რუსტიკული სტილი - იდეალური დიზაინი აგარაკების მოსაწყობად

ინტერიერის დიზაინის უამრავი სხვადასხვა სტილი განვიხილეთ, ბაუჰაუსი - ყველაზე ინდივიდუალური დიზაინი. ლოფტი, რომელიც სახელოსნოს ან საწყობს წააგავს თუ კონტემპორარი, რომელიც არ მოიცავს დიზაინის რომელიმე ერთ ფილოსოფიას.

ახლა რუსტიკის ჯერი დადგა, რომელიც ხშირად გამოიყენება ქალაქგარეთ სახლების მოსაწყობად. რუსტიკი აგარაკის ინტერიერში პირველ რიგში ერთგვარ ლაკონიურობას ნიშნავს და აქცენტს კომფორტსა და სიმყუდროვეზე აკეთებს. 

რუსტიკული სტილის მთავარი პრინციპია დაუმუშავებელი მასალების ხაზგასმით გამოყენება. ის არის გარემოსდაცვით საკითხებზე მაქსიმალურად მორგებული სტილი, რაც ასევე ბუნებრივი ქვის და ხის ფართო გამოყენებას გულისხმობს მშენებლობასა და დეკორაციაში.

რუსტიკული სტილის მახასიათებლები 

რუსტიკულ სტილში მოწყობილი სახლის ინტერიერის მთავარი ფერი ყავისფერია. ინტერიერში ქვის აქტიური გამოყენების გამო ასევე რუხი ფერი შეინიშნება. დანარჩენი ფერების პალიტრის გამოყენება დასაშვებია მხოლოდ ძირითადი ფერებიდან მიღებული საზღვრების ფარგლებში. ეს შეიძლება იყოს კრემისფერი, ჩამქრალი ყვითელი ან წითელი, ჭაობისფერი და მწვანე.

სააგარაკე სახლის ექსტერიერში რუსტიკის სტილში მოწყობისას ხის მორები და ბუნებრივი ქვა გამოიყენება. გაითვალისწინე რომ არანაირი ზედმეტი დამუშავება და გაპრიალება საჭირო არ არის.