როგორ შეიცვალა ახალაშენებული ბინების ფასები საბურთალოზე - 2022 წლის I კვარტალი

3529

16.05.2022 16:14:06

საცხოვრებელ უძრავ ქონებაზე მოთხოვნა, 2022 წელსაც ზრდის ტემპი ფიქსირდება. კვლევების თანახმად, მიმდინარე წლის მარტში, ბოლო წლებთან შედარებით, ბინის ყველაზე მაღალი, საშუალო ფასი დაფიქსირდა. აღსანიშნავია, რომ თბილისის მასშტაბით, გაიზარდა საცხოვრებელი უძრავი ქონების ბაზარიც, რაც წინა მოცულობაზე, თითქმის 40%-ით მეტია. ბინებზე მოთხოვნა გაორმაგდა, საშუალო სეგმენტის ახალაშენებულ კორპუსებში, ხოლო პრემიუმ კლასის ბინებზე კი 2,5-ჯერ გაიზრდა.

მოთხოვნის ზრდის მაღალი ტემპი, ბუნებრივია ფასების ზრდასაც განაპირობებს. 2022 წლის I კვარტალში, წინა პერიოდებთან შედარებით, თბილისის ცენტრალურ უბნებში ბინის საშუალო გასაყიდი ფასი 6%-ით, ხოლო ცენტრთან ახლოს მდებარე უბნებში კი 8%-ით გაიზარდა. მოთხოვნის ყველაზე მაღალი მაჩვენებელი, კი კვლავ საბურთალოზე ფიქსირდება.

გარდა უძრავ ქონებაზე არსებული მაღალი მოთხოვნისა, ახალაშენებულ ბინებზე ფასების ზრდა, სამშენებლო მასალების მკვეთრ გაძვირებასაც უკავშირდება. მიუხედევად იმისა, რომ საქართველოს სამშენებლო ბაზარზე, არმატურის საერთო მოხმარებაში, უკრაინიდან იმპორტირებულ მასალებს დიდი წილი არ უკავია, ფასების ზრდას, მიმდინარე ომის ფონზე წარმოშობილი ელექტროენერგიისა და ბუნებრივი აირის გაძვირება განაპირობებს. შესაბამისად, უძრავი ქონების ბაზარზე ფასების ნორმალიზება, სამშენებლო მასალებზე ფასების დასტაბილურების შემდეგ არის მოსალოდნელი.

საქართველოს სტატისტიკის ეროვნული სამსახურის მიერ გამოქვეყნებული 2021 წლის მაჩვენებლით, საბურთალოზე, ახალაშენებული (დასრულებული) 1კ/მ ფასი, საცხოვრბელი უძრავი ქონების სეგმენტში, შეადგენდა:

· შავი კარკასი - 2.300 ლარი 1 კვ/მ

· თეთრი კარკასი - 2.800 ლარი 1 კვ/მ

· მწვანე კარკასი - 3.100 ლარი 1 კვ/მ

მიმდინარე მონაცემებით, SS.ge-ზე და ახალი და მშენებარე ბინების საძიებო საიტზე House.ge - განთავსებული ფასების ანალიზით, შავ, თეთრ და მწვანე კარკასებზე, საშუალოდ გვაქვს შემდეგი ფასები:

· შავი კარკასი - 2.550 ლარი 1 კვ/მ

· თეთრი კარკასი - 2.960 ლარი 1 კვ/მ

· მწვანე კარკასი - 3.250 ლარი 1 კვ/მ

გასათვალისწინებელია, რომ საქართველოს სტატისტიკის ეროვნული სამსახურის მიერ წარმოდგენილი და SS.ge-დან აღებული ფასები, რომლითაც ვიხელმძღვანელეთ ანალიზის დროს, წარმოადგენს მომხმარებლის მიერ განხორციელებულ შეთავაზების ფასს. ამასთან, დამუშავებულია ახალაშენებული ბინების პლატფორმაზე House.ge - დეველოპერული კომპანიიების მიერ შეთავაზებული ფასები, რომელიც ერთ-ერთ ყველაზე სანდო მაჩვენებელს წარმოადგენს, დღეს არსებულ ბაზარზე.