5 მიზეზი რატომ არის უკეთესი ახალაშენებული ბინის შეძენა

სახლის ყიდვა ერთ-ერთი ყველაზე მნიშვნელოვანი გადაწყვეტილებაა ადამიანის ცხოვრებაში. შესაბამისად, გარკვეული შიშის გრძნობა, მთელ ამ პროცესს, თან ახლავს. ხშირად ენაცვლება აზრები ერთმანეთს - რომელი ბინის შეძენა სჯობს? - ძველი აშენებული, რომელიც უკვე იცი, რომ წლებია დგას და მიწისძვრებზეც „გატესტილია“ თუ ახალაშენებული კურპუსის, რომელიც ლამაზი და მიმზიდველია, მაგრამ მის უსაფრთხოებაზე, ბოლომდე დარწმუნებული ვერ ხართ. აქ, მოკლედ გაგაცნობთ იმ 5 მიზეზს, თუ რატომ არის უკეთესი ახალაშენებულ ბინის შეძენა.

საერთო სტანდარტიზაცია

წინა წლებში, საცხოვრებელი კორპუსების მშენებლობებისთვის, კანონმდებლობით დამტკიცებული სტანდარტი არ არსებობდა. იგი მხოლოდ 2010 წლის შემდეგ იქნა შემუშავებული. სტანდარტის თანახმად, სამშენებლო კომპანიებს, რიგი ვალდებულებები დაეკისრათ, რაც დაცული უნდა იქნეს მშენებლობის ნებართვის მიღების დროს. კორპუსის მშენებლობის პროექტის შედგენისას, შესაბამისი პერსონალის მიერ ხორციელდება ადგილის საფუძვლიანი შესწავლა, ტარდება გეოლოგიური და გეოდეზიური კვლევები. ამასთან, ქალაქის საპროექტო სამსახურს დადგენილი აქვს სიმაღლის კოეფიციენტი, რომლის მიხედვითაც განისაზღვრება, მაქსიმუმ რამდენ სართულიანი შენობის აგებაა რეკომენდირებული, კონკრეტულ ადგილას. ასევე, ახალ კორპუსს აუცილებლად უნდა ჰქონდეს პარკინგი, რეკრეაციული ზონა და მის მიმდებარე ტერიტორიაზეც, ყოველთვის წესრიგი უნდა იყოს.

ექსპლუატაციის ვადები

ძველ კორპუსებს, უკვე ამოწურული ან თითქმის ამოწურული აქვთ ექსპლუატაციის ვადები. ზოგადად, შენობა-ნაგებობები ექსპლუატაციის ხანგრძლივობის მიხედვით 3 კატეგორიად იყოფა:

·      I კატეგორია - ეს არის დროებით შენობა-ნაგებობები და მათი მაქსიმალური, საგარანტიო ექსპლუატაციის ვადა 20 წელია;

·      II კატეგორია - არის 5 სართულამდე შენობები. მათი ექსპლუატაციის ვადა 20-40 წელია;

·   III კატეგორია - მოიცავს ცხრასართულიან და უფრო მაღალ კორპუსებს და მათი საგარანტიო ექსპლუატაციის ვადა 100 ან ზოგ შემთხვევაში უფრო მეტი წელია.

ახალი შენობების ექსპლუატაციის ვადა 100 წელია. იგი ძირითადად დამოკიდებულია მშენებლობის პროცესში გამოყენებულ სამშენებლო-სარემონტო მასალების ხარისხზე, რაც სხვა მნიშვნელოვან დეტალთან ერთად, იმ სტანდარტით არის განსაზღვრული, რომლის დაცვაც სავალდებულოა მშენებლობის ნებართვის მისაღებად.

რაც შეეხება ძველ სახლებს, სპეციალისტის განმარტებით, მათი ექსპლუატაციის ვადა სხვადასხვაა და ძირითადად 50-80 წლის ფარგლებში მერყეობს. მათ უმრავლესობას 50 წელი უკვე შესრულებული აქვს.

მზარდი მოთხოვნა - მზარდი ფასი

ახალაშენებული ბინებზე მოთხოვნა დღითიდღე იზრდება. პარალელურად - მცირდება  ძველ აშენებულ კორპუსებზე. შესაბამისად ფასი, რომელსაც დღეს ახალაშენებულ ბინაში გადაიხდი, მზარდია. ამიტომ, მისი შეძენის შემთხვევაში, თუკი შემდეგ გაყიდვას გადაწყვეტთ, საკმაოდ მომგებიან პოზიციაში აღმოჩნდებით.

მშენებლობის პროცესის კონტროლი

სამშენებლო კომპანიებს, გარდა კანონმდებლობით განსაზღვრული ვალდებულებებისა, რომელიც დაცული უნდა იქნეს სახელმწიფოს წინაშე, ასევე მოეთხოვებათ, რომ თქვენ გაგაცნონ კვლევის შედეგები და მოგაწოდონ ყველა საჭირო ინფორმაცია მშენებლობის პროცესთან დაკავშირებით. გარდა იმისა, რომ თქვენ საშუალება გაქვთ, თვალი ადევნოთ მშენებლობის პროცესს, ასევე შეგიძლიათ, მოითხოვოთ ყველა საჭირო ინფორმაცია სამშენებლო-სარემონტო მასალებთან დაკავშირებით, რაც დაგეხმარებათ, დარწმუნდეთ კომპანიისა და მშენებლობის სანდოობაში.

ბინის სასურველი პროექტირება

მშენებარე პროექტში შეგიძლიათ თავად განსაზღვროთ, როგორ უნდა იყოს განლაგებული თქვენი ოთახები და სახლის ტიხრები. აღნიშნული პროცესი, კი მიმდინარე მშენებლობის ეტაპზე უფრო ადვილად ლავირებადია, ვიდრე დასრულებული შენობის შემთხვევაში. ხშირ შემთხვევაში, კომპანიები თავად გთავაზობენ გეგმარების რამდენიმე ვარიანტს, ან თანხმდებით ერთობლივად და წარმოდგენილი პროექტი იცვლება თქვენი სურვილისამებრ. 

საუკეთესო შეთავაზებები დეველოპერული კომპანიებისგან, კი შეგიძლიათ ნახოთ ახალი და მშენედარე ბინების პლატფორმაზე - House.ge