რა უნარებია საჭირო გაყიდვების მენეჯერისთვის

პროფესიონალი გაყიდვების მენეჯერი კომპანიისთვის ძალიან მნიშვნელოვანი მონაპოვარია, ვინაიდან ორგანიზაცია, რომლის მოგება და წარმატებაც პროდუქტის გაყიდვაზეა დამოკიდებული, ვერ იქნება მყარად დამკვიდრებული ბაზარზე, თუკი ძლიერი გაყიდვების მენეჯერები არ ჰყავს. ეს ადამიანები არიან კომპანიასა და მომხმარებელს და კომპანიასა და პოტენციურ პარტნიორ კომპანიებს შორის მედიატორები, რომლებიც მოიზიდავენ მომხმარებელს, ამყარებენ კომუნიკაციას შესაბამის პირებთან - კლიენტთან ან პარტნიორთან. თითოეულ შემთხვევაში, კომუნიკაცია არის მცირე ან სიღრმისეული - მოლაპარაკების სახით. აქედან გამომდინარე, გაყიდვების მენეჯერის ძლიერ მხარეს უდავოდ უნდა წარმოადგენდეს კომუნიკაციის კარგი უნარები.

ყველა სხვა პროფესიის მსგავსად, გაყიდვების მენეჯერსაც პროფესიული უნარებისა და გამოცდილების გარდა, პიროვნული თვისებებიც ხელს უნდა უწყობდეს საქმის კარგად შესრულებაში. მაგალითად, ადამიანი, რომელსაც უყვარს ხალხთან ურთიერთობა, აქვს მოლაპარაკების კარგი უნარები, საუბრობს გამართულად და დამაჯერებლად და აქვს პრეზენტაციის ჩატარების კარგი უნარი, დიდი ალბათობით, შეძლებს, რომ თავი გაართვას გაყიდვების სფეროს. პროფესიონალად ჩამოყალიბებისთვის მნიშვნელოვანია სხარტი აზროვნება და გადაწყვეტილებების სწრაფად მიღების უნარიც.

დღესდღეობით პოპულარულია ინტერნეტ- ან სატელეფონო გაყიდვები, თუმცა ადამიანებს იშვიათად, მაგრამ მაინც უწევთ პირისპირ კომუნიკაციაც პოტენციურ კლიენტებთან და პარტნიორებთან. სწორედ ამიტომ, მნიშვნელოვანია ყველა დეტალისა და ასპექტის გათვალისწინება. პირველი შთაბეჭდილება თითქმის ყველა შემთხვევაში უცვლელია ხოლმე და აუცილებელია, რომ შეხვედრისთვის კარგად იყოთ მომზადებული, კარგად იცნობდეთ იმ პროდუქტს, რასაც მომხმარებელს სთავაზობთ, იცოდეთ მისი როგორც დადებითი მხარეები, ასევე, რა თქმა უნდა, უარყოფითიც, რათა ეს მინუსები სწორად მიაწოდოთ დაინტერესებულ პირს და უშუალოდ საუბრისა და კლიენტის მოზიდვის დროს არ აღმოაჩინოთ რაიმე ხარვეზი.

გარდა საცალო გაყიდვებისა, შედარებით მსხვილი ნაწილია კორპორატიული გაყიდვები, რომლის დროსაც გაყიდვების მენეჯერი მოლაპარაკებებს აწარმოებს, ყიდის მსხვილ პროდუქტს, მართავს პროექტს, იკვლევს ბაზარზე პოზიციონირების საკითხს, განსაზღვრავს სტრატეგიას. ასეთ დროს საჭიროა მართვის კარგი უნარებიც ჰქონდეს გაყიდვების მენეჯერს, შეძლოს ეფექტური პრეზენტაციის მომზადება და ჰქონდეს დამარწმუნებელი კომუნიკაციის უნარი. მნიშვნელოვანი ნაწილია ადამიანის ფსიქოლოგიის ცოდნაც, რათა მარტივად განსაზღვროთ ვისთან რა ტიპის კომუნიკაციაა უფრო სტრატეგიული და ადვილად გამოიცნოთ მომხმარებლის საჭიროებები.

გაყიდვების მენეჯერები თითქმის ყველა სფეროში სჭირდებათ და ერთერთი ყველაზე მოთხოვნადი პროფესიაა, გასათვალისწინებელია, რომ ის მოითხოვს მუდმივად განვითარებაზე ზრუნვას, სიახლეების შემეცნებას და ანალიზს და საკმაოდ შრომატევადი და საპასუხისმგებლო საქმიანობაა.გაყიდვების მენეჯერის შემოსავალი სწორედ მის მუშაობაზე და დახარჯულ რესურსზეა დამოკიდებული და გაწეული სამუშაოს პროპორციულია. მათი სამუშაო მოითხოვს, რომ მუდმივად მომართული იყოთ სამუშაო განწყობაზე, პასუხისმგებლობით მოეკიდოთ მოვალეობას და კლიენტების მიმართ მუშაობის ხარისხს. ასევე ძალიან მნიშვნელოვანია საჭირო კონტაქტების ქსელის მუდმივად გაფართოება და შედეგზე ორიენტირებულობა.

ხაზგასასმელია ის ფაქტიც, რომ არამხოლოდ სამსახურეობრივი მოვალეობების ფარგლებში, არამედ ყოველდღიურობაში, ცხოვრებაშიც გვიწევს ადამიანებს, რომ ვიყოთ გაყიდვების აგენტები ან გაყიდვების მენეჯერები. მათთვის კი, ვინც პროფესიულად არის ამ საქმიანობაში, ეს ბუნებრივად შესისხლხოორცებული  პროცესი ხდება. როდესაც პირველი ნაბიჯების გადადგმას იწყებთ ამ პროფესიაში, ფაქტობრივად გასაუბრების ეტაპზეც თქვენი კანდიდატურის გაყიდვას იწყებთ, რათა პოტენციური დამსაქმებლის წინაშე პრეზენტაბელურად წარსდგეთ და დაარწმუნოთ, რომ არჩევანი თქვენს კანდიდატურაზე შეარჩიოს.

გარდა პიროვნული თვისებებისა, ქარიზმისა და მოტივაციისა, რა თქმა უნდა, მნიშვნელოვანი ნაწილია პროფესიის შესაბამისი განათლება და გამოცდილების დაგროვებაც, რომ დროთა განმავლობაში პროფესიონალად ჩამოყალიბდეთ. ამისთვის შეგიძლიათ გადახედოთ გაყიდვების მენეჯერის ვაკანსიებს ss.ge-ზე, სადაც თქვენთვის სასურველი პირობებით შეარჩევთ დამსაქმებელს.