ვთავაზობ გერმანული ენის ლიტერატურულად და პრაქტიკულად ორიენტირებულ სწავლებას აბიტურიენტებისა და ნებისმიერი დაინტერესებული პირისთვის — როგორც დამწყები, ან უკვე არსებული ცოდნის გასაღრმავებლად. გაკვეთილები მოიცავს გრამატიკის, ლექსიკის, მეტყველების, დიქციის, წერისა და ტექსტის გააზრების მიმართულებებს, რაც მოსწავლეს ეხმარება ენის საფუძვლიანად და კომპლექსურად დაუფლებაში. სასწავლო პროცესი ინდივიდუალურად იგეგმება თითოეული მოსწავლის დონის, მიზნებისა და საჭიროებების გათვალისწინებით. განსაკუთრებული ყურადღება ეთმობა სწორ მეტყველებას, გამართულ წერას, ლექსიკური მარაგის გამდიდრებასა და გერმანულ ენაზე თავისუფლად აზროვნების განვითარებას. 21-წლიანი გამოცდილებისა და გერმანული ენის სფეროში მიღებული პროფესიული განათლების საფუძველზე, ვუზიარებ მოსწავლეებს როგორც აკადემიურ ცოდნას, ასევე პრაქტიკულ გამოცდილებას,მათ შორის იურიდიული, პოლიტიკური, ტექნიკური და სამედიცინო მიმართულებითაც. გაკვეთილები ტარდება ინდივიდუალურად ან მცირე ჯგუფებში — 2–3 მოსწავლის შემადგენლობით, რაც საშუალებას იძლევა, თითოეულ მონაწილეს სათანადო ყურადღება და ინდივიდუალური მიდგომა დაეთმოს. პირველი შეხვედრა მოიცავს მოსწავლის დონისა და საჭიროებების შეფასებას, რის საფუძველზეც განისაზღვრება შემდგომი სასწავლო მიმართულება. გაკვეთილი ტარდება მშვიდ და კომფორტულ გარემოში. მხოლოდ დაინტერესებული პირები დამიკავშირდნენ. ლოკაცია-საბურთალო