რა უნდა გაითვალისწინოთ სახლის აშენების დროს

როგორ შევარჩიოთ იდეალური ადგილი, როგორ შევარჩიოთ მასალა, რა გავითვალისწინოთ სახლის დაგეგმარების დროს - ყველაფერ ამაზე გვპასუხობენ კომპეტენტური სპეციალისტები.

ჩვენს ქვეყანაში მიღებულია ქალაქში ბინა მთელი წლისთვის, ხოლო აგარაკი - ზაფხულისთვის, თუმცა, თანამედროვე სამყაროში ყველაფერი იცვლება და აგარაკი, ქალაქგარეთა სახლიც ისეთი უნდა იყოს, რომ სრულიად აკმაყოფილებდეს ყველა მოთხოვნას ანუ უნდა იყოს ისეთივე ლამაზი და კომფორტული, როგორც ქალაქში და საერთოდ, ბევრი ოჯახი უკვე ცდილობს გაყიდოს ბინა ქალაქში და იყიდოს სახლი ქალაქთან ახლოს და საცხოვრებლდ იქ გადავიდეს, აწარმოოს საკუთარი პატარა მეურნეობა, მოიწყოს ბაღ-ბოსტანი და 

ა.შ.

თუმცა ამის გაკეთება არც ისე მარტივია, სახლის აშენების დროს ძალიან ბევრი რამ არის გასათვალისწინებელი.
განიხილეთ საზაფხულო სახლი მთელი წლის განმავლობაში საცხოვრებელ ადგილად. სახლი აუცილებლდ უნდა იყოს გათვალისწინებელი მკაცრი ზამთრის პირობებისთვის, დაცული უნდა იყოს თბოიზოლაცია და ყველა სხვა მოთხოვნა, რაც სრულფასოვან სახლს უნდა ჰქონდეს.
მნიშვნელოვანია, რომ სახლი არ გაცივდეს, რეგულარულად იყოს დაცული ტემპერატურის ბალანსი, ეს დაგეხმარებათ ავეჯის, ტექნიკის და თეთრეულის კომფორტულად შენახვაში.

ამის გაკეთება ადვილი არ არის, ამიტომ, თუ სახლის აშენებას გადაწყვეტთ, გირჩევთ, დასახმარებლად პროფესიონალ არქიტექტორს მიმართოთ.
ძალიან მნიშვნელოვანია მასალა, რისგანაც უნდა აშენდეს სახლი, ეს შეიძლება იყოს აგური, ბეტონი, ხე, ბრუსი. სეციალისტები ერთხმად აღნიშნავენ, რომ სახლის მშენებლობისთვის ყველაზე კომფორტული და ხელმისწვდომი ვარიანტი ბეტონის ფილებია. ეს არის თანამედროვე, ეკოლოგურად სუფთა და ყველაზე მოსახერხებელი მასალა.

სახლის აშენების დროს ასევე ძალიან დიდი მნიშვნელობა აქვს პროექტს, რომელიც წინასწარ უნდა იქნას შერჩეული. ასევე უნდა იყვნენ მომზადებული მშენებლები, რომლებიც ამ პროექტს განახორციელებენ.

მშენებლების შერჩევის პროცესი არანაკლებ მნიშვნელოვანია. არ მოგერიდოთ და სანამ საბოლოო არჩევანს გააკეთებთ, დაათვალიერეთ მშენებლების მიერ შესრულებული სხვა სამუშაოები და მხოლოდ ამის შემდეგ მიიღეთ საბოლოო გადაწყვეტილება.

ადგილის შერჩვა სახლის მშენებლობის დროს უმთავრესი და უმნიშვნელოვანესი რომ არის, ამაზე საუბარი არც ღირს.
სახლის პროექტი აუცილებლად ოჯახის მოთხოვნილებების მიხედვით უნდა მომზადდეს, იქნება ეს ოთახების რაოდენობა თუ მათი განლაგება.
კარგად უნდა გათვალოთ კომუნიკაციები, თუ მიმდებარე ტერიტორიაზე წყლის პრობლემაა, საკუთარ ჭაზე უნდა დაფიქრდეთ.
ერთი სიტყვით, სანამ სახლს ააშენებთ, ეცადეთ, კარგად გაითვალისწინოთ ჩვენ მიერ ჩამოთვლილი ყველა დეტალი და მხოლოდ ამის შემდეგ შეუდგეთ გეგმის რეალიზებას.