პრაქტიკული რჩევები გაყიდვების სფეროში

გაყიდვების მენეჯერი ესაჭიროება ნებისმიერ კომპანიას, რადგან  ორგანიზაციისთვის მოგება სწორედ ამ პოზიციის ადამიანებს მოაქვთ. მაგალითად, 2019 წლის საქართველოს შრომის ბაზრის ანალიზის შედეგად დადგინდა, რომ ვაკანსიების 70.5% მომსახურებისა და გაყიდვების მიმართულებითაა. მოთხოვნიდან გამომდინარე ხშირ შემთხვევაში მაღალია ანაზღაურებაც. ძირითადად, პროფესიის სპეციალისტები, პროცენტს  გაყიდული პროდუქტისა თუ მომსახურების ღირებულებიდან იღებენ. საქსტატის  2021 წლის მონაცემებით ნომინალური ხელფასი საბითუმო და საცალო ვაჭრობის სფეროში 1465 ლარია.   

გაყიდვების სფერო ფართოა და არ არსებობს ერთი უნიკალური სტრატეგია გაყიდვების ზრდისთვის. პროცესი ძირითადად ემყარება კომუნიკაციას და ყველა მომხმარებელთან განსხვავებულია. თუმცა არსებობს რამოდენიმე რჩევა და უნარი, რომელთა გამოყენებაც გაყიდვების სფეროში მნიშვნელოვანია:

1. ნდობის მოპოვება.

მომხმარებელმა უნდა იგრძნოს პრიორიტეტულობა. კომუნიკაციის საშუალებით უნდა გახდეთ მისი ახლობელი, რომელიც ზრუნავს  მისთვის სასარგებლო პროდუქტის შეძენაზე. 

• ნდობის მოსაპოვებლად საჭიროა სწორი კომუნიკაცია, რათა დაარწმუნოთ მომხმარებელი, რომ სწორედ თქვენ ხართ ის ადამიანი,  ვინც დაეხმარება პრობლემის გადაჭრაში. უნდა გააცნოთ საკუთარი თავი და თქვენი განზრახვა, თუ რაში ცდილობთ მის დარწმუნებას. 

2. საჭიროებებისა და მიზნების გამოკვლევა

იმისათვის, რომ დაანახო თქვენი პროდუქტის სარგებელი უნდა გაიგოთ მას რა სჭირდება. თუ არ იცით მისი ინტერესები, ვერ შეძლებთ  შეთავაზება გახადოთ  საინტერესო. 

სწორი კითხვის დახმა შეგანარჩუნებინებთ მომხმარებელს. 

ზოგჯერ მომხმარებელმა არ იცის რა სჭირდება. გაყიდვების სპეციალისტის ერთ-ერთი მისიაა დაეხმაროს  მყიდველს იმის გარკვევაში თუ რა სურს. გაყიდვების სპეციალისტმა უნდა დაანახოს მომხმარებელს, როგორ ეხმარება გასაყიდი პროდუქტი ან მომსახურება პრობლემის გადაჭრაში. 

• საჭიროებებისა და მიზნების გამოსაკვლევად საჭიროა მოსმენის უნარი. გაყიდვების მენეჯერმა საკუთარი განსჯა, რწმენა და ვარაუდები გვერძე უნდა გადადონ და მოისმინოს მომხმარებლის სურვილები და საჭიროებები, რათა მას გაუგოს. იმის შეჯამება თუ რა სურს მომხმარებელს ბადებს შეგრძნებას, რომ თქვენ დაიცავთ მათ მოთხოვნებს. 

3. ეფექტური პრეზენტაცია

გაყიდვების ამ ეტაპზე უნდა მოხდეს პროდუქტის მახასიათებლებისა და სარგებლის წარმოჩენა. ყურადღება გამახვილებული უნდა იყოს კლიენტისთვის ყველაზე მნიშვნელოვან სარგებელზე. ეფექტურ პრეზენტაციაში ასევე მოიაზრება პირობებსა და გეგმებზე მოლაპარაკება. მნიშვნელოვანია, დეტალური გეგმის გაწერა რათა შეთანხმება ორმხრივ მოგებაზე იყოს დამყარებული.

• ეფექტური პრეზენტაციის განსახორციელებლად მნიშვნელოვანია, საკუთარი თავისა და პროდუქტისადმი ურყევი რწმენა. განსაკუთრებით წინააღმდეგობებისა და უარყოფის პირობებში საკუთარი თავისა და პროდუქტის რწმენა უნდა გადასცეთ მომხმარებლებს. თუმცა ასევე არასოდეს აურიოთ თავდაჯერებულობა და ქედმაღლობა. 

გაყიდვების ბოლო ეტაპზე მნიშვნელოვანია, რომ პროცესის ერთი შეხედვით წარუმატებლად დასრულების შემდეგაც კი, თუ  ამ ჯერზე შეთანხმება ვერ განხორციელდა გამყიდველის მიზანი იყოს გრძელვადიანად ამ ურთიერთობის გაუმჯობესება. რაც საბოლოო ჯამში შესაძლოა უკეთესი შედეგის მომტანიც იყოს.