როგორ დავაჩქაროთ ბინის გაყიდვის პროცესი?

სასურველი ნივთის ან უძრავი/მოძრავი ქონების გაყიდვა სულაც არ არის მარტივი და ის მხოლოდ განცხადების ტექსტური ნაწილით და გაყიდვის შესახებ ინფორმაციის გავრცელებით არ შემოიფარგლება. იმისთვის, რომ განცხადება სასურველ აუდიტორიამდე მივიდეს და ადამიანები დაინტერესდნენ მისით, მნიშვნელოვანია რამდენიმე საკვანძო დეტალის გათვალისწინება: გამართული ტექსტი, კარგი ვიზუალური კონტენტი და ა.შ. ss.ge-ზე განცხადების განთავსების შემთხვევაში, ვებგვერდი განმცხადებელს კონკრეტულ საფეხურებს სთავაზობს, რისი ხარისხიანად შესრულების შემთხვევაშიც თქვენი განცხადება სრულყოფილი და მიმზიდველი იქნება და მაქსიმალური შედეგის დადგომაში დაგეხმარებათ.

მაძიებლებს მიაწოდეთ დეტალური ინფორმაცია

პირველეს ყოვლისა, განცხადების განთავსებისას აირჩიეთ კატეგორია, თუ სად გსურთ მოხვდეს თქვენი განცხადება, დააკონკრეტეთ უძრავი ქონებისა და გარიგების ტიპი, რის შემდეგაც შესაბამისი შესავსები ველები გამოგიჩნდებათ. მაგალითად, თუ ბინას ყიდით, გამოჩნდება მდებარეობის შესახებ დეტალური გრაფები, სადაც ზუსტი მისამართი უნდა ჩაწეროთ რაც შეიძლება კონკრეტულად, რათა მაძიებლებმა შეძლონ, რომ თქვენი უძრავი ქონება რუკაზე მარტივად იპოვონ. ობიექტის მდებარეობა შეგიძლიათ ჩაწეროთ ხელით, ან ამოირჩიოთ ჩამონათვალიდან. ამ ოპერაციის შესრულების შემდეგ, რუკაზე ობიექტი ავტომატურად დაემატება. მონიშნეთ ყველა ის პარამეტრი, რაც თქვენს ბინას აქვს, რათა დაინტერესებულმა პირმა მარტივად იპოვოს განცხადება და შეძლოს დეტალური ინფორმაციის მიღება აღნიშნული ქონების შესახებ. აღწერილობის ველი შეგიძლიათ გამოიყენოთ ისეთი ინფორმაციის ჩასაწერად, რაც წინასწარ ჩამოთვლილ პარამეტრებში არ მოიძებნება და ამით მეტად წარმოაჩინოთ თქვენი ქონების უპირატესობები.

განცხადებას თან დაურთეთ ფოტოსურათები

 სტატისტიკურად, თუკი განცხადებას დამატებული აქვს ერთი ფოტოსურათი მაინც, ის 5-ჯერ მეტ გამოხმაურებას იღებს. ფოტოს გადაღებისას შეარჩიეთ სწორი რაკურსი და დრო, თუკი მას ბუნებრივ სინათლეზე იღებთ. სხვა შემთხვევაში, სწორი განათების შერჩევა დაგჭირდებათ. ფოტოებზე აუცილებლად უნდა იყოს ასახული როგორც ინტერიერი, ასევე ექსტერიერი. განათავსეთ ყველა ოთახის ფოტო, რათა მაძიებლებმა ნახონ რამდენი საძინებელი ოთახი აქვს სახლს, როგორია მისაღები ოთახი, სველი წერტილი, სამზარეულო და ხედი ფანჯრიდან თუ აივნიდან. თუკი ფოტოგადაღების სერვისით სარგებლობა დაგჭირდებათ, ss.ge ამ სერვისითაც დაგეხმარებათ და პროფესიონალური ფოტოების გადაღებას შემოგთავაზებთ თქვენი უძრავი ქონებისთვის. გარდა ამისა, ss.ge-ზე შეგიძლიათ ონლაინ დათვალიერების ფუნქციაც ჩაურთოთ. მისი დახმარებით, შეძლებთ, რომ დაინტერესებულ პირს დისტანციურად დაათვალიერებინოთ თქვენი ბინა სხვადასხვა პლატფორმების მეშვეობით (Viber, Zoom, Whatsapp).

განცხადების ბოლოს, აუცილებლად მიუთითეთ თქვენი უძრავი ქონების ფასი. სავარაუდო ფასის გამოთვლას საიტი თავად გთავაზობთ იმ პარამეტრებზე დაყრდნობით, რომელიც აღწერისას გაქვთ შევსებული, თუმცა საბოლოო საფასური, რა თქმა უნდა, თქვენი გადაწყვეტილების მიხედვით ივსება.  განცხადების საბოლოო გამოქვეყნებამდე დააჭირეთ ღილაკს „გადახედე“, რათა შეამოწმოთ როგორ გამოიყურება თქვენი განცხადება. თუკი ყველაფერი შევსებული გაქვთ და ყველა საჭირო ინფორმაცია და ვიზუალი დაფიქსირებულია, შეგიძლიათ გამოაქვეყნოთ განცხადება და დაელოდოთ გამოხმაურებას. დამატებით კი, სურვილის შემთხვევაში შეგიძლიათ ფასიანი სერვისებით ისარგებლოთ, რომლის გამოყენებისას თქვენი შეთავაზება გახდება გამორჩეული, ექნება ეფექტური ნახვების რაოდენობა და სწრაფად მიაღწევთ სასურველ შედეგს. სერვისების პაკეტის ჩამონათვალის ნახვა შეგიძლიათ აქ.