ჩინურმა BYD-იმ გაყიდვებში Tesla-ს აჯობა

490

11.07.2022 20:26:56

მიმდინარე წლის პირველი ნახევრის გაყიდვების კუთხით ელექტრომობილების ბაზარზე ახალი ლიდერი გამოჩნდა. ეს არის ჩინური კომპანია BYD, რომელმაც ამერიკული Tesla-ს ჰეგემონია დაასრულა.

როგორც ირკვევა მიმდინარე წლის პირველ 6 თვეში ჩინელებმა 641 ათასი ავტომობილის რეალიზება მაოხერხეს, რაც წინა წლის ანალოგიურ მაჩვენებელზე 315%-ით მეტია. ეს იმ დროს როცა ამერიკულმა Tesla-მ ამავე საანგარიშო პერიოდში 564 ათასის რეალიზება შეძლო, რაც 77 ათასით ნაკლებია კონკურენტ ჩინელზე.

ჩინური BYD, რომელიც ამერიკელი უორენ ბაფეტის მიერ მხარდაჭერილი კომპანიაა, 2022 წელს აპირებს 1,1 – 1,2 მლნ ავტომობილის რეალიზებას, რომელთაგან 600 ათასი

იქნება სუფთა ელექტრო 600 ათასი კი ჰიბრიდი. როგორც ჩანს კომპანიამ ელექტრომობილების გაყიდვების წლიური გეგმის შესრულება 6 თვეში მოახერხა.

Tesla კი პირიქით გეგმას ჩამორჩება, მისი მიზანი იყო წელს 6 თვეში 50%-იანი ზრდა, თუმცა მხოლოდ 46% მოახერხა. ამას კი კონკრეტული მიზეზი აქვს, ეს არის კომპანიის შანხაის ქარხნის ერთთვიანი გაჩერება აპრილში, ქალაქში გამოცხადებული მკაცრი კარანტინის გამო. ამ თვეს კომპანიის გაყიდვები ჩინეთის ტერიტორიაზე 98%-ით შემცირდა. მის კონკურენტზე კი კორონავირუსის აფეთქებამ ასეთი გავლენა ვერ მაოხდინა, იმიტომ რომ მისი ოფისები და საწარმოები იმ არეალში არ მოხვდა სადაც მკაცრი ლოქდაუნი ამოქმედდა.

BYD

ასევე წარმატებას აღწევს აკუმულატორების სფეროშიც, სადაც წარმოების მოცულობით უკვე აჯობა სამხრეთ კორეულ დარგის ლიდერს LG-ის და გახდა მსოფლიოში ნომერ მეორე კომპანია ისევ ჩინური CATL-ის შემდეგ, რომელიც თავის მხრივ Tesla-სთვის ელემენტების მიმწოდებელია.