![ჰაი-ტეკი](https://static.ss.ge/20230629/ef76dc21-de9a-441e-9293-f1b08c9faaf6.jpg)
როგორ მოვაწყოთ ინტერიერი ჰაი-ტეკის სტილში
დღესდღეობით საზოგადოება ინტერიერის დიზაინის უამრავ მიმდინარეობს იცნობს, პრაქტიკულობაზე დაფუძნებული გერმანული ბაუჰაუსი, რომელსაც თამამად შეიძლება ვუწოდოთ ყველაზე ინდივიდუალური დიზაინი, იმ გავრცელებულ სტილებს შორის, რაც დღემდე გვაქვს. ის საკუთრივ ადამიანს ერგება, მისი ინდივიდუალური სურვილებისა და თავისებურებების გათვალისწინებით.
ან ისეთი ორიგინალური სტილი, როგორიც არის ლოფტი. ინგლისურიდან თარგმნილი „ლოფტი“ სიტყვასიტყვით სხვენს ნიშნავს, გალერეას, საწყობისა ან ქარხნის შენობის ზედა სართულს. მართლაც, ლოფტის სტილის ინტერიერი თავდაპირველად სახელოსნოს ან საწყობს წააგავს. თანამედროვე დიზაინის ტიტულში ერთმანეთს მოდერნიდა კონტემპორარი ეცილებიან. ისინი განსხვავდებიან იმით რომ, მოდერნის დიზაინი კონკრეტული ისტორიული მომენტის ესთეტიკურ სტილს წარმოადგენს, ხოლო კონტემპორარი მუდმივად განვითარებადია. კონტემპორარიარ მოიცავს დიზაინის რომელიმე ერთ ფილოსოფიას, არამედ ის არის ზოგადი ტერმინი, რომელიც მოცემულია დღევანდელი ინტერიერის დიზაინის ტენდენციების აღსაწერად. კიდევ ერთი საინტერესო მიმდინარეობა არის ჰაი-ტეკი. ეს სტილი არქიტექტურასა და დიზაინში 1970-იან წლებში წარმოიშვა. ეს არის მაღალი ტექნოლოგიებისა და კომფორტის კომბინაცია. გარკვეულწილად, ჰაი-ტეკი უახლოეს მომავალს წინასწარმეტყველებს. ის კრეატიულ ადამიანებს იზიდავს, რომლებსაც ტექნოლოგიური სიახლეები და კომფორტი უყვართ. ჰაი-ტეკი ხაზს უსვამს მატერიალურ წარმატებას, რამდენადაც ამ სტილში მოწყობილი სახლი სტაბილურად საკმაოდ დიდ დანახარჯებს მოითხოვს, თუმცა ასევე დიდი შესაძლებლობებიც აქვს. ჰაი-ტეკი როგორც მდიდრული და მაღალ ტექნოლოგიებზე დაფუძნებული სტილი სრულად უარყოფს დეკორის ელემენტებს და მხოლოდ ფუნქციონალურობას, პრაქტიკულობას აღიარებს.ის შესანიშნავად ერწყმის სახლის სიმყუდროვეს და ოჯახურ გარემოს ქმნის. თუმცა, რასაკვირველია ის არ არის ერთგვაროვანი და ჰაი-ტეკის უამრავი სახესხვაობა არსებობს, რომლებსაც ურიცხვი ვარიანტები აქვთ. სტილის გაჩენა მე-20 საუკუნის 70-იანი წლებს უკავშირდება, როდესაც ურბანული იდეები სწრაფად აღწევენ ცხოვრების ყველა სფეროში. ჰაი-ტექ თანამედროვე პროცესების სარკისებური გამოსახულებაა, ის შექმნილია ადამიანისთვის, რომელიც აფასებს ცივილიზაციის მიღწევებს და სრულიად ამბობს უარს უსარგებლო ნივთებზე. ესთეტიკა მინიმალიზმის ზღვარზე - ასე ხედავენ მას მაღალტექნოლოგიური დიზაინერები, რომლებიც ორიგინალურ დიზაინს საზღვრებისა და ჩარჩოების გარეშე ქმნიან. მკაცრი და ამავე დროს მარტივი გეომეტრია; კედლის საფარი ჰარმონიულად ეხმიანება ავეჯის ფერთა გამას; ინტერიერში აქტიურად გამოიყენება მილისებური ლითონის ნაწილები; მინის ავეჯისა და ავანგარდული ნათურების არსებობა; კარები და ტიხრები ძირითადად სრიალით მოძრაობს; კედლების გაფორმებისას დიზაინერები აგურსა და ბეტონს იყენებენ; აქტიურად გამოიყენება სამრეწველო შენობებში გამოყენებული მასალები; ოთახში მიმოფანტულია სინათლის ბევრი წყარო.ჰაი-ტეკის ძირითადი მახასიათებლები
