როგორ ავირჩიოთ საცხოვრებელი ბინა სტუდენტისთვის თბილისში:ბიუჯეტური და კომფორტული ვარიანტები

თბილისში ბინებზე მოთხოვნა გაიზარდა 2022 წლის ზამთრის შემდეგ, რამაც ფასების საგრძნობლად გაზრდა გამოიწვია. სტუდენტები ვერ პოულობდნენ ბინებს თავიანთი განსაზღვრული ბიუჯეტის ფარგლებში, ამისთვის გაიმართა არაერთი საპროტესტო აქცია, მოთხოვნებით მიმართავდნენ უნივერსიტეტებს, რომ სწავლა დაეტოვებინათ სრულად დისტანციურ რეჟიმში და ეძებდნენ ალტერნატივებს, რისი დახმარებითაც შედარებით ბიუჯეტურ ფასად ნახავდნენ საცხოვრებლად ნორმალურ პირობებს.

სტუდენტობის პერიოდში ხშირი იყო შემთხვევები, როდესაც ახალგაზრდები თბილისში მცხოვრებ ნათესავებთან რჩებოდნენ დროებით საცხოვრებლად, თუმცა ბოლო წლებში შეიმჩნევა ტენდენცია, რომ ურჩევნიათ დამოუკიდებლად იცხოვრონ ქირით, თუნდაც თანაკურსელთან ან მეგობრებთან ერთად და მათთან გაიყონ ბინისა და კომუნალური გადასახადები.

სტუდენტებისთვის ბინის შერჩევისას, განსაკუთრებით კი იმ შემთხვევაში, თუ რამდენიმე ადამიანი საზიაროდ ქირაობს ბინას, მნიშვნელოვანია, რომ თითოეულ მათგანს ჰქონდეს ინდივიდუალური სამეცადინო კუთხე, სადაც მშვიდად შეძლებენ კონცენტრირებას.

კომფორტულია ვარიანტი, როდესაც ბინაში იმდენი საძინებელია, რამდენი ადამიანიც ქირაობს ბინას, ამ ფაქტის დახმარებით, სახლის ყველა ბინადარს საკუთარი სივრცე აქვს. გარდა ამისა, საერთო სივრცეები, როგორიცაა მისაღები ოთახი, სამზარეულო და სველი წერტილი, უნდა იყოს ნეიტრალურად მოწყობილი, სუფთა და მოვლილი. თითოეულ მაცხოვრებელს უნდა ჰქონდეს პასუხისმგებლობა ერთმანეთის მიმართ, რომ დაიცვან სისუფთავე, მორიგეობით გაინაწილონ სახლის საქმეები, მოაწესრიგონ თავიანთი ნივთები, პუნქტუალურად გადაიხადონ თავიანთი წილი გადასახადები, როგორც ბინის ქირის, ასევე კომუნალური გადასახადების.

სტუდენტებისთვის ასევე დიდი მნიშვნელობა აქვს ლოკაციას. კომფორტულია თუკი ბინის მისამართი ახლოსაა უნივერსიტეტთან, სხვა უბნის შემთხვევაში კი ბევრი საზოგადოებრივი ტრანსპორტის ალტერნატივა არსებობს უნივერსიტეტამდე მისასვლელად და მარტივად მისვლაა შესაძლებელი მეტროს თუ ბასლეინის დახმარებით.

რაც შეეხება ბიუჯეტურს, რიგ შემთხვევებში ფასის გამო კომფორტის რაიმე პარამეტრზე უარის თქმა შეიძლება იყოს საჭირო. მაგალითად, შეიძლება ბინა გარეუბანში შეარჩიოთ, სადაც ცენტრისგან განსხვავებით, შედარებით დაბალი ფასებია, თუმცა უნივერსიტეტში სასიარულოდ საზოგადოებრივი ტრანსპორტი დაგჭირდებათ. ასევე, ბიუჯეტური ვარიანტის შერჩევისას, შედარებით პატარა ფართის ბინაზე შეარჩიეთ არჩევანი, ან ძველ აშენებულ და ძველი რემონტის მქონე სუფთა ბინაზე.

ბაზარზე არსებული ფასების გამო, რთულია რომ ერთდროულად კომფორტული და ბიუჯეტური ვარიანტის პოვნა მოხერხდეს, თუმცა არის შემთხვევები, როდესაც ეს შესაძლებელია ხოლმე. ამისთვის კი საფუძლიანი ძებნაა საჭირო, ss.ge-ს მრავალფეროვანი განცხადებები კი მოგცემთ საშუალებას იპოვოთ ის, რასაც ეძებთ.