ღირს თუ არა კუთხის ბინის შეძენა ახალაშენებულ კორპუსში

კუთხის ბინები ტრადიციულად ნაკლები პოპულარობით სარგებლობდა ბინის შეძენის მსურველთა შორის. მაგრამ, ნამდვილად სწორი იქნება დავიწუნოთ ასეთი ვარიანტი თუ ბინა მოგვწონს? ასეთ ბინებს აქვს როგორც ნაკლი, ასევე უპირატესობებიც.

რატომ არის დაბალი მოთხოვნა კუთხის ბინებზე

დღემდე, ეს ფაქტი უკავშირდებოდა ძველ აშენებულ და პანელურ სახლებს, როდესაც შენობები განსხვავებული ტექნოლოგიით შენდებოდა. როგორც ერთ, ასევე მეორე შემთხვევაში ბინებში შესაძლოა შემდეგი სახის პრობლემები წარმოშობილიყო:

• ფასადზე გაჩენილი ბრაზები და პანელების შეერთების ადგილას გაჩენილი სიცარიელე, რაც ბინაში მიკროკლიმატის დარღვევას იწვევს;

• ხმის ცუდი იზოლაცია, მითუმეტეს თუ კედლები საკმარისად სქელი არ არის;

• ასეთ შენობებში ზამთარში ბინაში ცივა, ხოლო ზაფხულში - ცხელა.

რა უნდა გაითვალისწინო თუ ძველ აშენებულ კორპუსში კუთხის ბინის შეძენას გადაწყვეტ

• უფრო მძლავრი გათბობის სისტემის მონტაჟი და ზამთრის სეზონზე გათბობისთვის გაწეული უფრო დიდი ხარჯი;

• სიცხეში გაგრილების სისტემაც აუცილებლად დაგჭირდება, რაც ასევე ხარჯებს უკავშირდება;

• ფანჯრების გამოცვლა;

• კედლებისა და პანელთაშორისი ნაკერების იზოლაცია აუცილებელია ობის და სინესტის გაჩენის თავიდან ასაცილებლად.

რა უნდა გაითვალისწინო თუ ახალაშენებულ კორპუსში კუთხის ბინის შეძენას გადაწყვეტ

ჩვენს დროში, როდესაც კორპუსები ახალი ტექნოლოგიით შენდება, ის პრობლემები აღარ წარმოიქმნება, რაც კუთხის ბინებთან იყო დაკავშირებული, მითუმეტეს თუ არ დარღვეულა მშენებლობის ტექნოლოგია და შენობის ასაშენებლად ხარისხიანი მასალაა გამოყენებული. ამასთანავე, აღსანიშნავია, რომ ახლა საბინაო ბაზრის უმეტესი ნაწილი უჭირავს მონოლითურ ან მონოლითურ-აგურის საცხოვრებელ კომპლექსებს, რომლებიც გაცილებით მაღალი ხარისხისაა და იმგვარი სახის პრობლემები არ ემუქრება, როგორც ეს ძველი აშენებული კორპუსების შემთხვევაში იყო.

ასევე იხვეწება მრავალბინიანი კორპუსების პანელის მშენებლობის ტექნოლოგია. სანდო დეველოპერები აკონტროლებენ სამუშაოს ხარისხს და კუთხის ან ბოლო ბოლო სართულზე ბინის შეძენა ასეთ საცხოვრებელ კომპლექსში შეიძლება პირიქით კარგი გადაწყვეტილება იყოს.

უფრო მეტიც, ახალ კორპუსში კუთხის ბინას ექნება მრავალი მნიშვნელოვანი უპირატესობა სტანდარტულ ვარიანტებთან შედარებით

უხვი სინათლე. ასეთ შემთხვევაში ბევრად ნათელი ბინა გექნება, მითუმეტეს თუ შენს სახლს მასიური ფანჯრები აქვს და არაფერი უშლის ხელს დღის სინათლის შემოსვლას.

სიჩუმე და სიმყუდროვე. კუთხის ბინების მცხოვრებლებს ნაკლები მეზობელი ჰყავთ, რაც თავის მხრივ ზედმეტ ხმაურს აგაცილებს თავიდან.

მიკროკლიმატი. სახლის სხვადასხვა მხარის ფანჯრები საშუალებას მოგცემს ადვილად გაანიავო ოთახები. ეს ძალიან მნიშვნელოვანია ზაფხულის ცხელ დღეებში მათთვის, ვინც ჩახუთულობას ვერ იტანს.

ხედი ფანჯრიდან. უფრო სწორად - ფანჯრებიდან, რომელიც ერთი კუთხით არ შემოიფარგლება. მაგალითად, შეგიძლია ერთი მხრიდან ეზოში მყოფ ბავშვებს გადახედო, ხოლო მეორე მხარეს ქუჩის ლამაზი ხედით დატკბე.

დამატებითი რადიატორები. კუთხის ბინებში სითბოს დაკარგვის პრობლემა შეგიძლია მარტივად გადაჭრა თუ გათბობის შედარებით ეკონომიური ტექნოლოგიებით ისარგებლებ.

ამრიგად, თუ სანდო დეველოპერებისგან შეიძენ ახალ კორპუსში ბინას, შეგიძლია ასეთი განლაგების არ შეგეშინდეს, არამედ პირიქით - შეეცადე ზუსტად ასეთი ვარიანტი იპოვო.