ჰაი-ტეკის სტილში მოწყობილ ინტერიერში ერთი შეხედვით, შეიძლება სიგრილისა და მასშტაბის განცდა დაგეუფლოთ. ასეთი გარემო არ არის გადატვირთული, ყველა ხაზი მკაცრი და ხისტია, ნივთები იმალება ნიშებში, ჩაშენებულ თაროებსა და კარადებში. ზოგჯერ დიზაინერები იყენებენ ხეს, რომელიც ინტერიერს განსაკუთრებულ ბზინვარებას, კომფორტს და სითბოს ანიჭებს. ჰაი-ტეკის იდეა სამეცნიერო და ტექნოლოგიური პროგრესის მოწინავე მიღწევების მხატვრული ინტერპრეტაციაა. არ უნდა დაგვავიწყდეს, რომ სტილის მთავარი ხაზი ტექნოლოგიაა. ჰაი-ტეკი უარყოფს სივრცის არეულობას, მასში ყველაფერი მკაცრად გამოყოფილ ადგილზეა და მნიშვნელოვან როლს ასრულებს. ჰაი-ტეკი არ არის მხოლოდ სტილი, რომელიც ეტრფის მაღალ ტექნოლოგიებს, არამედ ის ერთგვარად ორ ეპოქას შორის დამაკავშირებელი გახდა. გარდა ამისა, ინტერიერში მაღალი ტექნოლოგიების გამოყენება პრესტიჟის გამოვლინებაა, რადგან მსხვილი კომპანიების უმეტესობა სწორედ მას ირჩევს გასაფორმებლად. ის პოსტმოდერნიზმის ტალღას შემოჰყვა ადამიანების ცხოვრებაში, მოიპოვა თაყვანისმცემლების არმია და დღესაც არ კარგავს აქტუალობას. ჰაი-ტეკის სტილში ნებისმიერი ფართის ბინა შეიძლება მოეწყოს. იმ შემთხვევაში თუ პატარა სივრცეა, შეიძლება მკაფიო ხაზების, სარკეებისა და მკვეთრი ფერები გამოყენება. ჰაი-ტეკის ინტერიერი სავსეა ცივი ფერებით. დიზაინში მთავარი აქცენტი კეთდება მასალების ფორმაზე და მათ სტრუქტურაზე. ძირითადი ტონებია ნაცრისფერი, შავი, თეთრი. მხიარული და ენერგიული ფერები იშვიათად გამოიყენება. დიდ როლს თამაშობს თანამედროვე ტექსტურების გამოყენებაც. ისეთი წვრილმანები, როგორიცაა ელვარება, ბზინვარება, ისინი ჰაი-ტეკის ნებისმიერ ინტერიერს შეავსებენ. მინიმალიზმის სტილის მსგავსად, ჰაი-ტეკის ინტერიერი მცირე რაოდენობის ფერებს იყენებს, მაგრამ უახლესი ტექნოლოგიებით შეფუთულს და ახალი ხედვით. აუცილებელია ასეთი სივრცისთვის მოპირკეთებისთვის აუცილებელია მასალების, ავეჯის და აქსესუარების შერჩევა ერთი ფერის პალიტრაში. ეს უნდა იყოს ფრთხილი ფერები: შავი, ნაცრისფერი, თეთრი, მეტალისფერი, კრემისფერი. ისინი უნდა იყოს მთავარი. თუ ოთახს სიკაშკაშე აკლია, მაშინ შეგიძლიათ დაამატოთ რამდენიმე ფერი უმნიშვნელო ელემენტის სახით. მაგალითად, დეკორაციაში ან აქსესუარების სახით. აუცილებელია გაჯერებული და ნათელი ფერების გამოყენება მკაცრად დოზირებულად, რათა არ გააფუჭოს ინტერიერი და არ გადაიტვირთოს ის.ფერთა გამა
![](https://static.ss.ge/20230629/9e9622ac-f67f-42c7-a2ab-2d43b69ea2c7_Thumb.jpg)
![popular blog image](https://static.ss.ge/49c73942-1514-467d-8f2b-667dbdf14226.jpg)
![](/img/seperatorBlogs.png)
![popular blog image](https://static.ss.ge/24ad0e17-afc4-4f5f-90bc-07c16d5067a8.jpg)
![](/img/seperatorBlogs.png)
![popular blog image](https://static.ss.ge/836bda56-5801-46e2-916c-c94e295f37ae.jpg)
![](/img/seperatorBlogs.png)
![popular blog image](https://static.ss.ge/155ca949-8bf1-4ab1-add8-4cef1c59134e.jpg)
![](/img/seperatorBlogs.png)