როგორი უნდა იყოს კარგი ლიდერი

ორგანიზაციის ეფექტურობას კარგი ლიდერი განსაზღვრავს. იგი შედეგებზე ორიენტირებული პირია, რომელიც წინასწარ გაწერილ გეგმას კარგად ასრულებს, ეს წარმატების ერთი საზომია. მაგრამ თანამედროვე განმარტებით ლიდერი არის მსახური, რომელიც თანამშრომლებს სამსახურეობრივი მიზნების განხორციელებაში ეხმარება. 

ლიდერობა გულისხმობს ადამიანურ მენეჯმენტს. ისინი მართავენ დაქვემდებარებულ პირებს, კოლეგებს და იერარქიულად მათზე მაღლა მდგომ პირებსაც ურთიერთობების დარეგულირებითა და მოტივაციის მიცემით. არსებობს რამდენიმე პუნქტი, რომელსაც კარგი ლიდერი უნდა აკმაყოფილებდეს. 

ნდობით აღჭურვილი პირი

ეფექტურ გუნდში თითოეული წევრი ასრულებს კონკრეტულ მინიჭებულ ფუნქციას, მათ  უნარებსა და შესაძლებლობებზე მორგებულს. 

“ნიჭი იგებს თამაშებს, მაგრამ გუნდური მუშაობა და ინტელექტი იგებს ჩემპიონატებს" (მაიკლ ჯორდანი)

რამდენად ჭკვიანი და ნიჭიერიც არ უნდა იყოს პიროვნება, მთელი სამუშაოს საკუთარ თავზე აღება დიდ მარცხს გამოიწვევს-სამუშაოს დელეგირება ნებისმიერი დიდი ლიდერის ძირითადი უნარია. შეკრული გუნდის ჩამოყალიბება, რომელიც დაკისრებულ სამუშაოს ეფექტურად ასრულებს ერთნამანეთის ნდობაზეა დამოკიდებული.  თანამშრომლების წარმატების აღიშვნა, სხვა ადამიანების შრომის დაფასება და გონებამახვილობა კი ეხმარება ლიდერს ნდობის მოპოვებაში.

მოტივაციის მიმცემი

ლიდერობა გულისხმობს კარგი კომუნიკაციის უნარს, რომელიც შთამაგონებელია პროდუქტიული ქმედებისაკენ. 

"კარგი ლიდერი სულაც არ არის ის, ვინც აკეთებს ყველაზე დიდ საქმეებს. არამედ ის, ვინც შთააგონებს ხალხს გააკეთონ უდიდესი საქმეები" (რონალდ რეიგანი)

როდესაც თანამშრომლები თავს კარგად გრძნობენ, როგორც გონებრივად, ისე ემოციურად, უფრო აქტიურად და ეფექტურად მუშაობენ. ლიდერები უნდა ეხმარებოდნენ დაქვემდებარებულ პირებს გააცნობიერონ თავიანთი როლი ორგანიზაციის ფუნქციონირებაში. ძლიერი შედეგები მომდინარეობს  გუნდის წევრებისაგან, რომლებიც წინასწარ გაწერილ გეგმას ენთუზიაზმით მიჰყვებიან.

ღია ახალი იდებისთვის

კარგმა ლიდერმა იცის, რომ თანამშრომლების მოსაზრებების მოსმენა შესანიშნავი გზაა გულწრფელი შეხედულებებისა და ღირებული პერსპექტივების მოსაპოვებლად. ამიტომ მან უნდა შექმნას გარემო, სადაც მის დაქვემდებარებაში მყოფი პირები იაზოვნებენ კრეატიულად და ახალ იდეებს უშიშრად გააჟღერებენ. კრეატიულობის ხელშეწობა არის კომპანიის წარმატებული ფუნქციონირების საწინდარი. 

მეხუთე დონის ლიდერი

მე-5 დონის ლიდერის კონცეფცია ბიზნეს-კონსულტანტ კიმ კოლინზის მიერ შეიქმნა. მან გამოიკვლია 11 წარმატებული კომპანია, რათა ეპოვა მათი წარმატების ფორმულა.  აღმოჩნდა, რომ მე-5 დონის ლიდერებს აქვთ თავმდაბლობა და არ ეძენენ წარმატებას საკუთარი დიდებისათვის. მათი სურვილი მხოლოდ გუნდისა და ორგანიზაციის ეფექტური ფუნქციონირებაა. იზიარებენ ყოველი წინსვის ბედნიერებას, თუმცა შეცდომებზე საკუთარ თავს ადანაშაულებენ. არიან უშიშრები სხვებისათვის სარისკო გადაწყეტილებების მიმართ. მანამ, სანამ ხელმძღვანელი გახდება მე-5 დონის ლიდერი უნდა ჰქონდეს უნარები და შესაძლებლობები, რომლებიც იერარქიის თითოეულ დონეზე გვხვდება:

1. მაღალკვალიფიციური ინდივიდი.

ლიდერი, რომელსაც  წვლილი შეაქვს კომაპნიის განვითარებაში ნიჭის, უნარებისა და კარგი სამუშაო დისდისციპლინის გზით, წარმოადგენს მაღალკვალიფიციურ ინდივიდს.

2. გუნდის წევრი.

ლიდერი ჯგუფის აქტიური წევრია. მას მნიშვნელოვანი წვლილი შეაქვს ჯგუფის საერთო მიზნებში და ეფექტურად მუშაობს სხვა წევრებთან ერთად.

3. კომპეტენტური მმართველი.

მესამე დონეზე ლიდერებს შეუძლიათ ჯგუფის ეფექტურად ორგანიზება კონკრეტული მიზნების და ამოცანების მისაღწევად.

4. ეფექტური ლიდერი.

ქმნის მკაფიო მიზნებს, სტრატეგიულ ხედვებს და ახერხებს მუდმივად შთააგონოს გუნდი ეფექტური შედეგების მისაღებად.

5. კარგი ლიდერი.

მე-5 დონეზე ლიდერი ფლობს ოთხივე დონის საუკეთესო თვისებებს. დამატებით მას აქვს თავმდაბლობა და ძლიერი ნებისყოფის უნარი.