ss.ge -ს ახალი სერვისი დაემატა

განცხადებების განთავსების ონლაინ პლატფორმა ss.ge  მომხმარებლებს  ფინანსების შესახებ  სხვადასხვა ინფორმაციის მიღებას უმარტივებს.      ss.ge -ზე მომხმარებელს კონკრეტულად ფინანსების გვერდზე გადასვლით შესაძლებლობა აქვს მიიღოს სხვადასხვა მნიშვნელოვანი და საჭირო ინფორმაცია. მათ შორის, ლარის გაცვლითი კურსის დინამიკა, რომელიც საშუალებას გვაძლევს კურსის ცვალებადობას დროის სხვადასხვა პერიოდში დავაკვირდეთ. კიდევ ერთი მნიშნველოვანი პროდუქტი, ეს გაცვლითი კურსის შედარებებია. მომხმარებელს შესაძლებლობა აქვს ss.ge -ს გვერდზე ერთმანეთს შეადაროს სხვადასხვა კომერციული ბანკის მიერ შემოთავაზებული გაცვლითი კურსები. ეს რასაკვირველია უცხოური ვალუტის ყიდვისას ან თუნდაც გადახურდავებისას შესაძლებლობას მოგვცემს ერთმანეთს შევადაროთ და ავირჩიოთ იმ კომერციული ბანკის კურსი, რომელიც ჩვენთვის უფრო მეტად ხელსაყრელი და მომგებიანია.

კიდევ ერთ მნიშვნელოვანი პროდუქტი, რაც ss.ge -ს დაემატა ფინანსური რუკაა. მოცემული რუკის საშუალებით მომხმარებელს შესაძლებლობა ექნება ნახოს საქართველოს სხვადასხვა რეგიონში არსებული ამა თუ იმ ბანკის ფილიალები. ასევე ნახოს თუ რომელ რეგიონში სად მდებარეობს ბანკომატები და ასევე სად უწევს ბანკი მომხმარებელის 24/7-ზე მომსახურებას.

რატომ არის ეს ფინანსური რუკა მნიშვნელოვანი?

მაგალითად, იმ შემთხვევაში თუ თქვენ აღმოჩნდით რომელიმე რეგიონში, სადაც გჭირდებათ საბანკო მომსახურება და კონკრეტულად არ იცით ამა თუ იმ ბანკის მდებარეობა, მოცემული რუკის საშუალებით შეგიძლიათ ნახოთ, მაგალითად, გურიაში რომელი ბანკების ფილიალებია წარმოდგენილი და სად მდებარეობენ კონრკეტულად ისინი. ცხადია იგივე მექანიზმი მუშაობს ბანკომატების შემთხვევაშიც.  ამასთან, საღამოს, როდესაც ფილიალების ნაწილი დახურულია რუკის საშუალებით შეგიძლიათ ნახოთ კონკრეტულად ის ადგილები და ბანკები, რომლებიც 24 საათის განმავლობაში მუშაობენ.

საბოლოო ჯამში, მომხმარებლისთვის ახალი პლატფორმა გადაწყვეტილების ყოველდღიურ რუტინას უფრო მეტად აადვილებს. ss.ge -ს ფინანსების განახლებულ პორტალზე მომხმარებელს შესაძლებლობა აქვს ფაქტობრივად ერთ სივრციში მისთვის ყველა საჭირო ინფორმაცია მიიღოს და შემდგომში შედარებითი ანალიზიც გააკეთოს. აღნიშნული სერვისი პრაქტიკულია და ბევრი ადამიანისთვის გამოსადეგი.