როგორ დავიბრუნოთ დაკარგული მოტივაცია

ნუ აიღებთ იმაზე მეტ პასუხისმგებლობას საკუთარ თავზე, ვიდრე საჭიროა. დატვირთული სამუშაო გრაფიკი, ხშირად არაპროდუქტიულობას იწვევს.

გამოსავალი: ეცადეთ დღეში რამდენჯერმე შეისვენოთ. შესვენების დროს გირჩევთ, სამუშაო ფიქრებისგან განცალკევდეთ. წახვიდეთ სასეირნოდ, მოუსმინოთ მუსიკას, ისადილოთ თქვენი სამუშაო ადგილისგან მოშორებით.  საქმეზე კონცენტრირებისთვის, საუკეთესო გზა  მისი ხანმოკლე დავიწყებაა.

2.  მუშაობის დაწყების სირთულე

დიდი ამოცანის  ან პროექტის დაწყება ყველაზე რთული ნაწილია, თუმცა მას შემდეგ, რაც თქვენ მის შესრულებაში ჩაერთვებით, შესაძლოა,  ეს ყველაფერი  ნაკლებად რთული აღმოჩნდეს.

გამოსავალი: დაისახეთ მიზნები, ჩამოწერეთ სია, თუ რის შემდეგ რა უნდა შეასრულოთ. დაიწყეთ პატარა დავალებებით და ნელ-ნელა გაართულეთ.

მაგალითად, თუ გაქვთ დასაწერი ესსე და გიჭირს მისი დაწყება, უბრალოდ დაწერეთ პირველი წინადადება, ის შეიძლება არ იყოს იდეალური, თუმცა გაგრძელების სტიმულს მოგცემთ. ხოლო ესსეს დასრულების შემდეგ ყოველთვის გექნება საშუალება შეიტანო შესწორება.

3.       ემოციური დაღლილობა

თუ დადიხართ სამსახურში, თუმცა ვერ კონცენტრირდებით მასზე, შესაძლოა ითქვას, რომ ვერ გრძნობთ ემოციურ კავშირს სამსახურთან. 

გამოსავალი: ემოციური კავშირის დასაბრუნებლად  დაგეხმარებათ თანამშრომლებთან მეგობრული გარემო. პოზიტიური გარემოს შექმნა დიდი როლს თამაშობს მოტივაციაზე. გუნდები, რომლებიც ენდობიან და პატივს სცემენ ერთმანეთს, უფრო პროდუქტიულები არიან.

ხშირად შეახსენეთ საკუთარ თავს, თუ რატომ არის თქვენი სამსახური მნიშვნელოვანი და რა ღირებულება აქვს თქვენს ცხოვრებაში.

4.       პირადი დრო.

პროდუქტიული სამუშაო დღის შემდეგ, შესაძლოა, მაცდურად გამოიყურებოდეს თქვენი ტვინის მთლიანად გათიშვა და სრული დასვენება, თუმცა მსგავსმა ქმედებამ, შესაძლოა, მომდევნო სამუშაო დღისადმი მოტივაციის დაკარგვა გამოიწვიოს.

გამოსავალი: გამოიყენეთ თავისუფალი დრო პროდუქტიულად. დაგეგმეთ ისეთი აქტივობები, რომელიც მოლოდინს გაგიჩენთ, განიტვირთო ხანგრძლივი სამუშაო დღის შემდგომ. კვლევების მიხედვით, აქტივობას, რომელსაც მეტი ძალისხმევა სჭირდება, მეტ ენერგიულობას იწვევს.

5.   ახალი შესაძლებლობები.

თუ უკვე სცადეთ ყველა რჩევა, თუმცა არც ერთმა მათგანმა შედეგი არ გამოიღო. თუ თქვენი საქმე აღარ არის თქვენთვის საინტერესო და ეს საქმიანობა გართმევთ მთელ თქვენს ენერგიას, დროა დაიწყოთ ახალი სამსახურის ძებნა, სადაც თავს მოტივირებულად იგრძნობთ.

მნიშვნელოვანია, თქვენს პირად სივრცესა და სამსახურს შორის გქონდეთ საზღვარი. გააკეთეთ ის, რისი გაკეთებაც გსიამოვნებთ და დროდადრო შეისვენეთ. დაიმახსოვრეთ, თუ თქვენ მუდმივად ხართ ცუდ განწყობაზე და არ ხართ შთაგონებული თქვენი სამსახურით, დროა გადახედოთ თქვენს კარიერულ გზას.