როგორ გადავჭრათ მცირე სივრცის დილემა – 3 ტაქტიკა

839

07.07.2022 18:38:11

პირველი, რაც პატარა სივრცის წარმოდგენისას გვახსენდება, სიმყუდროვეა, მაგრამ ამის მიღმა უადგილოდ დარჩენილი ნივთები და ოთახებში ვერდატეული ოცნებები იმალება, თუმცა ყველაფერი თავისით დალაგდება, თუკი თითოეულ კვადრატულს მიზნობრივად გამოვიყენებთ. პატარა ბინის სწორად დაგეგმვა იმაზე მეტს ნიშნავს ვიდრე კედლების ღია ფერად შეღებვა ან ვერტიკალურხაზებიანი შპალერის გაკვრაა.

არსებობს 3 მთავარი მიდგომა, რომელიც სახლში სივრცის გასახსნელად უნდა გამოიყენოთ. მეთოდები ასეთია:

დაყავი სამზარეულო და იბატონე

მაქსიმალურად გამოიყენე ზედა ვერტიკალური სივრცე. განათავსე იქ მცირე ზომის ჭურჭელი, რომელიც ხშირად არ გჭირდება. შესაძლოა, არაკომფორტული მოგეჩვენოს ზედა სივრიცს ათვისება, მაგრამ ქვედა ნაწილში ერთიანად „შეყრილ“ პროდუქტსა თუ ნივთებს ნამდვილად სჯობს დაანაწილო ისინი. აგრეთვე, სამზარეულოს ტექნიკა, რომელსაც ხშრად არ იყენებ, გაიტანე საკუჭნაოში.

სამზარეულოს კუნძულის ან ბარის შიდა მხარე მაქსიმალურად აითვისე უჯრებითა და თაროებით. მის ზემოთ კი ჭიქებისთვის შესანიშნავი ადგილია

იფიქრე „პარაზიტივით“

ბოლოს საწოლის ქვეშ, ალბათ თინეიჯერობის შემდეგ აღარ შეგიხედავს, მაგრამ გემხასოვრება, რომ იქ ვამპირები არ არიან. მეტიც – საერთოდ არაფერი არაა და ის ცარიელი ადგილის ოქროს საბადოა.

ახლა აიხედე მაღლა. რას იტყვი კარის ზემოთ დარჩენილ უპატრონო ადგილზე? აქ ლეიბებისთვის პატარა სათავსოს მოწყობა შეგიძლია.

იფიქრე ვერტიკალურად. აითვისე კედლის ზედა ნაწილის ყველა ტერიტორია.

სივრცეზე იფიქრე მაშინაც, როცა ავეჯის არჩევის დრო მოვა და შეარჩიე ორმაგი ფუნქციის საგნები. მაგალითად, სკამი – შესანახი სივრცით. საწოლი სათავსოთი… თუნდაც ასეთ ავეჯში პატარა ნივთების შენახვა შეძლო, ეს მაინც აგაცილებს ზედმეტ ქაოსს.

აქციე დეკორაციად უფუნქციო, საყვარელი ნივთები

გადმოალაგე გარდერობი ან თაროები და დაუსვი შენს თავს შეკითხვა – როდის გეცვა ეს კაბა ბოლოს? რაში გჭირდება ეს ნივთი. შესაძლოა, პასუხი ერთი იყოს – არასდროს. არაფერში.

რთულია, გირჩიო გადაყარო ყველაფერი, რასაც არ იყენებ (თუმცა ესეც რჩევაა). თუ ამის ნებას სენტიმენტები არ გაძლევენ, აქციე ისინი დეკორატიულ ნივთებად და დაკიდე კედელზე, სარკეზე…

და მაინც… ზედმეტი ნივთების თავიდან მოშორება ადგილის გასათავისუფლებად და არა მხოლოდ… ცუდი ვერსია არაა.

თუ ჯერ არც მცირე სივრცე გაქვს და არც ეს თავსატეხი გაგისიგრძეგანებია, house.ge-ზე პატარა, მყუდრო სახლს მისაღბ ფასად იყიდი. რაც მთავარია, უკვე იცი, რომ პატარა ბინაში ტაქტიკური გადაწყვეტილებებით სივრცის პრობლემა არ გექნება.