როგორ დავიცვათ თავი COVID-19-სგან საკუთარ ავტომობილში

კორონავირუსის პანდემია ჩვენი დროის გლობალურ პროგბლემას წარმოადგენს. COVID-19 გვემუქრება ყველგან - სამსახურში, ქუჩაში, ტრანსპორტში და მათ შორის სახლში და საკუთარ ავტომობილშიც კი. მიუხედავად იმისა, რომ საზოგადოებრივ ტრანსპორტს თავს არიდებ და პირადი მანქანით გადაადგილდები, ვირუსი შესაძლოა შენი ავტომობილის სალონშიც კი აღმოჩნდეს. ამ დროს, მნიშვნელოვანია ვიცოდეთ, როგორ გავასუფთავოთ მანქანის ინტერიერი სათანადოდ და დავიცვათ თავი, მოულოდნელი უსიამოვნო „სიურპიზისგან“.

რა ადგილები უნდა გაწმინდო, განსაკუთრებული ყურადღებით:

ბევრი დაფიქრების გარეშეც კი შესაძლებელია გამოვყოთ, ისეთი ადგილები ავტომობილის ინტერიერში, სადაც ყველაზე ხშირად გვიწევს შეხება. ეს შეიძლება იყოს:

·      პირველ რიგში კარის სახელურები - როგორც შიდა, ასევე გარე;

·      შუშის მარეგულირებელი და კარზე განთავსებული ყველა ღილაკი;

·      სავარძლის მარეგულირებელი ღილაკი / სახელური;

·      საჭე და სიჩარის გადამრთველი ბერკეტი;

·      მოხვევის მაჩვენებლების, ახლო განათების და საჭეზე განთავსებული სხვა გადამრთველები;

·      ავტომობილის კოკპიტი - სიჩარის და სხვა მაჩვენებლების დაფა, რომელიც ძირითადად განთავსებულია საჭის უკან.

·      მთლიანი „ბარი“ სიჩქარეების გადაცემათა კოლოფის გასწვრივ - ცენტრალური კონსოლი;

·      მაგნიტაფონის და კლიმატკონტროლის ღილაკები;

·      უკანა ხედვის სარკე და სარკის მარეგულირებელი ღილაკები;

·      მზის საფარები, შუქის ჩამრთველები და არსებობის შემთხვევაში, სათვალის სათავსო;

·      ავტომობილის შუშები - დაიწყე საქარე მინით;

·      და ბოლოს - არ დაგავიწყდეს შენი გასაღებების აცმა.

რა დაგჭირდება ავტომობილის დეზინფექციისთვის:

დეზინფექციისთვის დაგჭირდება;

·      ახალი პირბადე და სამედიცინო ხელთათმანები;

·      სადეზინფექციო ხსნარი - მის ნაცვლად შეგიძლია გამოიყენო უბრალო სამედიცინო სპირტი;

·      ყურის ჩხირები - მიუდგომელი ადგილებისთვის;

·      სველი ხელსახოცი და სუფთა ნაჭრები.

წმენდის დასრულების შემდეგ, არ დაგავიწყდეს ხელების კარგად დაბანა!

როგორ ვრცელდება COVID-19:

·      დაინფიცირებული ადამიანთან უშუალო კონტაქტის გზით;

·      დაინფიცირებული ადამიანის რესპირაციულ წვეთებთან შეხებით, რომელიც წარმოიქმნება ხველის ან დაცემინების დროს;

·      ვირუსით დაინფიცირებულ ზედაპირებთან შეხებით.

ამ უკანასკნელისთავიდან არიდების მიზნით, საჭიროა კვირაში ერთხელ მაინც გავწვმინდოთ საფუძვლიანად ავტომობილის ინტერიერი. COVID-19 ზედაპირზე რამდენიმე საათს, ზოგ შემთხვევაში, რამდენიმე დღეც კი ძლებს. გახსოვდეს, რომ ვირუსი, მარტივი დეზინფიცირების დროსაც კვდება.