ყველაზე იაფი და ძვირი ქალაქები რელოკანტებისთვის - სად წავიდნენ რუსეთის მოქალაქეები

Mercer-ის ეფექტურობის ინდექსი (The Mercer Efficient Index) აქტიური მყიდველების გამოცდილებას ასახავს მათ მშობლიურ ქალაქებში და ადარებს მასპინძელ ქალაქში ფასების საშუალო ნიშნულთან. იმ შემთხვევაში, თუ Mercer-ის ინდექსის გარეშე გამოვითვლით მსოფლიოს სხვადასხვა ქალაქებში ცხოვრების ხელმისაწვდომობას, აქ მნიშვნელოვანი იქნება მსოფლიოში მიმდინარე ეკონომიკური პროცესები.

2023 წელი წინა, საკმაოდ კრიზისული წლის ერთგვარ გაგრძელებას წარმოადგენდა მსოფლიო ეკონომიკაში. მათ შორის გასათვალისწინებელია პოსტ კოვიდური პერიოდი და ასევე, რუსეთის შეჭრა უკრაინაში. 

მსოფლიოს ქვეყნების ეკონომიკა კვლავ ებრძვის ამ მოვლენებით გამოწვეულ შოკებს, რამაც ბევრ მათგანში ბოლოდროინდელი აგრესიული ეროვნული მონეტარული პოლიტიკის და გლობალური ფინანსური პირობების გამკაცრებამ,შემოსავლების ნელი ზრდა განაპირობა.

უმუშევრობის ზრდასთან ერთად. ვალის დონე ბევრ ქვეყანაში მაღალი რჩება და ბაზარზე ძირითად ინფლაციას ჯერ კიდევ არ მიუღწევია უმაღლესი მწვერვალისთვის. ინფლაცია და გაცვლითი კურსის რყევები უცხოელი თანამშრომლების ანაზღაურებაზე და დანაზოგზე უარყოფითად აისახება.

მსოფლიოს ქალაქები Mercer-ის ინდექსის მიხედვით

Mercer-ის ეფექტურობის ინდექსის მიხედვით, მსოფლიოს უძვირეს ადგილებს შორის აზიური ქალაქები ლიდერობენ. Mercer-ის 2023 წლის ცხოვრების ხარჯების კვლევის მიხედვით, ჰონგ კონგი და სინგაპური მსოფლიოში ორი ყველაზე ძვირადღირებული ქალაქია საზღვარგარეთ მომუშავე თანამშრომლებისთვის. 

ყველაზე ძვირადღირებულ ადგილების რეიტინგში მესამე ადგილზე ციურიხია. ხოლო, ცხოვრების დონის მიუხედავად, მსოფლიოში ორი ყველაზე ძვირადღირებული ადგილებია ასევე კუბის დედაქალაქი ჰავამა და ისევ აზიური ქალაქები - პაკისტანის დედაქალაქი კარაჩი და ისლამაბადი. 

რამდენად ძვირია თბილისში ცხოვრება

Photo: petersbigadventure.com

pbservices-ის მონაცემების თანახმად, 2023 წელს საქართველოში ცხოვრების ღირებულება ერთ-ერთი ყველაზე დაბალი იყო ევროპაში. ამ მხრივ, ყველაზე მნიშვნელოვანი ხარჯებია სახლის დაქირავება, მანქანის ყიდვა და განათლება. უახლესი მონაცემების საფუძველზე, ჰონკონგი მეოთხე ადგილიდან მესამე პოზიციაზე გადავიდა ყველაზე ძვირადღირებულ ქალაქებს შორის. ბანგკოკმა მე-15 პოზიცია მე-11 ადგილით გაიუმჯობესა, ხოლო ტაიპეიმ კი მე-3-დან მე-8 პოზიციაზე გადაინაცვლა. ციურიხი და ტოკიო მეშვიდე და მერვე ადგილებიდან, შესაბამისად, მე-14 და მე-15 ადგილზე გადავიდნენ.

2023 წელს, რუსი მიგრანტების გადინების კვალდაკვალ ქირის ეტაპობრივი შემცირება დაიწყო. ამავე მონაცემზე დაყრდნობით, ტრადიციულად, ყველაზე მაღალი ფასები დედაქალაქში დაფიქსირდა. თუმცა თბილისში ცხოვრება საშუალოდ საქართველოს სხვა ქალაქებში ცხოვრებაზე ბევრად ძვირი არ ღირს და ის 625 აშშ დოლარს შეადგენს  ერთ ადამიანზე.

ასევე, numbeo.com-ის მიხედვით, თბილისში ცხოვრების ღირებულების შეჯამება ასე გამოიყურება:ოთხსულიანი ოჯახის სავარაუდო ყოველთვიური ხარჯი 6102.9 ლარია ქირის გარეშე. ერთი ადამიანის სავარაუდო ყოველთვიური ხარჯები ქირის გარეშე 1690.4 ლარს შეადგენს, შესაბამისად თბილისი ნიუ-იორკზე 60,3%-ით იაფია.ხოლო, ქირა თბილისში, საშუალოდ, 79,9%-ით დაბალია, ვიდრე ნიუ-იორკში.

თუმცა, ბუნებრივია ცხოვრების ხელმისაწვდომობისთვის გასათვალისწინებელია მოსახლეობის შემოსავლები ამ ქალაქებში, შესაბამისად ნიუ-იორკისა და თბილისის ამგვარი შედარება, მხოლოდ პირობითი შეიძლება იყოს. უცხოელებისთვის, თბილისი საკმაოდ მიმზიდველია საცხოვრებლად, მაშინ როდესაც უცხო ქვეყნის მოქალაქეებს შემოსავლები საზღვარგარეთიდან აქვთ, ფულს კი თბილისში ხარჯავენ. 

მართალია, ამ მხრივ თბილისი და ბათუმი საკმაოდ ხელმისაწვდომი ქალაქებია, მაგრამ გასათვალისწინებელია ასევე ცხოვრების ხარისხი. საქართველოს კომპაქტურად დასახლებულ ქალაქებში, სერვისებზე ხელმისაწვდომობა საკმაოდ პრობლემურ საკითხად რჩება. მათ შორისაა კეთილმწოყობილი საჯარო სივრცეები, რეკრეაციული სივრცეების არსებობა, მოწესრიგებული საქალაქო ტრანსპორტი და სხვა. 

ასევე, გასათვალისწინებელია ისეთი დეტალები, როგორებიც არის  ქვეითებისთვის თუ ავტომობილებისთვის განკუთვნილი სავალი ნაწილების მოწოყობა, ხარისხიან ჯან.დაცვაზე ხელმისაწვდომობა, კონკურენტული განათლების მიღების ხელმისაწვდომობა და უამრავი სხვა დეტალი, რითაც თბილისი და ბათუმი ევროპის ქალაქებს მკვეთრად ჩამორჩება. სავარაუდოა, რომ რუსეთის მოქალაქეებმა საქართველო შოკის პერიოდში დროებით თავშესაფრად გამოიყენეს და პირველივე შესაძლებლობისთანავე დატოვეს ქვეყანა, რასაც სტატისტიკაც ადასტურებს.