რა ხდება უძრავი ქონების ბაზარზე - თბილისის მოსახლეობა რუსეთის მოქალაქეების ხარჯზე გაიზარდა

მიუხედავად ამისა, არ შემცირებულა თბილისში გასაყიდი უძრავი ქონების ფასი. საქართველოს სტატისტიკის ეროვნული სამსახურის ცნობით, - 2023 წლის პირველ კვარტალში თბილისში უძრავი ქონების გასაყიდი ფასი წინა წლის ამავე პერიოდთან შედარებით 10.7%-ით გაძვირდა. საქსტატის 24 აპრილს გამოქვეყნებული ანგარიშის მიხედვით, თბილისში ყველაზე ძვირი უბანი მთაწმინდაა, შემდეგ ვაკე მოდის, ხოლო მესამე ადგილზე საბურთალოა. 

უბნების მიხედვით 1 კვ.მ ბინის ფასი ლარში ასე გამოიყურება:

• მთაწმინდა - 4,919;

• ვაკე - 4,201;

• საბურთალო - 3,344;

• ჩუღურეთი - 3,257;

• კრწანისი - 3,175;

• დიდუბე - 3,004;

• ნაძალადევი - 2,928;

• ისანი - 2,856;

• გლდანი - 2,788;

• სამგორი - 2,647.

საქსტატი კიდევ ერთ მნიშვნელოვან ინფოემაციას აქვეყნებს, გამოქვეყნდა საქართველოს მოსახლეობის სტატისტიკა 2023 წლის 1 იანვრის მდგომარეობით. ანგარიშის მიხედვით, საქართველოს მოსახლეობა 3,736,400 ადამიანს შეადგენს, რაც წინა წელთან შედარებით 1.3%-ით მეტია.

აღსანიშნავია, რომ მოცემული მდგომარეობა მთლიანად ეფუძნება მიგრაციის ნაკადებს და შესაბამისად მოსახლეობის მატებაც რუსეთის ფედერაციიდან უპრეცენდენტო რაოდენობის იმიგრანტების შემოსვლით იყო განპირობებული. წელს საქართველოში 180 ათასი იმიგრანტი შემოვიდა, ხოლო ემიგრანტების რაოდენობა 125 ათასი იყო. შედეგად, დადებითი მიგრაციულმა სალდომ 55 ათასი შეადგინა.