრაქტიკა და ის განსაკუთრებით სტუდენტების მიერ, დღემდე აქტიურად გამოიყენება. 

თანამესახლესთან ერთად ბინის ქირაობის ძირითადი უპირატესობა ფინანსური მხარეა და ეს ეხება არამხოლოდ ქირის ფასს, არამედ კომუნალურ ხარჯებსაც. ასევე, შესაძლებელია საკვების ერთად მომზადება და სურვილის შემთხვევაში სხვა ნივთების გაზიარებაც. შეიძლება იგივე გავრცელდეს მეპატრონეზეც, თუ მასთან ერთად იქირავებ ბინას, თუმცა ამ მეთოდის პოპულარობა სულ უფრო იკლებს.

როდესაც ახალ ბინაში გადადიხართ არასდროს იცით ვინ იქნება თქვენი მეზობელი. რუმმეითთან ქირაობის შემთხვევაში კი პირველ რიგში შენს მეზობელს ირჩევთ, ხოლო შემდეგ ერთად არჩევთ სახლს. ამიტომ შეეცადეთ ეს ადამიანი, ან ადამიანები კიდევ უფრო დიდი ყურადღებით აირჩიოთ. ერთობლივი ქირა, პირიქით, შესაფერისი მეზობლის ძიებაა, ვისთანაც ყველაზე კომფორტული იქნება ბინის გაზიარება.

როგორ ვიპოვოთ კარგი მეზობლები

ჩამოვთვალოთ ის პირობები, რაც მნიშვნელოვანია თქვენთვის, რათა მეზობელთან ერთად ცხოვრება სასიამოვნო იყოს. მაშ, რას ვაქცევთ ყურადღებას:

• თამბაქოსადმი დამოკიდებულება;

• ალკოჰოლისადმი დამოკიდებულება;

• გართობისა და წვეულებებისადმი დამოკიდებულება;

• ნაგვის მიმართ დამოკიდებულება;

• შინაური ცხოველების არსებობა და მათდამი დამოკიდებულება, 

• ჰყავს თუ არა ბავშვები.

ეს სია შეიძლება უსასრულოდ გაგრძელდეს და მნიშვნელოვანია თქვენი და მისი პრიორიტეტები. და თუ მეზობლების პრეფერენციებში რაღაც არ ემთხვევა, ამან შეიძლება უსიამოვნებები და კონფლიქტი გამოიწვიოს. ასე რომ თავად უნდა განსაზღვრო რა არის შენთვის მნიშვნელოვანი.