კარიერული ზრდა IT სფეროში საქართველოს ბაზარზე

ინფორმაციული ტექნოლოგიების სფერო საკმაოდ ყოვლისმომცველი და მრავალფეროვანია. ყველა ადამიანს აქვს იმის შესაძლებლობა, რომ საკუთარი უნარების რეალიზება ამ სფეროში მოახდინოს და დააჩქაროს კარიერული ზრდა IT-ის მიმართულებით. ამ დარგში სამუშაოს შესრულება შესაძლებელი არამხოლოდ ოფისიდან, არამედ დისტანციურადაც არის, სწორედ ეს არის ერთერთი მნიშვნელოვანი ფაქტორი, რაც მიმზიდველს ხდის IT სფეროში დასაქმებას და ადამიანებს საშუალებას აძლევს შესასრულებელი სამუშაო მსოფლიოს ნებისმიერი წერტილიდან თავისზე მორგებული გრაფიკით შეასრულონ.

მსოფლიოს ტენდენციებს, რა თქმა უნდა, საქართველოს ბაზარმაც აუწყო ფეხი. ტექნოლოგიების სფეროში განვითარდა სხვადასხვა მიმართულებები, საქართველოში შემოვიდა უამრავი საერთაშორისო კომპანია და ასევე პირიქით - ქართველი სამუშაოს მაძიებლები გავიდნენ საერთაშორისო დასაქმების ბაზარზე და უცხოელი დამსაქმებლების დაკვეთებს ასრულებენ. რასაკვირველია, ანაზღაურება შესრულებული საქმიანობის მიხედვით განსხვავდება სხვადასხვა ქვეყნებში, განსხვავებულ ვალუტაში მიღებული შემოსავალი კი საქართველოში მცხოვრები დასაქმებულისთვის საშუალო ხელფასზე საკმაოდ მაღალი გამოდის ჯამურად, აქედან გამომდინარე ინფორმაციულ ტექნოლოგიებში დასაქმებული ადამიანების სახელფასო მოთხოვნები გაზრდილია კონკურენციიდან გამომდინარე. დამსაქმებლებს, რომლებსაც სჭირდებათ კონკრეტული საქმის შემსრულებელი თანამშრომლები, უწევთ დათანხმდნენ კანდიდატის სახელფასო მოლოდინებს, რადგან ეს ადამიანები მარტივად მოაგვარებენ შემოსავლის საკითხს და დისტანციურად დასაქმდებიან უცხოელ დამსაქმებელთან გაცილებით მაღალ ანაზღაურებაზე.

IT სფერო მუდმივად ვითარდება, ჩნდება ახალი მოთხოვნები, ტექნოლოგიები იხვეწება და ციფრულ ერაში საკმაოდ დიდი მოთხოვნილებაა კარგ სპეციალისტებზე. აქედან გამომდინარე კარიერული ზრდის პერსპექტივა მუდმივად არსებობს. მით უმეტეს, თუკი ინტერესიანი ადამიანი ხართ და ადვილად უღებთ ალღოს სიახლეებს, კარიერის შექმნა და აწყობა ინფორმაციული ტექნოლოგიების სფეროში მარტივად შეგიძლიათ. ბევრი საერთაშორისო კომპანია თავად არის დაინტერესებული თანამშრომლების განვითარებითა და კარიერული ზრდით, ამისთვის მათი გამოცდილების გასაზრდელად საკუთარი ხარჯებით უფინანსებენ სწავლას.

დღესდღეობით საქართველოს ბაზარზე რაც ხელს უწყობს კარიერულ ზრდას IT სფეროში, ეს არის სწრაფად დასაქმების შესაძლებლობა და მაღალი ანაზღაურება. მაღალი მოთხოვნიდან გამომდინარე,  წლიდან წლამდე ინფორმაციულ ტექნოლოგიებში სულ ახალი მიმართულებები ჩნდება, გამოცდილი ადამიანები ამ სფეროებში ჯერ არ არსებობენ, რადგან ნელ-ნელა ყალიბდენა ახალი მიმართულებები და შესაბამისად ტექნიკოსები თანდათანობით იცვლიან თავიანთ სამუშაო არეალებს ტექნოლოგიების ირგვლივ.

ინფორმაციული ტექნოლოგიების სხვადასხვა მიმართულებების სწავლის დაწყება ნულიდან არის შესაძლებელი მას შემდეგაც, თუკი სრულიად სხვა სფეროში გაქვთ მიღებული განათლება და გამოცდილებები. არსებობს უამრავი სასწავლო დაწესებულება და ტრენინგ-ცენტრი, რომელიც მსურველებს სთავაზობს როგორც საბაზისო ცოდნის მიწოდებას ინფორმაციული ტექნოლოგიების შესავლის სახით, ასევე კონკრეტული მიმართულებებისა და პროგრამული ენების სწავლას.

ინფორმაციული ტექნოლოგიების სფეროში კარიერის ზრდა, შეიძლება თამამად ითქვას, რომ ყველაზე სწრაფად შესაძლებელია, ვინაიდან ახალი საჭიროებები, მუდამ მზარდი მიმართულებები და მოთხოვნადი პროფესიონალები საკმაოდ დიდი რაოდენობითაა დასაქმების ბაზარზე.