18-წლიანი გამოცდილება საქართველოში და განვითარება უცხოურ ბაზრებზე - პრემიუმ ავეჯის მწარმოებელი კომპანია Op-Art ექსპორტზე გადის

ხარისხიანი, გამძლე, ფუნქციური და ლამაზი ავეჯის შექმნის მიზნით, 2007 წელს ბაზარზე გამოჩნდა ქართული ბრენდი Op-Art, რომელმაც საქართველოში ინტერიერის დიზაინისა და ავეჯის წარმოების სრულიად ახალი სტანდარტი დანერგა და ის ევროპულს გაუტოლა. 

კომპანიის პირველი ნაბიჯები პატარა, მაგრამ ამბიციური იყო. მკაფიო მიზნებისა და დიდი შრომის შედეგად კი დღეს Op-Art გახლავთ პრემიუმ ბრენდი, რომელსაც ენდობიან და აფასებენ.

როგორც კომპანიაში იხსენებენ, 18 წლის წინ საქმიანობა სამზარეულოების წარმოებით დაიწყეს. „სამზარეულო სახლის ყველაზე ემოციური სივრცეა - ადგილი, სადაც ყოველდღიური ცხოვრება იწყება“ - სწორედ ასეთია პასუხი კითხვაზე, თუ რატომ დაიწყეს საქმიანობა სამზარეულოების შექმნით. უნიკალურმა დიზაინმა და მაღალმა ხარისხმა კი მომხმარებლების ნდობა მოკლე პერიოდში მოიპოვა და საქმიანობაც უფრო მრავალფეროვანი და მასშტაბური გახდა. 

კონკურენციის პირობებში ბაზრის წამყვანი მოთამაშის პოზიციის მოპოვება და შენარჩუნება მარტივი არ ყოფილა, თუმცა კომპანიის მთავარი ღირებულებების ერთგულება ამ პროცესში გადამწყვეტი აღმოჩნდა. Op-Art-ის თითოეული გადაწყვეტილების საფუძველია:

• ხარისხი - პროდუქტი, რომელიც მრავალი წლის განმავლობაში ინარჩუნებს პირვანდელ სახეს;

• ეკოლოგიურობა - მასალები, რომლებიც უსაფრთხოა ადამიანისა და გარემოსთვის;

• ინდივიდუალური მიდგომა - თითოეული პროექტი იქმნება კონკრეტული სივრცისა და დამკვეთის საჭიროებებზე მორგებით;

• სრული ციკლი - დიზაინიდან და წარმოებიდან, ტრანსპორტირებამდე და მონტაჟამდე.

2021 წელი კომპანიის საქმიანობაში მნიშვნელოვანი თარიღია. 4 წლის წინ Op-Art-მა გახსნა თანამედროვე საწარმო, რომელიც ევროპული დანადგარებითა და ხელსაწყოებითაა აღჭურვილი. იგი 7 000 კვ.მ.-მდეა განთავსებული. ახალი საწარმოს მასშტაბიდან გამომდინარე ბრენდმა კიდევ უფრო გაიმყარა პოზიცია ბაზარზე და ამავდროულად, ხარისხის კიდევ უფრო მეტად სტაბილური უზრუნველყოფა შეძლო. შედეგად, დღეს Op-Art-ს თანაბარი წარმატებით ასრულებს როგორც დიდ კორპორაციულ, ისე მასშტაბურ კერძო დაკვეთებს. პორტფოლიოში მრავლადაა მოცემული როგორც სამზარეულოს, ასევე ოთახშორისი კარის და სხვა ავეჯის წარმოება.  

თუმცა, რომ არა Op-Art-ის გუნდი, ალბათ, წარმატების მიღწევა და ხანგრძლივად შენარჩუნება შეუძლებელი იქნებოდა. დიზაინერების, ინჟინრების, ტექნოლოგებისა და მონტაჟის სპეციალისტების პროფესიონალიზმი განაპირობებს იმ სტანდარტს, რომელსაც ბრენდი ქმნის. კომპანიის თითოეული ნამუშევარი მაღალხარისხიანი და ამავდროულად, ინდივიდუალურია. 

Op-Art-ის წარმატების კიდევ ერთი წინაპირობა ის გახლავთ, რომ კომპანია სწრაფად ერგება ახალ ტენდენციებსა და მოთხოვნებს, რიგ შემთხვევაში კი თავადაც ნერგავს სიახლეებს. მაგალითად, თუ წლების წინ მომხმარებლისთვის ავეჯის შექმნის მთავარი კრიტერიუმი მხოლოდ დიზაინი გახლდათ, ახლა დამკვეთს სურს, რომის იყოს პრაქტიკულიც და ფუნქციურიც, ადვილად მოსავლელი და გამძლე. სამზარეულოს მაგალითზე რომ განვიხილოთ, დღეს დიზაინთან ერთად მნიშვნელოვანია ტექნიკური დეტალები, თუ როგორ არის დაგეგმარებული ტექნიკის განაწილება, როგორაა მოწყობილი განათება, რამდენად მარტივია ზედაპირის მოვლა. მომხმარებელი სჭირდება პროდუქტი, რომელიც მას დატვირთულ რეჟიმში ყოველდღიურობას გაუმარტივებს.

18-წლიანი გამოცდილების შემდეგ, Op-Art განვითარების სრულიად ახალ ეტაპზე გადადის. გარდა იმისა, რომ კომპანია ახალი მასალების, ტექნოლოგიებისა და მოდულური სისტემების მოძიება-დანერგვაზე უწყვეტ რეჟიმში მუშაობს, ის აქტიურად ჩაერთო ექსპორტზე გასვლის მიმართულებით საქმიანობაში. მათი მიზანია, ქართულმა პროდუქტმა ღირსეული ადგილი დაიკავოს საერთაშორისო ბაზარზე. საწყის ეტაპზე, მოლაპარაკება მიმდინარეობის რეგიონის ქვეყნებისა და ამავდროულად, კანადის ბაზარზე. როგორც კომპანიაში აცხადებენ, აღნიშნულ ქვეყნებში ხარისხიან და ექსკლუზიურ დიზაინსა და ავეჯზე მოთხოვნა მაღალია, ქართული წარმოება კი თავისი სტანდარტებითა და შეთავაზებებით საკმაოდ კონკურენტუნარიანი.